我覺得Arlene Wedding嘅服務好好👍，當時行婚展佢哋啲同事見到我大住肚，大家都好關心我，好小心咁錫住我。 我陣行過Arlene Wedding 個booth，覺得個個台灣男同事講嘢好親切，所以入咗去了解，之後佢哋同我哋分享咗好多相，我同先生都好鍾意，係咁話「好靚，好靚」🤣，傾嘅過程都好舒服，所以好快就決定咗join prewedding同big day。

但好可惜，影prewedding當日我身體狀況唔係太好，出去外影個陣已經唔係好舒服，但攝影團隊都好照顧我，好關心我身體，不過最後我哋都決定唔影，所以影到一半就返咗屋企休息。不過我無諗過，事後Arlene Wedding主動同我講可以補返影剩嗰幾個鐘，仲可以俾我揀影大肚婆相又得，全家福又得，令我好驚喜，佢哋真係好好，一間好有人情味嘅公司🤩！而且試衫嘅體驗都唔錯，staff會就住我當時嘅條件推薦適合嘅衫，好幫得手，仲好為我著想，最後我都揀咗佢哋介紹嘅禮服。

Big day嗰日，攝影團隊有2個人，加埋化妝師，團隊合作都幾好。其實我無咩特別嘅要求，因為我好相信佢哋嘅專業，所以好放心交比佢哋決定。攝影師Bobby好細心，因為我平時唔笑個樣會好cool，佢就講笑話氹我開心，令我影相笑得自然啲。另外，我好多謝化妝師Karman當日全程陪住我，完全無離開過我，仲不停關心我，睇下我有咩需要就會立刻幫我，好helpful🙏🏻。我覺得佢哋整個團隊嘅人都好熱心，經驗好豐富，仲好有team work，令我哋當晚流程好順利。

我哋去婚展嗰陣見到Arlene Wedding，睇過佢哋啲相覺得好中我嘅style，staff同攝影師Bobby詳細介紹返package，又會俾以前嘅拍攝作品我睇。因為我個人比較鍾意夢幻公主feel啲，而難得攝影師本人就係現場，可以俾我即場同佢傾下計，了解下啲拍攝細節，睇下做唔做到我想要嘅style，呢一點真係好好，亦都feel到佢係好有heart💯。了解過後，佢哋完全唔會hard sell我，反而會叫我可以考慮下先，唔會逼我即刻做決定，溝通嘅過程都好舒服🤗。

我覺得佢哋嘅Staff都好好，記得final fit嗰日，我覺得件禮服試咗上身唔係我想要嘅效果，staff都會即時根據我嘅要求幫我改返👍🏻，仲會俾好多意見我。而影相當日，化妝師都好有耐心，亦都好溫柔，做嘢都好快手😆。攝影師 Bobby就好funny，講嘢好好笑，仲會親自示範點樣擺pose。佢仲好細心，俾我哋自己帶道具去影，仲同我哋講想影乜效果同佢講返就OK，之後佢聽到我話想著旗袍，佢仲針對我嘅穿著去推薦地方俾我，好專業🥳。另外，我記得坐緊車嗰陣，突然見到側邊有個位覺得好靚，我好想影，Bobby見到時間都充裕，都即刻落車幫我哋影，大家相處得好愉快，好多互動，好似朋友咁，所以成個拍攝氣氛都好輕鬆，一個愉快嘅體驗😝。