我地係婚展個陣，Arlene Wedding就sell我地，咁我地都無咩特別要求，同見佢地D服務都幾好，D相又幾靚，所以揀左佢地。佢地服務好好，相處就好似朋友咁同你傾計，你需要D咩野，佢先會俾你，唔似其他舖頭咁hardsell💖本身就睇pre wedding先，見到佢地都ok喎，影相呀各樣服務都好好，咁就join埋一條龍服務， 租衫攝影化妝所有野都係佢地幫我處理哂，我就唔使再係出面煩。 本身我揀左台灣影pre wedding，不過後尾有D私人原因，就臨時轉番香港。咁佢地都好好，完全無問題咁配合我👌🏽最後我地去左三家村同埋麗都灣影。一開頭已經覺得佢地真係好友善，好似朋友咁樣傾計，會睇埋你D咩需要，有咩要求都會盡量配合你。我想影嗰D石灘同石崖，佢地都會特登安排D地方去影👍🏽佢地會好努力去營造我想要嘅感覺。例如我想要D黑暗D、型格D嘅風格，佢地都做到。 衫方面佢地會睇下你想要咩，會視乎你想要嘅款，身形呀，幫你揀返D岩你size嘅衫。同埋揀衫嘅時候，佢都完全無不耐煩，而係好耐心咁，你揀幾多件佢就會陪你試幾多件。佢D衫全部都keep得好新淨，同埋佢地周不時三兩個月都會返D新貨返後。 化妝師都係好好，不論係big day定係pre wedding都係好體貼咁跟足全程。佢成日都會喺身邊，隨時都就會幫你整返好，所以都係好貼心! 到左big day當日，攝影團隊都好搞笑，好似朋友咁，完全唔會需要擔心有咩甩漏，連大妗姐嘅角色都會幫你做埋🤣🤣成個流程都係好順暢，同埋係好搞笑。售後服務都OK，同上網睇到個D評語一，真係好好。 我最欣賞係佢地同客可以係好似朋友咁相處，唔同出面其他公司化妝師就化妝師咁樣，唔會同你有好多交流。但係Arlene Wedding 度佢真係除左同你做big day攝影化妝之外，真係有好多額外嘅關心，同幫你跟得好貼，跟埋D好細致嘅野，所以真係做得好好。

我一年前第一次去行婚展，嗰次都無諗住要係個婚紗展度book曬所有野，不過咁岩係離開前經過Arlene Wedding個攤位，佢地個同事就俾左張宣傳單張我，邀請我坐低聽下。一開始我淨係訂左個pre-wedding，但佢D同事好好，收費嗰Ｄ會同你講得好詳細，而且價錢好合理，唔會係漫天叫價咁樣😙同埋你同佢地相處，你唔會覺得係不斷俾佢地sell 你野，你會覺得佢地係真心想幫你搞好個pre-wedding big day細節咁樣。聽完佢地講之後，我又真係好鍾意，所以諗都無諗又book埋big day既攝影!

之後上到去，佢地D同事真係好細心，由揀禮服開始，無論係pre wedding定係big day,服裝方面都係好照顧得到！每一次我上到去，佢地都會繼續推介俾我地睇仲有D咩款適合我地，唔會話一次幫你揀定衫之後就唔再幫你睇下有無其他。我一開始訂好左係嗰幾套，但係後尾有D新嘅款佢又會主動俾我試，去到最後真係幫我揀到最好、我最鍾意、最岩我嘅個套😇我每一次上去，佢都會盡力幫我將個件衫改到最岩我個size同埋最符合我果個著法比我試，佢地真係好細心！

到左big day當日，佢地個化妝師同埋個攝影師都好好。本身big day都會有好多狀況出現，但係佢地真係好叻，咩都可以搞得掂👍🏽👍🏽好似我book左車車我D兄弟姊妹，但因為個司機唔識路，兜錯左，搞到我地遲左。但佢個化妝師都好好，可以搶到D時間幫我，令到我後尾都可以追返D時間繼續落去。唔單止我，另外個化妝師全部都處理得好好，包括我媽咪，奶奶，佢地嘅妝都化得好靚架😍個個都讚佢地既妝同埋set得個頭好靚，嗰晚都有幾個人問我佢地個化妝師個contact！

我pre-wedding係去台中影，就係另一個化妝師同埋攝影師。我地去左清境個青青草原度影，嗰日天氣又熱又多蚊。本身應該有好多羊，但係雖然當日無羊，個攝影師影出黎個景都係好靚！我影完pre-wedding之後，有同佢地溝通過好多次，因為佢地會先處理好D相，跟住俾我地睇，我地有咩唔滿意再同佢地講返，佢地就會不停幫我地改，唔係話處理完就算，而係改到你滿意為止💯D相嘅效果真係好好，好滿意！ 我影之前好緊張，有好多野會問佢地，例如pre-wedding個陣要帶咩、準備D咩，big day又要注意D咩咁，佢地都會提得好詳細，唔會話唔關佢地事嘅就同你講話唔知😇佢地每一個都真係好細心，都會講俾你聽點樣著，咩角度會係最靚。又會咩方面都幫我地諗得好詳細，無論咩問題都會幫我地諗好點解決。佢地唔係純粹sell野、或者big day完左之後就唔理你，而係令你有種朋友嘅感覺❤️我地完左big day，都會間中食飯。我地真係會介紹佢地俾D就黎結婚嘅朋友😎