其實係我想one stop shopping ，見到佢地Ｄ評語幾好，就決定一次過幫襯晒佢地租衫同影相！我係到租晒晚裝婚紗褂咁，佢地Ｄ款都幾多，我婚紗揀左 soft D，即係我prefer低調樸素Ｄ，唔想要太多珠片，咁佢地都多呢款！男仔Ｄ款就比女仔款少Ｄ，顏色同cutting都係個幾隻色，不過都明白男裝係咁！改衫fitting佢地Ｄ手工都好好，改得幾貼！

傾既時候好舒服既，由落訂左之後去到影都係同一個人跟我既！影相個日，我地同個化妝師攝影師都有傾有笑，佢地會plan好晒行程，係邊個位影相，基本上你跟住做就會有靚相！我地影左兩日，一日香港就係影樓同埋城門水塘，另一日係澳門！本來係城門水塘影，點知個日勁多馬騮，我地同攝影師都嚇親，但係佢地就好好人，即時re arrange我地去荔枝角公園補翻幾張，其實我地無主動request，係佢地提議，比我感覺係佢地好大方，唔會話有突發事件出現就唔理，感覺真係想幫我地！而個化妝都化得啱我心水，一路化一路會問邊到想淺Ｄ濃Ｄ。執相既時候都順利既，第一轉Ｄ相未執時我地都滿意，其實係攝影師影得好好，佢淨係執D手臂位咁， overall個角度已經幾好！