我係彩福擺酒，咁佢地就送左Beauty Hera coupon比我地，本來諗住去第二間既，但係同Beauty Hera傾完同睇完Ｄ相覺得唔錯，就不如join呢間，我地request要翻上去佢地舖頭時睇ipad個輯相嗰個photographer幫我地影，而佢地又肯，咁我地就決定一次過係呢到影。我地係呢到影左一個影樓，兩個外景！So far黎講，無論係婚展傾定之後傾揀衫同影個日，Ｄ staff都好pro！影個日其實都熱，化妝師Tiffany全程跟住我，我地去山頂公園影好多蚊，個化妝師好醒目帶定蚊怕水比我，佢化個妝都好自然！比較難忘係個日係山頂天氣好好，而個炮台又竟然一個人都無，Wilson就幫我同我先生影左張日落景，佢話佢都係第一次黎呢到而係無人！去到揀相，我地個package係有64張相，但我地再額外比錢加多36張相，因為我都覺得好滿意！另外就係有Ｄ相要翻執，我以為要第日再上去睇，點知佢地即時用半個鐘就執好比我地，好快手！

我係係酒席個到見到佢地個攤位，睇左佢地Ｄ相覺得幾好。我租左一件婚紗，一件褂，三套晚裝，一套男禮。佢地Ｄ態度好好，有個姐姐Ｄ意見好中肯，會話我地知點配搭，點襯會靚Ｄ，又會提我拖尾裙應該點行先唔會跌！第二次試個職員都係咁，好細心，又肯配埋飾物比我地！Ｄ款都多，有新有舊，但總會有件啱心水！晚裝都好多，我心儀個件都有期比我租到，連Ｄ親戚都話靚！雖然件褂係舊左少少，但係整體質素都好新，特別係婚紗同敬酒花花裙，真係好靚！