喺Arlene Wedding攤檔度聽完介紹之後，覺得佢哋嘅職員Zoe present得好有心機，老闆、老闆娘又親自過嚟介紹。同佢哋傾咗好耐，我哋有好多唔同嘅意見，佢哋都好有耐性咁解釋，又有搵相片畀我哋睇，所以最後揀咗佢哋😌 攝影前佢哋開左個whatsapp group，我哋搵咗啲相，大概想要咩風格比攝影師望下。我地提出想要航拍，佢地都無托手踭，有咩想影佢哋都盡量滿足番我哋👍🏻 攝影當日我哋去花蓮影相，佢哋全程照顧周到、冇任何甩漏，攝影師亦有教我哋點樣擺pose。我哋話想行上山影相，佢哋都肯陪我哋上去！佢哋安排咗一位台灣化妝師畀我，我好放心交畀佢，細心、又化得靚！💖可惜當日黃昏落雨，時間上有少少趕，我趕唔切表達要咩髮型，但整體問題不大！相片我已經收到，執咗好多次佢哋都冇怨言，我講過唔想要啲相簿咁老土，佢哋都有畀唔同款式我揀。Carmen同Queenie服務好好，由頭跟到尾，有咩事即刻打畀佢哋就會幫我，服務一流！😌我仲介紹咗幾個朋友去搵佢哋影相，非常專業、細心，服務好！如果佢哋服飾款式選擇可以多啲就更好，佢哋都有拎新衫畀我睇，但有啲衫畀人book咗就冇辦法。 我Big Day嘅攝影都係搵返佢地，效果好好，好滿意！👏🏼👏🏼

我行婚展見到Arlene wedding, 見到我朋友啲相(先知原來佢地都係用呢間），咁我本身又聽過朋友啲feedback話幾好嘅，所以都俾佢地吸引左，諗住跟我朋友一樣揀呢間。當日招待我地嗰個都幾風趣，幾熱情，同講解都係好清晰。之前見過我朋友啲相，都知大概ok，最後我地就揀曬佢地pre wedding同big day。

我地pre wedding 揀左去巴黎同埋布拉格，因為覺得歐洲比較浪漫啲，之前朋友就影左布拉格，都覺得好靚， 同埋我自己又想去巴黎，所以就揀左呢兩個地方。 同佢地嘅溝通都好順利，幾好😌 佢地做野都係好細心，admin嗰啲都會好主動，同埋比較全面咁幫我睇住成件事。啲衫都係香港揀好跟住帶過去，款式都幾好，會揀到自己想要嘅款式。因為我比較細粒，佢地都會幫我改size，搵到岩我自己身型同style嘅衫。佢地俾我睇iPad,同會問我想搵邊一類，跟住就會再係ipad度俾類似款式嘅衫我去睇。佢地有新貨到左都會叫我去睇，所以都幾好👍🏻 我地去影pre wedding嗰陣，真係特別欣賞化妝師玫瑰🌹！佢係好好，全整都睇住我，有少少風吹到頭髮，少少飛起都會即刻幫我整返好，佢係隨時都會幫我睇住！攝影師師都係好好 👍🏻我就係上網搵左啲相俾佢睇我想影嗰啲style,、嗰啲款。佢又會去影之前喺酒店溝通嗰陣影低，跟住儘量影返我想要嘅風格、角度呀構圖咁樣。

到左我bigday，其實都同一個團隊，佢地都係好好，好似pre wedding嗰陣咁樣好細心，好幫我地，又會喺我地角度出發為我地著想，同埋影出黎個效果都係好好😍 我地big day當日有啲雨，天陰陰咁樣，佢地都會幫我地就住啲光啲景。有時間中落一陣雨，佢都會幫我揀啲地方，就住影佢都會影得好靚，完全唔似落雨影影到天陰陰咁樣😎化妝師都係好好，好快手，跟到我地本身定嗰個時間，😆真係好好！我啲朋友都話好靚呀，啲相影出黎對比同期差唔多時間結婚個啲，佢地就話差好遠！Arlene wedding 係影得靚好多, grand 好多。 我覺得佢地全部人都係好熱情❤️好熱心咁樣幫你，同埋我地上到去，都會有種好輕鬆嘅感覺。