我行婚展嘅時候見到Arlene Wedding，睇左佢哋既相簿👀，發覺影出嚟嘅相係我想要嘅感覺，所以我就join咗佢哋嘅Pre Wedding 服務。影完Pre wedding之後，我就再join 埋佢哋嘅Big Day Service喇。

影Pre wedding 嗰日，同整個團隊的溝通係好smooth😀。我哋去咗城門水塘、中環電車，同埋山頂公園影相。攝影師Bobby同助手，好專業，會教我地擺pose，教我地點笑。另外，化妝師Phoebe 好細心👧🏻，佢會先了解我想要嘅妝效，幫我化咗一個好靚嘅妝。

出到嚟嘅相，我哋都十分之滿意💯，因為我哋影相個日係落雨同大霧，但係的相都冇令到我哋失望，仍然有我地想要嘅感覺。

Big Day個日，係Bobby師傅幫我哋影相📸️。師傅好nice，佢好有技巧咁幫我哋整理好我哋緊張嘅情緒，幫我哋盡快專注咁投入影相。 好欣賞 Alrene Wedding 整個嘅團隊精神👍🏻，無論由Sales 嘅同事 Karman、攝錄影師，到化妝師，佢哋真係合作無間。有佢哋嘅幫助，我哋嘅pre wedding同婚禮先可以順利舉行。☺️

當初我見到Arlene Wedding，佢Sample相其中一個取景係大帽山，但我睇過其他攝影公司就無呢個地方，同埋我同老公就都影啲特別嘅，加上佢出嚟相嘅效果好靚🤓，第一次我就純粹了解下，第二次見到佢哋再做Promote，價錢都幾合理，先真正決定㨂佢， 第一二次同我介紹Package嘅同事就係Carmen，後期到公司㨂衫、聯絡化妝到後期㨂相都係Queenie同我溝通😉。

因為始終未影過Prewedding，所以好多嘢都會問下佢哋，佢哋又會俾番專業嘅意見我，同埋佢哋嘅Servic都幾好，係試衫嘅時候，又唔會限制我試幾多件，只要我鍾意都會俾我試，又會俾專業意見我到底邊一款，我覺得佢嘅裙都幾多選擇👍，我同先生就各自3條裙同3套西裝，男裝款式都幾多款選擇。😍

Prewedding我最終就㨂咗影石澳同大帽山，係10月係石澳影相嘅時候，真係超級大風，化妝師都好好，當啲風吹到我頭亂曬，佢就不停幫我噴Sprays，佢真係由頭跟到尾，非常之好😎，而我㨂嘅攝影師Bobby就係當初睇大帽山Sample相嘅攝影師幫我哋影，我覺得佢係影得幾好，同埋佢都會教我哋點樣擺Pose，佢係石澳大石上面，佢又真係勁落力係啲大石上上落落，務求令我哋影出嚟相係靚嘅。✨

本身我哋Plan應該一日影曬兩個地方，但因為我影相嘅日子係打風前夕😖，影完石澳我哋就去大帽山，但天氣真係好差，所以就最後決定第二日補影，但佢哋安排第二日補影成個過程都唔會特別收費，佢哋就係同我哋講會幫我哋安排約番個最快嘅日子俾我哋，開頭我哋都有疑慮點樣處理，加上我12月尾就結婚，我好擔心會影唔切，最驚影完趕唔切出貨，但佢哋都同我講番時間無問題，佢哋會儘快處理😊。

而第二日都係Bobby幫我哋手影相，當日就主要影夜影，當拎到相之後我哋都覺得幾靚，都係我哋Expect嘅嘢，係執相嘅過程，其實我哋前後執咗幾次，佢執完都會俾我睇，成個過程佢都會Keep住我同Contact，係我哋第一次係現場㨂相，同事都好Patient，又會幫我哋篩選一啲邊啲相比較好嘅相再拎去執，因為我哋自己係呢度都用咗好多時間，但佢哋真係做得好好。😍

成個過程，其實我覺得佢哋成間公司都對我哋好Nice好Friendly，雖然我哋係客，但佢哋會好似對待朋友咁樣😘，當我影第一輯相嘅時候，因為天氣關係，實在太大風就吹到我有啲唔舒服，但係佢哋係好Sweet，知道我成日影完相好攰，會不停俾嘢食我同問候我，仲會俾個Big Hug我，令我覺得佢除咗一間攝影公司，佢哋真係當你朋友咁樣好Nice，令我感受到Staff除咗當我哋係客，仲有作為朋友嘅體驗。💖