Chris Ling International Photographers
4.8
關於 Chris Ling (Art Team Investment Ltd.)

1993 年在新加坡成立的 Chris Ling International Photographers 為當地的著名婚紗攝影品牌,深得新人們喜愛。 2009年Chris Ling在港設立分公司,為傳統的婚紗及婚禮攝影注入新元素,把創新的故事序述式婚紗攝影風格帶到香港,由Chris 帶領整個團隊內的攝影師及設計師等均為業內精英,對攝影的理念和熱誠是整個團隊的重心價值。 我們重視新人人生中至為重要的一次拍攝,希望作品中可以呈現新人真摯的感覺,為新人們保留最美好的回憶。



攝影地點:
本地
海外
攝影地點:
本地
攝影地點:
本地
海外
攝影地點:
本地
最新評論
整體滿意度
4.8
過濾評語:
Aprilcc
4.5
精選評論
我行婚展嘅時候偶然見到Chris Ling,當下就比佢哋嘅相吸引咗,直接落埋訂添。點解會比佢哋吸引到呢?因為我唔太鍾意甜美田園風,反而鍾意少少cool tone嘅感覺。而佢哋係非常多元化,所以就算有唔同嘅喜好都唔需要擔心冇得選擇。當時佢哋嘅sales會做一啲基本介紹,但唔會chur,唔會話走唔到。而即場對答都好流暢,對…

我行婚展嘅時候偶然見到Chris Ling,當下就比佢哋嘅相吸引咗,直接落埋訂添。點解會比佢哋吸引到呢?因為我唔太鍾意甜美田園風,反而鍾意少少cool tone嘅感覺。而佢哋係非常多元化,所以就算有唔同嘅喜好都唔需要擔心冇得選擇。當時佢哋嘅sales會做一啲基本介紹,但唔會chur,唔會話走唔到。而即場對答都好流暢,對公司非常了解。

咁我哋join左之後就好快有人開group,我覺得佢哋係幫助新人方面係真係好落力。我哋作為新人好多嘢都懵下懵下,佢哋同事Yuki喺各個方面都跟得非常足。例如我影相嘅時候希望額外搵一啲道具,佢會幫我一齊留意,甚至好人到話不如幫我買埋。

試衫嘅時候,好多時試同睇係兩回事,我自己都唔係好有耐性,反而係Yuki不時問我想要啲咩款,或者直接根據我嘅個人氣質match。我自己寫comment比佢哋公司嘅時候都有提及過話覺得Yuki好似神手,基本上佢揀嘅3-4件入邊一定有一件我係非常鍾意。

佢哋喺planning方面係好彈性,無論係我之前想去Oversea影相定係後來返番本地影外景同studio,佢哋都符合晒我預期嘅需求。我影studio嘅時候,攝影師都會叫我搵定自己想影啲咩風格,佢會盡力滿足我,努力咁製造返我想要嘅氛圍,我想要嘅效果出嚟。

除咗影相嘅時候有著佢哋嘅衫,我喺ceremony嘅衫都係喺佢哋度租嘅,就係for敬酒同迎賓。佢哋係一間乜嘢都有商有量嘅公司,疫情下好多嘢都係不可預計,不可控制。其他公司喺更改款式或者條款嘅時候都會要我俾錢,唯獨是佢哋就冇。甚至啲衫我自己用唔晒,我分俾我先生同埋我家姐佢哋都係無任歡迎。喺款式方面男裝好齊全,任何顏色同款式都可以揀到,而且質素唔錯,反而喺家姐同媽媽衫嘅選擇就比較少啦。

影外景當日,我哋首先去咗城門水塘,之後就去南豐紗廠,最後就去大帽山影日落。我可以話攝影師係爭分奪秒咁幫我哋影相。南豐紗廠本來係中間食嘢嘅時候去嘅,攝影師就提議我哋搵一間靚靚仔仔嘅Cafe一路食嘢一路影相,可以話係用盡心思,攞晒唔同角度去幫我哋影,之後再幫我哋預時間去影埋日落添。可能係因為攝影師影外景之前已經合作過一次,所以我對於佢都好放心。

我第一次同佢合作係影studio嘅時候,佢哋studio選擇唔係特別多,但每一個場景嘅靈活性非常大。就算同一個背景你用唔同角度,甚至乎你攞唔同嘅道具已經有截然不同嘅效果。化妝師當日幫我化嘅妝容驟眼睇可能會比較濃,但係我亦都明白因為影婚紗相,上鏡嘅時候係需要濃啲,所以都係非常合適嘅。我覺得佢哋公司已經做得好好,尤其是係Yuki佢真係做咗好多份外事,我真係非常感激可以遇到佢哋。

 

攝影
Jodie
5
精選評論
Chris Ling依間公司真正做到站喺客人嘅角度着想。我一開始同佢哋溝通嘅時候講過自己好希望輯相入面有太陽光,喺影相之前佢就check到話影相嗰日會陰天,可能會冇陽光,佢哋公司係好願意俾我哋免費改期。只係我同先生當時已經請咗假,就決定頂硬上。😆拍攝當日攝影師會不斷講笑話,又教我哋擺唔同嘅姿勢,成件事好自然所以就算啲相…

Chris Ling依間公司真正做到站喺客人嘅角度着想。我一開始同佢哋溝通嘅時候講過自己好希望輯相入面有太陽光,喺影相之前佢就check到話影相嗰日會陰天,可能會冇陽光,佢哋公司係好願意俾我哋免費改期。只係我同先生當時已經請咗假,就決定頂硬上。😆拍攝當日攝影師會不斷講笑話,又教我哋擺唔同嘅姿勢,成件事好自然所以就算啲相原圖出都已經非常靚✨。雖然我哋冇買佢後期製片服務,但係攝影師會依照佢嘅專業知識判斷我哋出去後制嘅時候,啲相夠唔夠,仲會不斷提醒我哋添。🤓

Pre Wedding嘅服務已經咁好我big day當然係搵返佢哋啦。其實我當時未決定酒店,佢哋已經幫我pencil mark定,係盡佢哋嘅能力幫助我。😗仲有就係我補擺酒嘅時候,原本希望下午可以播到上午出門嘅片段,佢都好老實咁同我哋講話未必做到,而且都唔希望臨急臨忙搞到段片有啲咩差錯。反而佢係將我簽紙嘅時候影低嘅花絮當成禮物咁送俾我。😍

好多公司好多攝影師恨不得你加錢去買佢哋嘅服務添啦,先唔會考慮究竟點樣先為之對客人最好。由於我哋當時未定吉時,佢只係收半日嘅價錢,仲同我哋講之後會幫我哋計係OT錢平啲,定係當買全日plan平啲。😎我好多朋友聽到都覺得好驚訝,亦都有好多人反映話通常其他嘅攝影公司都係會叫你俾全日嘅錢,就算當日真係用唔到全日,都會夾硬叫佢哋用多啲時間去影相。只要佢哋真真正正做到為客人設想,好似朋友咁😬

攝影
最新優惠
聯絡商戶