我地係婚展見到Beauty Hera有promotion，又咁岩我地擺酒個到送咗佢哋嘅coupon俾我哋，所以就去咗佢哋嗰邊睇睇。見佢地有package係送埋晚裝，我地都好快決定左用佢哋。 我地book左個時間試衫，但去到都係要等，要我地再問先會處理。款式方面我覺得佢地D衫係偏向隆重，accessories 都好花巧，對我黎講太誇張，無咩簡單款，變左我都只係喺嗰度揀到一件啱自己。我覺得佢哋嘅款式未必好岩而家嘅人，尤其新一代都鍾意簡單多D。另一方面有啲失望嘅係睇相就多好多款，有韓式簡樸風，但係去到佢地就話其實係無，上網睇先有。不過佢地試衫地方都幾大，又有獨立空間，同埋staff都好好，好有耐性，不斷都會俾comment我。同埋佢哋都唔介意幫我將啲衫攞尼攞去，因為我都知啲裙其實好重，但佢地都會特登攞過尼俾我睇，又會鼓勵我揀多D、試多D。整體啲衫都算乾淨，執得都仔細。

我幫襯左佢地一條龍服務既，租衫個邊就晚裝，婚紗，褂同媽咪衫都租埋，其實係我老公去會展時睇下join邊間，之後佢地既sales同我先生傾下，我老公又覺得唔錯，所以就join左。我自己就揀左件low cut拖尾婚紗，而且又會借埋件披肩比我兩著；迎賓就揀左件3d花花圖案既裙。雖然佢地唔係主力做租褂，但我覺得Ｄ款同Ｄ傳統店比都係幾有水準，我自己都揀到。佢地Ｄ衫保養得好好，全部Ｄ珠片都釘得好實！另外就係我媽咪同奶奶既衫都係揀左Ｄ bling bling款，beauty hera好既係會幫我地一set襯埋頸鍊、披肩等等既配飾，等我地唔使額外搵，所以我覺得好貼心！！因為一條龍，所以幫襯埋影prewedding，佢地個化妝師呀Ling幾好，因為我自己prefer自然同淡Ｄ既妝，咁呀ling都配合到，不過可能朝早比較趕，佢個頭就set得少少鬆，不過都好快執得翻！