因為我家姐以前用呢間，我又見佢地啲款幾靚，服務又幾好，就搵咗佢地。 佢地婚紗款式多，但晚裝就唔算好多款可以揀，而裙褂款式基本都齊曬。佢一開始會有ipad比我地睇款，揀好之後就任我地試幾多件、幾耐都得，就算繁忙時間都最少有一個人跟我地試衫。同埋佢本身包新娘每一個款都可以免費轉一次，改既時候都唔會比面色我地睇，亦都會比意見我地。佢地啲衫嘅質素都好好，著上身又靚又舒服，而且睇得出佢地每一次拎返件衫都會洗。 另外，因為老人家通常都比較多意見，佢地都會幫你comfort老人家，佢地會用佢地既說話技巧哄老人家，等到佢地開開心心。不過佢地booking比較full，星期六日就比較難book，而final booking佢地會主動聯絡我地。本身我地final fitting因為黑雨/8號取消，但佢地落波之後都即刻主動搵我地約另一個時間！

我其實去金都睇過好多件晚裝，真係層層都行曬，件件攞上手都千幾蚊，到後來發現我哋擺酒嗰到有coupon咁就去睇吓始終我只係想簡單啲。 去到試衫佢會俾妳試5件，始終自己都真係試咗好多間，而係呢到見到一條紅色既款好簡單又好睇，所以就決定租嗰件喇。最後攞衫同當日著出嚟都好好，唔錯。