一開始有機會同化妝師 Karman 傾咗一陣，佢好細心又詳盡咁解釋唔同嘅嘢俾我哋聽，再加埋我哋要準備啲咩，俾到我哋一種安心嘅感覺，感覺Arlene Wedding好有經驗，又好專業，諗嘢都好周全，令我哋唔洗擔心到時會有咩甩漏😆。

我哋最後選擇咗Big Day嘅package，其實我哋好早就已經揀咗化妝師同攝影師，Arlene Wedding嘅安排好有條理，好早開始同我哋保持聯絡🌟，我哋一路有啲咩問題都會問佢哋，所以嗰時係一邊同化妝師聯絡，一邊同公司嘅同事都有聯絡，所以我哋都好安心。初期都有啲擔心，但後期充足嘅溝通都令到我哋都好放心🥳。 

揀衫嘅時候，其實我偏向揀啲冇咁誇張嘅款，Arlene Wedding都比好多意見我哋💕。 到咗Big Day 當日，攝影師都好專業。我哋其實唔係好識擺 pose，但攝影師會教我哋🤣。成個過程都係有交帶同跟得好足👍。其中一個最難忘嘅部分就係我哋 March in 時特登著咗非洲風格嘅服飾，我哋同團隊講咗之後，佢哋都好配合我哋，化妝師仲因應我哋嘅風格設計咗特別嘅造型。 雖然呢個係有啲挑戰性，但係化妝師都處理到🤩。成個過程都好開心🥰！

其實我之前都有睇過其他公司，不過大多數都係想快啲完咗件事為主，而且有種我哋俾人牽住走嘅感覺，冇乜嘢可以俾我哋話到事🥹。但Arlene Wedding完全唔同，我自己本身係一個鍾意玩嘅人，同事好快就捉到我嘅風格，會喺一種開心愉快嘅氣氛之下同我傾啲細節，仲會分享啲專業意見俾我哋👍。Arlene Wedding係好有同理心，佢哋會幫我解決啲問題，又會明白我哋嘅處境，仲會教埋我點樣揭頭紗😚。

Arlene Wedding嘅攝影團隊令到成個過程嘅氣氛都好開心，一啲都唔緊張😝。攝影師好專業，仲好配合我哋，同我哋一齊玩特效，影落雨嘅效果，甚至喺behind the scene條片入面放咗我最鍾意嘅 Final Fantasy音樂🌟，呢個喺我傾偈嘅時候同佢哋講過，但佢哋竟然記得，真係好體貼🙏🏻。當我搵咗好多外國同台灣嘅參考俾佢哋睇，Arlene Wedding就主動推薦咗幾個地點俾我揀，最終我哋決定喺一間戲院拍攝💯。攝影師都非常用心，幫我哋影咗一輯獨特嘅戲院相。 當我哋提出希望有爆谷爆出嚟嘅效果，攝影師真係同我哋一齊試，仲後製key返啲爆谷上去😆。Arlene Wedding好願意去一齊試影一輯屬於我哋嘅相，甚至收工都仲留喺到同我哋影多幾個shot，團隊仲幫我主動問啲司機可唔可以喺紅van上面影相，因為我哋都比較被動， 所以佢哋真係好主動🥹。我覺得Arlene Wedding喺customer service，人性化同同理心嘅方面都做得好好，而且感覺團隊當攝影係一種樂趣，而唔係工作😆。