我19年已經開始搵場地，當時喺唔同嘅平台都見到有關於天澄閣嘅好評，不外乎話佢哋環境優美、食物質素好等等，後來我都考慮到地區嘅便利性，決定搵佢地。

😆天澄閣令到我滿意嘅地方係佢哋會包基本嘅場地佈置，咁我原本嘅budget就更加寬鬆。天澄閣屬於酒店嘅中菜廳，樓底高、冇柱，俾人嘅感覺非常開揚，好有高級感。喺硬件配套上佢哋嘅CP值已經非常高。👍🏼 喺軟件方面，天澄閣更加係冇得彈。

當初去場地問資料嘅時候，電梯一開門已經有同事好細心咁問我哋想查詢啲乜，知道我哋係想搵婚宴場地就即刻安排同事follow up。🥰😉即使follow嘅同事冇耐之後離職，但係都冇因為咁而成為左孤兒單，轉左另一位同事幫手。佢哋每一位同事，無論身處喺咩崗位都非常熱情。後來負責我哋嘅case嘅係Terry，佢係一個好有經驗嘅幫手。因為疫情嘅緣故我哋延期左四次，每當我好灰心、好徬徨嘅時候都係佢安慰我，亦都比多咗好多意見我哋，等我哋知道事情再嚴峻都好，總會有一個候補嘅plan。佢哋嘅同事可以話真係每一個都非常好，就算係幫我整音響嘅同事、廁所清潔嘅姐姐都好友善，帶比我賓至如歸嘅感覺。其實唔淨止我，當日參加婚宴嘅賓客事後都有同我講覺得佢哋嘅員工好好人，係服務至上嘅。我搞個婚禮最concern就係賓客嘅意見，都希望佢哋嚟參加婚禮係開心嘅。😎✨天澄閣係絕對滿足到我嘅需求。

除咗頭先講佢哋服務非常好之外，食物都唔錯㗎。我喺做資料蒐集嘅時候已經見到有新人推介佢哋嘅芒果紫米卷，當時冇抱有太大嘅期望，點知我事後食，就算係叮返熱都好好食。依個位又要讚一讚佢哋嘅貼心，天澄閣知道新人冇咩時間食嘢所以會預留一部份嘅餸菜打包號俾我哋，係婚禮完咗之後返屋企食。番叮都唔影響食物嘅質素可以睇得出如果係即場食嘅話應該真係好好味啦。😋

不過可能係而家疫情嘅關係每一檯都要分菜上，多咗個程序就令到食物容易啲變凍。🤓 我知道天澄閣係好緊貼疫情嘅policy時，亦都好為客人着想。所以同一檯佢會擺一啲實色嘅板，但反而阻隔左賓客嘅接觸，我自己就覺得如果透明板呢可能就會方便啲啦，至少賓客都可以望得到大家嘛。🙈不過我都好明白係疫情艱難時期，天澄閣已經比最大嘅彈性新人，都盡力去確保客人嘅安全，係值得讚嘅。😌

其實揀天澄閣係朋友介紹，我一直想搵比較高級嘅場地，希望地點方便，個價錢又合理，而咁啱大日子當日都有期，所以想去睇睇個地方先。 去到樓底真係好高，對比其他場地冇咁大壓迫感，而且成個宴會廳都冇柱，全場賓客都可以直接望到個台。就算係偏廳其實都幾近個台，符合到我哋原本想擺二十幾圍嘅要求，所有配套設施都好滿意。

天澄閣同事Terry真係好中肯，唔會好hard sell，會按實際數據去分析邊個package比較啱我哋，好客觀去介紹，從來都無迫我地，仲叫我哋返去諗一諗先再決定，佢可以pencil mark定我哋嘅大日子先。因為我地大日子係旺日。所以考慮左幾日就confirm🙌🏻

落訂當日都有介紹成個婚禮上需要用到嘅服務好似攝影師，場地佈置等等，好誠實提供意見，係package上俾我感覺好彈性，可以就客人需要隨意加減。而場地硬件配套都做得好好，好似新娘房都全新裝修過。

大日子當日亦都安排咗個同事全程跟着新娘子，好似鋪裙，賓客上落台都會照顧，所有同事都好幫得手，有咩問題同事隨時stand by幫忙。中式晚宴賓客都好滿意，由於疫情關係，所有餸都會分好晒先上菜。

同時希望天澄閣可以考慮疫情下，如果食唔夠min charge，可以留餐去到下次，例如一年內返嚟再食。