之前參加大學同學嘅婚禮，見到Kenji佢哋嘅早拍晚播拍得好靚，唔係淨係影啲好普通嘅接新娘場面，而係好似拍咗個故事出嚟，我好鐘意，於是就當場問咗Kenji拎卡片。其實嗰陣距離婚禮都相隔仲有成九個月，本身都冇諗住咁快搵bigday公司，但見到Kenji啱就好快決定咗，而且我份人決定咗就唔會諗太多，所以之後都冇問過其他公司。 因為我嗰陣唔係香港做嘢，所以同Kenji傾嘅時間唔太多，只係正式見咗一次面傾流程，但因為聽朋友講過佢嘅服務同態度都好好，所以我自己都好信任佢。佢叫我俾run-down佢，之後仲幫我執埋，例如話俾我聽有邊啲環節要預多啲時間、有咩地方可以re-arrange等等。如果唔係佢提我，我都唔會發現自己有咁多甩漏！於是就跟佢嘅建議重新執過嗰run-down，而當日都真係幾順利。 Bigday當日佢哋真係由頭跟到尾，唔單只跟住新娘新郎，仲捕捉到親朋戚友嘅神情動作，又不時有提我跟 schedule 做嘢免得我overrun。親戚朋友覺得條早拍晚播真係拍得好靚，而且因為好有故事性，所以令佢哋印象好深刻。 相簿方面亦好靚，入面主要係snapshot，因為我自己當日睇唔到賓客嘅反應，但睇返相簿就可以感受返當日嘅環境氣氛，成個畫面好豐富咁出咗嚟，將我當日睇唔到嘅moment一一重現。 另外有個地方想特別多謝Kenji。因為之前影prewedding嘅公司突然搬咗地址，但又冇通知到我哋，電話又打唔通，我哋去到舊地址見到人去樓空一度以為執咗笠，好驚！咁啱Kenji之前喺嗰到做過，就幫我哋問返間公司攞返，雖然只係一個小忙同埋係小誤會一場，但唔關佢事嘅嘢Kenji都會幫我，所以好感激佢，因為睇得出佢真係用個心去幫我既！

Kenji本身係我朋友介紹嘅，睇左少少相就約左佢去coffee shop再睇埋其他作品，同我希望嘅風格相似，質素亦合乎預期，就決定咗㨂佢。我好注重snapshot，想之後睇返當日留意唔到嘅地方，capture返呢啲難得嘅回憶，而佢呢方面係做得唔錯。而且佢同我講package嗰陣有提供到唔少意見，例如係咪真係要用哂成日影相，又會聽我講哂成個流程先再提議我用咩package，所有野都講清楚哂，而唔會去到埋單先知係點。我搵咗佢哋之後都無再搵其他公司喇，因為佢真係俾到好大信心我。 剛開始排既攝影行程係有啲密，所以之前有send流程比佢再執，始終都唔想逼得攝影師們太緊要佢哋係咁影，始終都係想俾多啲時間佢影而希望出嚟既效果會滿意啲。而佢都比左好多意見我，令我可以預先計好啲時間，又教我點樣同攝錄師方面夾好啲，所以好多謝佢。 攝影當日好準時到，一切好快手同專業，唔會好慢或者手忙腳亂，所有嘢都好快set好哂。2P2V再加一個lighting，total五個人，雖然咁多人，但佢地好有默契，一切井井有條，會自動去走位補光等等，互相配合得好好。 因為當日我去完男家之後要即刻趕去教堂，時間方面其實唔太夠，而且接新娘晏咗同埋塞車搞到遲咗，當時其實有少少擔心。但Kenji一嚟到就好快set好哂所有嘢，可以即刻開始拍攝工作，所以最後只係晏咗五分鐘開始，令我可以追返好多時間。 其實我係我朋友圈內比較早結婚嘅，好多朋友之後都有問返攝影個contact，而最尾亦真係有用返佢，我諗都係因為佢拍得好。 本身佢有問我相簿方面想自己㨂相定佢幫我地㨂，因為我地好信任佢，所以就交比佢決定。收到之後亦非常滿意，有啲我miss咗嘅難忘地方同時刻都係靠佢影到而可以有相保存返。Prewedding我去左韓國搵當地嘅攝影師影，但出到嚟我鐘意bigday嘅相多過prewedding嘅相。因為我本身同屋企人關係密切啲，而bigday唔係淨係得兩個人，透過其他人嘅神情我可以回想到當日嘅心情，加上Kenji又真係捕捉到當日嘅喜悅，係一個好稱職，又好容易比到人信心嘅攝影師。 我諗每個人想要嘅攝影風格都唔同，未問價之前可以睇返唔同人嘅作品，就可以縮細尋找嘅範圍。而且應該同伴侶傾下想要咩風格，因為最好兩個人都鐘意，始終結婚相係陪一世。我老公比較順得人，對好多嘢都冇乜所謂，但都要尊重佢意見，而正正係因為我地兩個都鐘意呢個風格先㨂Blue Bird。