Chris Ling 嘅相好啱我哋嘅審美，佢哋嘅構圖同色調都好吸引，同事又好有禮貌，講解清楚又詳細，俾咗一個幾好嘅印象我哋😍。 正式開始溝通之後，我哋同佢哋開咗個群組，無論係約時間去工作室試衫、揀相，或者有問題想問，同事回覆得都幾快，唔會有已讀不回嘅情況。每次上到studio，同事都好熱情又有禮貌，仲俾咗好多意見我哋，特別係有位同事 Yuki，每次都解釋得好清楚，收費係完全透明，令我哋覺得好安心😙。到試衫嗰 part，會有同事幫我哋揀款同accessories，選擇都好多。影 pre-wedding 嘅時候，攝影師會主動教我哋點樣擺 pose，唔洗我哋自己諗❣️。同埋當日雖然有落雨嘅狀況，但Chris Ling一早已經準備好 Plan A 同 Plan B，安排返唔同地點進行拍攝，完全唔洗我哋擔心。因為我哋話想影櫻花，同事就介紹咗幾個靚景點，啲地方係一啲唔算好多人知嘅，感覺特別貼心🌟。

成個拍攝過程都幾順利，大家相處得好融洽。最後啲相真係幾靚，我哋仲因為啲相太靚，揀相嗰陣糾結咗好耐，最後仲考慮要加相☺️。Chris Ling送嘅相簿同相框質素都唔錯。我哋一開始計劃拍攝路線時，Chris Ling會俾幾個建議地點我哋揀，我哋自己又再加咗啲想去嘅地方，團隊都好配合，成個過程都係有商有量😆。到正式拍攝嗰日，攝影師同助手都好照顧我哋，仲請我哋飲嘢，一路拍一路傾，好似同朋友相處咁😗。攝影師仲會教清楚我哋點樣擺 pose，唔需要自己去估，過程好輕鬆。Chris Ling 嘅服務真係好全面，除咗攝影團隊夠專業，化妝師都非常用心。記得影和服嗰次，佢幫未婚妻 set 嘅頭髮靚到當地人都讚，呢個真係幾驚喜。租衫、化妝、拍攝、都可以喺Chris Ling到一次過搞掂，真係好方便🥳。雖然感覺Chris Ling好忙，但溝通方面一啲問題都冇，我哋都非常滿意！

雖然我哋主要係搵Chris Ling負責影相，但佢哋會俾好多婚禮相關嘅意見我哋💖。我同老公係基督徒，唔可以着龍鳳掛，佢哋就介紹咗花掛俾我，我最後都喺佢哋嗰到租咗一套；老公都喺Chris Ling租咗套西裝。呢啲細心位，令我覺得佢哋唔只係影相，而係真心幫新人籌備婚禮。之前我老公喺第二間租咗套馬褂，但嗰邊冇俾佢試身，就咁拎咗返嚟。之後我哋去 Chris Ling 攞衫嘅時候，佢哋問起呢件事，即刻就話咁樣唔穩陣，幫我老公試埋嗰套衫🥹。其實嗰件衫都唔係佢哋租俾我哋，但佢哋都照幫手 check，確保當日唔會出事。呢啲位我真係覺得幾體貼，好似幫我哋把關咁❤️。

婚禮當日，氣氛好好，攝影師真係好幫得手。嗰日大約有三位攝影師，佢哋唔係淨係影相，仲會帶動氣氛🌟。我哋嘅兄弟姐妹團都係第一次幫手，未必知要做啲乜，攝影師會主動引導，又會同大家講笑，成個過程好輕鬆😝。我印象最深就係敬茶嗰 part，攝影師講咗好多幽默嘢，大家都笑到好開心，氣氛好好😆。 我哋結婚嗰日，Chris Ling 嘅團隊真係幫咗我哋好多。影相時，大部分嘅pose都係Chris Ling教我哋點擺，所以完全唔洗擔心效果。即使我哋本身比較害羞，都因為佢哋不停俾指示，好快就投入咗氣氛，影得好放鬆😙。原本我哋諗住下晝去酒店旁邊嘅海邊影外景，但因為附近有地盤，要兜好遠先去到。Chris Ling即刻幫我哋喺酒店範圍搵到另一個靚位，效果出嚟都好好，佢哋都好識變通🤪。早拍晚播播出嚟嗰陣，大家都大讚好好，特別係剪接同配樂，畫面同音樂配合得好自然👍。我特別欣賞Chris Ling嘅細心。例如幫我老公奶奶裝咗個咪收音，但完全冇影響流程，大家做嘢都好順，感覺到佢哋經驗好豐富😜。如果可以快啲拎到相就好，屋企人同朋友都心急想睇，我哋自己都想快啲延續返當日嘅喜悅🥰！