嗰陣去到婚展第一間睇到Arlene Wedding覺得ok就揀咗佢。其實都有睇過其他公司嘅，不過最後都係揀咗佢，佢地講解大致上都清楚嘅，不過可能我冇聽清楚定係佢地冇寫到，本身以為佢地會比返個全檔我，不過就冇比返。我地後尾要買返200幾張相嘅全檔，最後我都要用高價買返，呢方面我覺得有少少over咗budget🙈。

我地pre-wedding就去咗北海道影，中間就由佢地安排。我地有同佢地講想點樣、大概去邊度影咁樣，就由佢地安排😆。攝影師有比建議我地，教我地擺pose，同埋諗辦法令我地笑得自然啲。當日交通係由佢地安排嘅，見到佢地工作人員之間合作得幾好，成個拍攝過程好舒服😇。

不過後尾拎返啲相，覺得可以影得再好啲，朋友都話影相個意境可以再好啲，不過佢地工作人員真係幾好🥰。影相期間，佢地會講吓笑令到我放鬆，好nice，會照顧我地。去到北海道影相，我一影完相覺得凍嘅時候佢地會拎件衫比我咁樣，攝影師又好take care我。同埋化妝師都係個幾貼心嘅人，見到我啲頭髮比風吹到亂咗都會即刻幫我整理返。佢地工作人員都好盡責好nice， 當我地有咩需要，佢地都會盡力滿足我地同協助我地。

其實我哋係誤打誤撞認識到Arlene Wedding嘅，因為去行婚展，行過每間都會有人走埋嚟介紹，唯獨是Arlene Wedding無，咁我哋就好奇企喺度望下，佢哋唔會一嚟就sell我哋啲一萬蚊兩萬蚊嘅plan，而係問我哋budget係幾多同想要啲咩服務，再儘量砌返個項目俾我睇，好靈活😆。

第一感覺係佢哋比起其他公司無咁hard sell，就好似朋友傾計咁，成個過程好舒服嘅，聽落感覺幾好，所以就join咗佢哋啦。我哋就用咗Arlene Wedding嘅pre-wedding同big day攝影嘅一條龍服務，pre-wedding去咗台灣影。初頭話去台灣其實我哋都唔知有咩影，不過佢哋會介紹當時11月台灣可以影嘅嘢，譬如想影櫻花可以去邊啊，問我想唔想影教堂嗰啲，視乎我哋鍾意嘅背景帶我哋去影。最貼心嘅就係我哋因為唔熟路去錯地方，又聯絡唔到住宿嘅負責人，攝影師好好咁幫我哋聯絡，唔係嘅話都唔知點算啦😣。

影相嘅時候攝影師不停講啲笑話氹我哋笑，仲教埋我哋擺pose令到幅相影出嚟靚啲。出嚟嘅效果我都好滿意，係比較自然嘅風格，因為我比較鍾意大自然。同埋會有個台灣當地嘅化妝師跟住我哋，佢都好貼心好照顧我，因為嗰陣比較凍，落車嗰陣佢會叫我披住件䄛先，影相嘅時候再除，同埋上車嘅時候會叫我除咗高踭鞋換波鞋先，隻腳就會舒服啲。🥰

租衫係上佢哋office試，環境唔會話迫狹，因為佢哋通常預留返一段時間俾一對新人booking，唔會接其他客。衫嘅款式好多，因為我本身份人無乜主見，佢哋每次都會拎兩三件合乎我身型嘅俾我試，再睇下鍾意邊款。佢哋好專業，每次揀出嚟嘅我都好鍾意，所以都心大心細先揀到，最後total就租咗5件🥳。

去到Big day嗰日攝影師好專業，因為我好眼淺，姐妹講心底話嘅時候佢捕捉到大家嘅心情，夜晚佢都即刻send咗幾幅相俾我，我好鍾意。因為我忙完成日都無時間揸相機影相，佢就會特登揀幾張俾我回味一下先，好貼心啊😚。

化妝師Karman我哋喺婚展就已經見過，係由pre-wedding、試衫試妝全程serve我哋嘅，所以就好清楚我哋想要啲咩，會幫我哋安排好晒，好似睇住我出嫁咁🥰。同埋Karman好貼心，會一直提我結婚前要做咩，我可以好放心。我皮膚比較乾，佢會一直提我要敷mask，我老公頭髮比較稀疏，佢又會同我講邊度有得買髮粉。因為我屋企人啲衫都係喺嗰度租，佢對老人家好貼心，老人家有自己諗法佢都會聽，又會俾啲意見咁。我會介紹Arlene Wedding俾其他朋友，任何類型嘅新人都好適合，因為佢哋好專業又搞笑好玩😋。