我係喺婚展經過天澄閣嘅 booth，就留意到佢哋。其實我都有睇過其他婚宴場地，不過最後揀天澄閣，主要係因為我好鍾意佢哋個場樓底夠高，望落去夠開揚，成個感覺大方好多。 另外，我唔太想揀尖沙咀嗰區做婚宴，所以天澄閣嘅位置都幾符合我哋嘅要求，綜合考慮之下我就決定揀佢哋🤪。最初喺婚展接觸到嘅同事主要係負責sell，之後再由場地嗰邊嘅同事做follow up。預約參觀初期，因為唔係由同一位同事負責，所以曾經有一次搞錯咗哋時間，不過正式由 Terry 跟進之後，整個流程就順利返好多，溝通都好順暢。Terry 嘅服務真係令我印象幾深刻，無論有咩問題都會耐心解答，而且好有責任感。由開始籌備到婚宴前，每次見面去都會同我哋主動更新進度，確認唔同細節，令我哋知道每個階段要準備啲乜，唔會有唔知下一步做咩嘅感覺。平時有問題亦都可以直接問佢， 基本上我哋想知嘅資料，Terry都會講解得好清楚，所以成個籌備過程都幾安心😆。婚宴當日整體都進行得好順利，所以反而冇乜特別嘅突發事情令我印象深刻。成個流程安排得好順利，團隊之間嘅配合亦都做得唔錯。無論場地、環境，定係當日工作人員嘅安排，我都覺得做得幾好，成晚都好順利完成。 如果佢哋個客服用返真人回覆就會好啲，俾新人嘅答案會更加可靠，唔洗我哋自己再估或者擔心資訊準唔準確🙌🏻。但天澄閣整體服務令我好滿意，同事都好 helpful，成個婚宴籌備過程同婚宴當日嘅安排都做得好好，亦都令我哋覺得好放心。如果有朋友搵 婚宴場地，我都會推薦天澄閣！

我哋見到天澄閣個裝修好似幾靚，之後都覺得幾好，場地夠闊落，環境又幾舒服，所以就決定咗揀天澄閣🌟。而且經理都跟得幾好，服務態度唔錯，我哋有時好urgent咁搵佢都可以，佢又會好細心咁去解答我哋嘅問題，所以我哋對天澄閣都幾有信心😙。天澄閣嘅同事都幾細心，佢哋都會俾啲建議我哋，例如係親戚影相嗰啲環節可以點安排。當日太太都有一位同事喺身邊幫佢手，而每一檯都有 waiter 或者 waitress 去 serve，照顧得幾周全，有需要都可以好快咁搵到同事幫手👍。至於菜式方面，賓客大致上都覺得幾好！不過MC方面就有改善嘅空間，大家之間溝通可以再做好啲，要問清楚我哋先做決定。但天澄閣喺其他方面都幾好，經理Terry好好，我有時凌晨三，四點問嘢，佢都會覆我，好有責任心😆！