事源我本身就真喺好忙，又經常唔喺香港所以真喺無咩時間去搞wedding既嘢既，記得當時好多時間都喺要遙距咁去籌備婚禮啲嘢。咁我當時就一心諗住結婚影snap就得啦，始終都係有個人响到紀錄吓當時既片段就得架啦！ 所以當我搵Kenji傾既時候都只不過喺snap only。咁後來plan plan吓我啲家人就話只喺snap唔得，點都要有個video拍低啲花絮好啲喎，所以我先又後期搵埋一個拍video同埋影合照既standard主攝。咁我當時好忙同埋真喺貪方便既，就喺我租婚紗嗰間嘢到佢哋又sell我話佢哋有埋啲一條龍服務，咁啱我又有需要就所以join埋佢哋既攝影，花球等等好幾樣嘢。 講真我宜家諗返都真喺有些少後悔搵咗嗰啲“一條龍”，“全包宴”既公司，其實好多人都應該知既就係你結婚當日邊位攝影師會嚟，都要到Big Day之前一晚先會知道攝影師個名同埋電話number。好啦，當日嚟咗兩位年紀大少少既叔叔，而當日有啲時候佢哋係會唔見咗既！咁當日Kenji其實只喺負責影snap，記得有一刻我哋啲賓客已經個個企晒响到，但喺個攝影師就唔見咗人！話晒攝影師等賓客排位就見得多，真喺好少見賓客企晒响到等攝影師！當時真喺好怪而我當時個樣一定係好徬徨，Kenji嗰時就好大方咁話“唔緊要啦，你哋企埋去啦，我幫你哋影住先啦！”。當時真喺好感激佢幫我頂住而我就即刻發散晒班兄弟搵返個攝影師返嚟。 因為我係响馬灣公園擺戶外cocktail，而到咗五點鐘啲賓客都差唔多已經走晒喇。嗰時Kenji又會問我想唔想stay behind多一陣响附近影少少外景，好似人哋影pre-wedding 嗰啲相咁，其實我自己都知道係唔包而佢又自己offer俾我，我當時都話如果佢唔介就當然好啦！佢喺好盡力咁幫我哋盡量影，而後來喺我自己真喺太倦，真喺支持唔到要停先至影完。影完等攞相都好快，因為我成日都要飛同埋出trip，根本都無時間諗要追相而Kenji又知道我好想儘快睇到，佢就快到一個月已經俾到相我！不單止話佢會有條link俾我download啲相，佢仲細心到有一個好靚包裝既package寄套碟俾我，我收到真喺好開心，因為真喺好靚！ 仲要提就喺我班姐妹都超鍾意Kenji，佢哋成程提都無提一條龍嗰兩個攝影師，見到佢哋同Kenji都玩得好開心，大家都好融洽，而有一個姐妹佢都後期介紹咗Kenji俾佢家姐結婚幫佢影相。

我比較著重video質素，所以開頭都有諗過分開搵攝影同攝錄師，而留意到 Kenji個page既時候就發現到佢啲相同埋video都係我想搵嘅嘢。當時都有猶豫，唔知搵Kelvinshot加另外一個攝影師，定係搵晒Kenji好，但後來我發現Kelvin冇期同埋加晒兩邊都out budget，最後就搵咗Kenji影相加錄影。 同Kenji傾package都好清晰，基本上都包哂我需要嘅嘢，當然重點係要『攝』『錄』都包埋。始終自己對影相都係無經驗，我哋臨big day前兩個禮拜先見佢，時間都幾趕而Kenji睇完我哋rundown都俾咗好多意見我，例如啲時間點走盞﹑邊度開始影相會好啲最順。不過諗返轉頭如果可以早少少見，例如一個月前聚同埋傾rundown就更好，始終可以留返多啲時間做修改。 到咗big day當日，Kenji 佢哋哋都知道我哋冇咩經驗，都好專業咁lead住我哋，其餘啲crew members都好樂意幫手，好似我哋斟茶啲姊妹唔識講，佢哋都會幫手講啲吉利說話，又會氹吓啲來賓開心搞好啲氣氛，整體都做得好好。 我結婚當日落雨，本來我都想影多啲外景，好可惜真係天氣太差就冇得影，都冇辦法。Kenji 都有盡量影多啲室內景，啲相都達到我嘅要求，好滿意。 條video真係好一流，佢處理手法唔係嗰啲平鋪直敘嗰種，我有睇過有啲攝影師係屋企唔edit，就咁將啲嘢擺埋一齊就算。Kenji 就唔會，佢條片處理得好仔細，會catch到一啲好靚嘅畫面先揀出嚟播。我自己時不時都不停咁loop番嚟睇，我好記得當時我講誓詞係“甩甩咳咳”，但係好surprise，Kenji 居然可以幫我哋剪到好順！同埋整體唔會知道當日因為落大雨而skip咗啲parts，條片睇落好smooth，感覺好窩心。