婚展嘅時候，感覺佢哋有誠意，服務態度又好，所以無比較到其他公司，join咗pre-wedding同big day V+P同租衫嘅一條龍服務☺️。

Pre-wedding係喺香港影嘅，outdoor同studio都有，拍攝之前有同攝影師傾過想點影，佢哋都有俾啲意見。攝影師好好，好多嘢都跟足，plan晒全日可以去邊度影，影相嘅時候又好識搞氣氛，我哋對佢讚不絕口啊😍。佢哋嘅溝通技巧好好，因為我哋唔慣影相，所以動作好生硬，佢哋就會用啲好搞笑嘅方式去令我哋無咁緊張😆。不過相簿個排版就唔係咁鍾意，如果編輯過程中佢哋問下客人想要啲咩風格，會令客人覺得更有誠意。我係有要求嘅人，加上因為我本身做設計，所以更加執著，最後所有嘅排版同調色都係我自己設計。佢哋前期係ok，但係後期編輯呢part就要再改善下啦🤔。

我哋有開個whatsapp group方便溝通，但係跟我哋嗰個女仔會問完再問，例如試西裝咁，佢問返我轉頭揀咗邊件衫。啲衫喺婚展同揀嘅時候有啲出入，我哋上到去先發覺啲衫唔係我哋想要嘅衫，我覺得就算唔係完全一樣都應該係要類近，參差唔好咁大🙈。不過最後親朋戚友有讚我哋啲衫好靚。

佢哋顧客服務嘅態度係好好，俾人嘅感覺好輕鬆。攝影師都真係好好嘅🥰，Big day嘅攝影師同pre-wedding係同一個，嗰日佢都好好咁幫我哋嘅朋友影相，我好滿意啊😇。我哋由朝早九點幾影到五點幾，攝影師全程喺度跟出跟入，啲rundown攝影師都有俾意見。攝影師好細心，佢影相嘅時候會同我哋互動，令到我哋都好開心輕鬆😇。甚至係我嘅親朋戚友都覺得好開心，呢個攝影師係氣氛之王嚟嘅，我覺得very good啊👍。

其實佢哋好清晰咁解釋個package，但係有啲位就要再注意下，例如我作為客戶唔知佢哋會攞啲相簿去台灣print，最後我要俾shipping費用，如果當中有交代會更好。可能係喺婚展講解得太快，我諗解釋嗰part要再詳盡啲，例如相片會唔會俾返全檔我哋等問題，溝通上面可以改善下就好啦🙈。

我係去行婚展認識到Arlene Wedding嘅，嗰陣係個friend join咗先嘅，佢話價錢都ok，所以我都有去望一望，傾嘅過程都舒服嘅，佢哋唔會好hard sell，會show啲相俾我哋睇，之後就俾我哋自己睇自己諗。我最後就join咗佢哋嘅pre-wedding，影完pre-wedding覺得佢哋都幾好，就順便join埋佢哋嘅big day攝影、租衫同化妝嘅一條龍服務啦😊。Pre-wedding我哋就喺香港同台灣兩個地方影，覺得攝影師都好專業，我哋開頭擺pose好生硬，攝影師會係咁引我哋笑，仲示範埋啲動作俾我哋睇，最後影出嚟嘅效果都好好，未修圖都好靚，我哋收到相都好滿意啊😍。Big day嘅攝影師除咗其中一個其他都係原班人馬，都同我哋夾得好好。我喺香港studio影嗰輯相同big day都係同一個化妝師Karman，佢好細心，所有嘢都幫我搞掂，連物資佢都叫姊妹幫我執好晒，完全唔洗我操心，有佢喺度就好有安全感🥰。租衫方面，我揀衫試衫都揀咗三四次，佢哋會建議啲款俾我，我嘅要求佢哋都會儘量滿足，因為我係比較瘦嘅，佢哋都會幫我改到條裙最窄，好專業同幫到手。我係影咗三次pre-wedding嘅，因為唔好彩次次一影相就落雨，佢哋都好就我，會幫我reschedule，無再額外收費。原本台灣係影一日，但因為太大雨影唔到，佢哋返香港都有補多輯studio俾我，都好彈性👍🏻。我哋全部嘅衫都係喺嗰度租，我自己租咗6套衫，媽媽衫租咗2套，老公都租咗2套，總共就10套，不過如果佢哋媽媽衫可以多啲款揀就更加好啦。我覺得任何類型嘅新人都會適合佢哋，因為試過都會鍾意佢哋😆。