睇完Chris Ling啲作品之後，覺得佢哋嘅相好有故事感❣️。同事俾咗啲相簿我哋睇，佢哋成個排版同構圖都好靚，影出嚟啲相有質感得嚟，又帶少少藝術感。相比起其他團隊，我覺得 Chris Ling 嘅作品真係比較有心機、有深度😙。之後喺過程之中，我更加感受到佢哋嘅專業。後期揀相、排版嗰陣，Chris Ling嘅同事會陪我哋一齊揀，會俾意見同建議我哋，甚至會同我哋一齊討論版面嘅設計，可以睇得出團隊真係會花時間去了解客人想要嘅效果🌟。

我哋揀咗Chris Ling嘅 pre-wedding package。喺正式影相之前，佢哋會先開會了解下我哋鍾意嘅風格、想影啲乜場景、有冇特別嘅元素想要😝。團隊又會分享返以往嘅經驗，令我哋對拍攝方向更加清晰。去到正式影嗰日，攝影師好有經驗，會先諗好構圖同畫面，搵到啱嘅角度先影，所以每張相都好有設計感。佢教我哋擺 pose 嘅時候都幾細心，仲會親身示範，令我哋冇咁緊張同會自然啲👍。成個拍攝氣氛好輕鬆。收到啲相之後，我哋真係幾滿意。Chris Ling捕捉到好多我哋當時自己都冇察覺嘅小細節，睇返覺得幾感動。整體嚟講，Chris Ling 團隊真係好專業、投入，啲相又有藝術感，係一個好值得信任嘅攝影團隊🙌🏻。

除咗攝影之外，其實我覺得Chris Ling喺服裝方面都好值得一讚。佢哋啲婚紗同禮服都係自家 designer 設計，款式多，而且保存得好好。即使啲衫出過外影，都唔會覺得舊或者殘，睇得出佢哋喺背後花咗唔少時間去保養。嗰陣我都有問過團隊有冇某啲風格嘅衫，因為想配合返我想要嘅畫面🥹。雖然嗰時未必有啱嘅款，但佢哋話如果我真係想要，都可以幫我做，佢哋嗰種誠意，真係幾窩心❤️。有一次同事好似記錄錯咗啲資料，不過現場嘅同事處理得好快，好快咁幫我搵咗幾件相似風格嘅衫俾我，成個過程都好盡力。最後影出嚟嘅效果都唔錯，冇影響到整體感覺，之後都有特別上心去處理我哋嘅嘢，呢種態度我幾欣賞😙。至於攝影師方面，佢好健談，會邊影邊傾偈，有時仲會播下音樂，令成個 studio 嘅氣氛都會開心啲😍！

當時我哋都有睇過幾間唔同嘅攝影公司，但 Chris Ling 講解得好清晰，同事又專業又友善，第一印象真係幾好❣️。再加上佢哋影相嘅風格都好啱我哋心水，婚紗又可以一條龍咁喺佢哋到揀，所以最後就決定揀佢哋。 由婚展開始接觸到落實成個流程，我覺得Chris Ling嘅溝通都好貼心。團隊亦都好快約我哋上去傾細節，例如影相地點、風格同想要嘅感覺，好主動，攝影師仲俾咗好多意見，成個過程都好順利🥳。我幾欣賞Chris Ling處理細節嘅方式，例如化妝師會上酒店幫我哋化妝，唔洗我哋一大朝早出門口， 呢點真係幾貼心。攝影師仲特登帶埋熨斗嚟幫我哋燙婚紗，完全冇諗過有呢個服務，真係覺得佢哋幾有心。我哋嘅負責人係 Yuki，佢全程都好主動跟進，俾咗好多實用建議，令啲相出嚟嘅效果真係靚好多。攝影師 Andrew 都好專業又細心，佢會清楚講我哋應該點擺 pose，又會利用角度去修飾畫面，啲相出嚟好自然唔造作🙌🏻。有啲畫面原本以為做唔到，佢都可以靠角度處理到，真係好有經驗。 最特別嘅係，Chris Ling仲幫我哋搞掂當地交通、包車、同馬主溝通嗰啲安排，令我哋唔洗擔心太多問題。影完相之後，團隊又好體諒我哋要繼續旅行，仲提議我哋將婚紗摺好方便執行李。呢啲小細節真係睇得出Chris Ling有為客人著想😜。

成個同 Chris Ling 團隊合作嘅過程，我真係覺得幾滿意。由一開始溝通、試衫，到正式影相同揀相，每一個環節都俾到我好安心嘅感覺。佢哋團隊經驗豐富、做事細心，好多時都會主動提醒我哋細節，例如婚紗擺位、行程安排等等。感覺佢哋真係記得每一對新人，真心想幫我哋影到靚相。我特別欣賞Chris Ling喺試衫同化妝呢兩部分，試衫嗰陣，職員好熱心，唔會催我快啲揀，反而不斷攞唔同風格嘅衫俾我試，俾我試到滿意為止😆。同事又會根據我嘅身形、氣質去俾建議我，真係好專業。即使我試咗好多套，同事都唔會唔耐煩，仲幫手換衫、掛衫，好落力🥹。

化妝師都要讚下，佢唔單止技術好，仲好貼心，影相途中不時幫我整理頭髮、補妝☺️。嗰日影便服我唔記得帶飾物，佢竟然肯借自己啲耳環俾我戴，呢啲細節真係好窩心。佢又會根據唔同場景幫我調整妝容同頭髮！攝影師都好容易相處，成個拍攝氣氛都好輕鬆愉快，唔會好拘謹，團隊會播音樂、講下笑，令我哋影出嚟嘅相自然好多。到揀相嗰個環節，我真係覺得幾有驚喜🥰。本身以為喺電腦到揀相，點知 Chris Ling 預先幫我哋 print 好成二百幾張相，仲排好版俾我哋揀相。團隊解釋用電腦睇會有色差，而印出嚟睇就好似睇緊故事書咁，方便我哋想像整相簿嘅效果🌟。呢個安排真係好貼心，睇得出佢哋對成件事嘅用心同專業😝。 Chris Ling 團隊真係會諗多一步，唔會怕麻煩，成個團隊俾人感覺誠懇又有責任心，我哋整體都非常滿意🥳！