第一次同 Chris Ling 團隊接觸嘅時候，最大嘅感覺係佢哋嘅 staff 好 helpful，而且完全冇 hard sell 嘅壓力，同埋感覺好有heart。成個過程都令人覺得好舒服，唔會有被逼做決定嘅感覺，反而覺得佢哋係真心想了解客人需要，用心去提供服務。 拍攝之前，團隊都有同我哋開會，先了解我哋有冇特別要求，以及有咩地方需要注意。其實我哋一共影咗兩輯相，一輯喺香港，一輯係海外，而兩輯拍攝前都有做事前溝通。香港嗰輯我覺得溝通已經好足夠，不過海外嗰輯如果可以再俾多啲information我哋，例如係大概嘅拍攝流程或者需要留意嘅細節，我會覺得更加安心❣️。

到正式拍攝嗰日，其實一開始我哋都有啲緊張，因為從來冇試過好似做 model 咁影相，又唔係咁識擺 pose。雖然事前都有上網睇過啲相做參考，但去到現場之後發現根本唔需要自己諗太多，因為攝影師已經諗好曬啲動作。Chris Ling團隊好有創意，影出嚟嘅相同一般影樓嗰種感覺好唔同，有唔同角度同較特別嘅 pose，唔會太罐頭🥹。 除咗攝影師之外，喺事前開會嗰陣，團隊亦都會提醒我哋拍攝當日要帶啲乜、要注意啲乜細節，呢啲位都令我感覺到佢哋好細心。而且成個過程入面，大家一直 keep 住聯絡， 問問題基本上都好快有回覆。每次上到去都感覺到團隊記得我哋之前講過嘅嘢，真係好上心😍。至於揀相同執相嗰個流程，我其實好欣賞Chris Ling會邀請我哋親身上去，一齊攤開曬hardcopy嘅相，討論點樣放入相簿會最好睇。不過有時因為未可以一次過揀曬或者執好啲相，就要再約第二次上去，對放工時間比較難夾嘅情況下，會有少少不便。如果將來可以喺某啲比較 minor 嘅執相階段，提供 soft copy 俾客人 online 處理，相信可以減少上去嘅次數，對住得遠嘅客人會更加方便。不過呢個只係一個小建議，唔算係一個大問題～

第一次睇相嘅時候，其實個效果比我原本預期好好多。因為影相當日節奏好快，影完之後完全冇即場睇過啲相，所以心入面其實都有少少擔心，會諗究竟影出嚟靚唔靚。但當真正見到成品嘅時候，我哋真係好滿意，啲相出嚟嘅感覺好好❤️。 啲相靚到一個程度係令到我哋揀相變得好困難。原本個 package 包咗一定數量嘅相，但因為真係太多相都好鍾意，最後我哋決定加多啲錢，揀多啲相放入相簿。我特別欣賞嘅係，成輯相嘅風格完全符合我哋一開始嘅要求。我哋想要嘅唔係嗰啲好似雜誌或者 model 咁嘅擺拍，而係一種好真實、好貼地、好似記錄返當日 pre-wedding 過程嘅感覺😙。一路睇啲相，真係會諗返起影相嗰日有幾開心、幾好玩，呢種感覺我覺得好難得🥳。

除咗 pre-wedding，我哋其實喺 Chris Ling 到用咗唔少其他服務，包括租婚紗、禮服，甚至連 Big Day 嘅攝影同所有衫都一齊喺佢哋到租。講到婚紗，我之前其實已經試過三、四間其他婚紗舖，但一直都冇乜心水。去到 Chris Ling 試衫，本來只係因為 pre-wedding 需要，但一試之後就覺得佢哋啲款好特別，同出面嘅好唔同，而且同事真係好有耐性。試衫嗰陣通常有幾個人一齊幫手，就算我試咗好多件，佢哋都完全唔會黑面，反而鼓勵我繼續試，直到搵到真正啱自己嘅一件😍。 同其他婚紗店最大嘅分別，係佢哋完全冇 hard sell。我之前試過有啲舖頭會限制你只可以試幾件，之後仲會逼你即日落訂，用優惠製造壓力，呢樣我好抗拒。但 Chris Ling 完全冇呢種做法，價錢清楚一致，唔會話今日落訂先有平，俾我好大嘅空間慢慢諗，呢一點對我嚟講好重要👍。另外，因為佢哋有自己嘅 designer，好多婚紗都可以按我嘅需要作調整，例如手袖可以拆或者加，令件衫更加貼合我自己嘅喜好😆，呢一點我覺得好加分！

整體嚟講，我對 Chris Ling 嘅服務真係好滿意，尤其係 Big Day 嗰日嘅攝影同拍片嘅部分，呢一部分我特別想提一提。當日有三位攝影師Andrew，Calvin同Ben一齊幫我哋影相同拍片，佢哋當日嘅表現真係好好，好識得搞氣氛，會講啲吉利說話，氹長輩開心，同兄弟姊妹相處得都好好🌟！影相嗰陣完全唔會覺得有壓力，反而成個過程都好開心。團隊會清楚教我哋點樣擺 pose，而啲動作同角度亦都唔會罐頭式。 有啲姊妹都話 Chris Ling 嘅攝影師可以喺同一個地點搵到好多唔同嘅新角度，畫面出嚟唔會同其他婚禮一樣，同埋真係好靚，呢一點我自己同身邊朋友都感覺到🥰。 雖然到而家我哋仲未正式收到所有 Big Day 嘅相，但單係當日嘅體驗已經令我好滿意🤩。 而最令我驚喜嘅，係早拍晚播嗰條片。 因為事前我真係冇睇過佢哋拍片嘅作品，只係俾咗兩首歌佢哋，亦都冇特別講想要咩風格。結果喺婚禮當日播出嚟嗰條片，效果完全超出我嘅預期。唔係嗰種好電影感、好似明星咁嘅製作，而係一條好真實、好有溫度嘅紀錄片，由朝早到夜晚，將我哋成個 big day 嘅重要時刻同情緒記錄低。婚禮之後我真係睇咗條片好多次，起碼超過50次，每次睇都會諗返起當日同屋企人、兄弟姊妹一齊嘅畫面，同埋嗰份開心同感動。呢種感覺唔係單純因為靚，而係好 warm、好值得留低做回憶😚。所以佢哋真係要放多啲片上social media，真係做得好好！另外，我都好想特別多謝 Fiona。由最初喺婚展認識，到之後一路跟進我哋嘅安排，佢一直都好細心，好多嘢我哋未諗到，佢已經幫我哋諗好曬。其實唔單止 Fiona，我接觸過嘅每一位同事，無論係攝影、拍片、揀相，定係平時溝通， 都好有心做事。每次上到佢哋公司，啲同事都認得我哋😆。 回想成個婚禮籌備過程，Chris Ling 真係我最放心、揀得最好嘅一個 vendor❤️。我會好放心咁介紹佢哋俾身邊準備結婚嘅朋友☺️！

我呢個 pre wedding package 係場地嗰邊送嘅，係喺 studio 影大概三個鐘相，仲有十至二十張相送返俾我。老實講，起初我都有少少擔心，怕免費送嘅嘢可能唔夠好。但係同 Chris Ling 溝通完之後，我嘅印象完全唔同咗😚。團隊好 helpful，仲提供咗幾個升級package俾我哋選，由齋 soft copy 到有相簿、硬照、油畫嘅 package 都有，價錢都好透明，亦講明可以靈活調整，影完如果想轉 plan 都得。 第一次上去 studio 試婚紗時，我已經覺得佢哋嘅服務幾有水準。佢哋本身係做婚紗嘅公司， 仲同另一間婚紗品牌合作，唔係單純租衫俾我哋咁簡單。同事好禮貌又好 helpful，會幫手著裙、調整細節，整體感覺都好好💕。

影相嗰日我哋大約十一、二點到 studio，本來諗住三個鐘影完，點知最後影到差唔多六點幾。攝影師真係超級有heart、好專業，我哋影咗婚紗、晚裝、仲影埋便服，變咗三輯相。studio 入面有七至八個唔同場景，每個都係靚嘅👍。 最深刻嘅係影到黃昏嗰陣，本來已經影完準備收工，但攝影師話日落好靚，不如等多陣，想幫我哋影啲日落嘅 shot，最後影出嚟嗰啲有金黃色光線嘅相真係好靚，完全係 bonus 嚟😆。佢哋做嘢都好有效率，一個月就可以揀相。最重要係攝影師真係有心思，尊重我哋喜好。影相嗰日同之後揀相、拎相簿嘅過程都好深刻。我哋最欣賞係Chris Ling 會將相全部 print 出嚟， 而唔係淨係喺電腦到睇相🌟。肉眼睇相真係會清楚好多，尤其係十幾廿張角度差唔多嘅相，一碌就過，喺電腦根本睇唔到啲細節位。佢哋仲會提前篩選啲相，例如係眨眼、表情唔靚嘅都唔會俾我哋睇，等我哋揀嘅時候，可以淨係睇已經係最好嗰幾張，所以揀相可以快啲搞掂。團隊仲會即場幫我哋排埋版，例如某頁想放四張相、或者分主題，同事都會即刻拼俾我哋睇，唔洗我哋之後反覆溝通，效率好高☺️。

我哋拎完相簿返屋企拆開睇，本相簿嘅水晶封面好似玻璃咁，成本相簿感覺好 grand，質感好好，包裝亦好用心🙌🏻。最令我放心嘅係，Chris Ling 唔會因為我哋用 coupon 就敷衍。由影相、揀相到修圖，全程都好認真。 P 圖方面又會問我接受程度，唔會p到浮誇。成個過程真係幾舒服，Chris Ling 團隊嘅分寸拿捏得好好，唔會太熱情嚇親人，又唔會太冷淡🤪。影相嗰陣感受到佢哋熱誠同專業，真係好順利。 攝影師落足心機，會趴低影相，甚至幫我整理婚紗裙擺，好 care 每個細節。結果超乎我預期，好驚喜。另外租衫方面，Chris Ling 完全唔收按金，感覺好親切、有人情味❤️。