我覺得天澄閣比較符合我嘅需求，而佢哋嘅環境簡單得嚟，又有格調，性價比又高，所以選擇咗天澄閣💕。當時負責我嘅同事係 Yuki，佢好nice，會耐心解答我嘅問題。場地樓底高又冇柱，整體空間會更加寬敞舒適。紫色嘅燈光同優雅嘅裝修風格，唔會有太過奢華嘅感覺，而且我哋新人個台同賓客嘅距離都唔會好遠👍。之前我都有去過天澄閣飲茶，覺得啲嘢食味道都唔錯，所以都對天澄閣幾有信心❤️。

無論係場地佈置定係Big Day rundown，天澄閣都有清晰嘅安排。Package又包埋MC同場地佈置，同事Yuki安排得好好，唔會令我有壓力，呢點對我嚟講好重要🤩。Big Day當日安排得好順利，天澄閣嘅同事都好有經驗，所有嘢都處理得井然有序。當我俾咗啲片天澄閣嘅同事，同事好快咁幫我處理，效率非常高🥳。不過有一點需要注意，就係天澄閣成日都有其他宴會，所以我哋嘅送物資過去嘅時間就比較緊湊，前一晚大概11點45分先可以入去擺嘢，感覺就會有啲匆忙。

婚禮當中亦有啲小插曲，我聽賓客講有一位侍應唔小心將紅酒倒咗喺賓客身上，但冇即時道歉。同埋婚禮結束後，媽媽同其中一位侍應傾得幾開心，就俾咗封利是佢，之後突然有好多侍應過嚟拎利是。但因為我自己都有預利是俾各位同事，所以就覺得呢個位可以再做好啲。場地方面，我建議可以調整下啲燈光，例如set高少少啲燈，咁樣影相出嚟會靚啲💖。酒水方面，紅酒同白酒都有提供，我就揀咗紅酒，紅酒方面可以再提升下質素，白酒就唔錯，不過呢啲都係個人口味🤣。 

因為我前一晚先send seating plan俾負責場地嘅同事，原本以為佢哋會幫我排好，再擺返啲靚嘅卡喺位到，但後來發現佢哋印出嚟嘅只係 Excel 表格，如果天澄閣可以提供一啲template，方便新人直接印出嚟，咁會方便啲🤩。另外，有啲細節我覺得做得唔錯，例如當日會有同事負責照顧我，而喺入口都有一個花草拱門，都幾靚，唔少賓客都喺到影相。至於音響方面，mic同埋聲音效果都幾好，冇出現過問題💯。

我喺網上到見到好多評語都話天澄閣嘅服務好好，對比過幾個場地都覺得天澄閣無論地理位置，樓底，場地，環境，裝修都比較有優勢。同事俾我嘅印象都好好，好細心咁講解啲package俾我哋，又唔會hardsell我哋。佢哋都好主動咁幫我哋解答一啲疑問，而且過程當中都好有耐心share啲經驗俾我哋，相處上都好舒服。 我睇場嗰陣，都覺得好滿意，環境好靚好舒服，成個feel都俾人一種好grand嘅感覺！好符合我哋嘅期望 🤩。 天澄閣嘅package都好多選擇，當中最令我驚喜嘅係，佢哋有好多唔同嘅promotion，例如消費到一定嘅價位就會有好多唔同嘅回贈，又有免費shuttle bus，出入都方便啲。喺新人嘅角度去諗，配套方面係好吸引新人，可以慳好多錢，係一個好好嘅選擇❤️。

Bigday前，同事都會幫我哋睇吓rundown，夾吓要點安排啲環節，呢方面都俾咗唔少意見我哋。 Bigday當日，天澄閣都會提早交場俾我哋，令我哋有充足嘅時間做準備，setup好啲嘢。甚至婚禮全日都會安排一位同事跟住我，佢真係好細心🥹，好照顧我哋，會幫我安排好所有嘢，同我講定下一步要做啲乜，如果有啲乜需要人幫手都可以搵同事，又會留定啲嘢食俾我哋。

菜式方面，我哋就跟住天澄閣 set定嘅menu，但我哋都可以自己揀甜品同埋有啲items都可以調整，例如有啲菜可以免費upgrade鮑魚俾我哋。我喺婚禮完咗後都有食到啲嘢食，都幾好食，但由於我哋每份菜都係一人份，我覺得有啲少，不過份量方面係好個人化嘅。除咗呢層，食物嘅水準真係好高！😆我哋嘅婚禮行得好smooth，上菜速度正常，音樂同播片方面都跟進得好好，負責音響嘅同事都好有責任心，會檢查好啲設備再同我哋交代。我覺得當日嘅安排都好好，婚禮完咗之後，我哋執嘢嗰陣時，佢哋都唔會話到個特定時間就即刻趕你哋走，會俾我哋時間慢慢執好啲嘢。天澄閣嘅同事都好好，好盡力幫輕啲新人解決問題，係一team非常有經驗嘅團隊，分擔咗我哋好多煩惱🥳！