我先生住係外國，我就係香港，所以我哋就冇好似其他人咁花一兩年時間去準備個婚禮。我哋比較急嘅，只係用咗個幾兩個月時間籌備，而為咗快，所以就去婚展睇吓。 其實我自己就唔太prefer行婚紗展，一剎那吸收太多資訊好難去諗，除非嗰一間公司真係好outstanding，令你一坐低就覺得你已經可以決定到。聽咗幾間，我覺得Beauty Hera 啲 package都唔錯，我問佢係咪可以幫我安排所有嘢，影相、化妝都okay，佢話okay，咁我就叫佢幫我安排。再加上有朋友推薦，就加多咗份信心去揀佢哋。另外，我覺得我哋溝通上幾好，佢又幫我考慮同埋其他細節，就覺得可以交比佢哋。 我好想喺度讚吓幫過我嘅同事Zoe同Brooky，佢哋真係好幫得手。嗰時去婚紗展見到嗰嗰應該係佢哋老闆娘Joey，佢都有幫我搵同事過黎幫我。Zoe同Brooky就介紹啲plan，都好仔細咁提我啲細節。講真結婚一次，好多嘢都唔知，好多時候以為比咗錢就係架啦，但原來唔係嘅，要試衫，要準備好多嘢。我上網睇過啲blog同platform，就話要自己打電話去約，又要好耐。但出到黎我自己體驗又覺得唔係，佢哋好仔細，又會主動聯絡番我約左幾時試衫、幾時會整好啲嘢。好多時候好忙，但佢哋主動提你，就唔驚唔記得。Overall我覺得佢哋好helpful。 嗰時我哋去試衫，我嗰人比較簡單，試啱咗就okay。試衫嗰個姐姐好中肯，有時我話想要咩款嘅衫，佢會好直接話呢款唔啱我著，但佢又會揀好多衫比我試。佢真係幾專業，知道我著咩衫好睇，用佢嘅眼光幫我諗，容易過我哋睇完相再揀。其實試咗十幾件，我已經覺得我睇中咗，佢都建議我再試多幾件比較吓，不過其實當時已經幾攰，有少少唔係咁想，但既然佢咁講就再試吓，之後竟然真係揀到件好鍾意嘅。雖然嗰下真係幾攰，但宜家諗返又真係好慶幸佢叫我再試多幾件。 我哋結婚total搞咗兩日，第一日係出門，返翻去圍村嗰邊，之後再擺酒。圍村嘅環境我哋好熟悉，老公又成日返去。我哋嘅感覺就係村落，密密麻麻嘅屋，就唔覺得有咩特別。但攝影師哥哥就會覺得有啲位幾好幾有feel，就會叫我哋去影相。本身我哋對嗰村嘅感覺就係好殘舊，但佢影嘅相出到黎嘅效果又好好，睇翻先知原來影得咁有feel。圍村嗰感覺比較落後，唔新穎，入咗祠堂都覺得冇咩嘢，但影出黎好有feel好開心。 而化妝方面，本身佢哋幫我安排咗一個化妝師，但後來contact我係另一個，一開始好擔心比第二個我會唔會唔好。不過幸好佢都幾nice，又準時。我知嗰化妝師都住得幾遠，佢住新界，我住港島，但佢都會早到；見到我好緊張又會同我傾計，真係幾好！

我太太有個朋友臨結婚時間婚紗鋪頭突然倒閉，所以想搵間信譽良好既婚紗店。佢上網check過cm，見到希臘女神啲cm都好好，咁我地揀咗佢地！ 我地喺呢度租咗8件衫，包括裙褂。佢地既服務態度好好，解釋得好專業，而試衫都比足夠時間我地。佢地女裝都算多款揀，但男裝就比較少，不過啲禮服質素幾好！Final fitting時，佢地都好快手幫我地改衫，我地還衫個陣禮服袋爛咗，我地都驚會唔會charge我地，但佢地最後都話應該係袋本身舊，都無再charge我地，都算均真！