我籌備婚禮嘅時候做完research就直接聯絡宴會部同事睇場，都真係一如comment所講係樓底高，景靚同舒服。☺️佢哋嘅同事大部分都好有禮貌同埋指引清晰，係一開始有一位女同事係電話聯絡嘅時候體驗就一般，佢好似唔多清楚咁，不過後來轉咗個男同事Terry就一切正常翻。Terry 係in charge曬我成個big day嘅大小事務，rundown啊、場地編排等等都係同佢夾同佢傾。😙有Terry幫手真係smooth好多，不過我都希望天澄閣可以考慮下比新人同決策人多啲交流，因為有好多時候某啲問題都唔係經理落到決定。決策人同新人之間有交流會方便好多，更加流暢～🤓除左Terry之外都有一個staff係全程跟住我，會幫我攞衫、影相嘅時候提我點攞杯、建議我係企邊邊好啲等等，都好細心。😂 至於聽賓客們講其他staff嘅服務都唔錯都nice嘅，同埋都有心嘅，但由於疫情關係，佢哋staff會幫手分好曬啲菜做一碟碟先上，確保衛生，保障客人安全。係依個情況下變左比較大食啲嘅賓客就會覺得唔係好夠飽，因為平時一碟上食幾多可以自己控制調節，咁都明白疫情下大家都係無可奈何。😌而食物我就唔得閒試啦，不過賓客話以中菜來講都幾好。

Decoration方面，佢哋政策係超過20圍就會包基本款，但係都係疫情原因擺唔到咁多，最後都有酌情處理，包咗相簿檯同reception檯，椅套就幾十蚊1圍左右。如果唔鍾意佢哋嘅design，額外比錢搵人都冇問題㗎，不過我自己就覺得滿意嘅。除左decoration之外mc都係超過某一個圍數就包。雖然我未夠圍數，但只要額外加錢就得，始終我都想有個人幫我處理事情，等我可以輕鬆啲。😗另外一個幾好嘅服務係佢哋會安排shuttle bus比賓客，咁都幾方便賓客。🙂

有一日行婚展見到天澄閣，聽完佢哋介紹之後覺得OK，場地好靚，最後就揀咗佢！🥰 經理Terry成個過程都跟得好足，我有咩問題都會問佢，喺big day嗰日仲貼身跟住我哋，就連件衫有少少摺咗角都即刻提點我，直情做埋Wedding planner嘅角色🤩！Terry會比好多意見我哋，啱晒啲冇乜idea嘅新人。😊 印象最深刻係big day前幾日，政府限聚令縮窄到8人，所以我哋嘅seating plan都要作出更改，Terry好幫到手，幫我哋安排晒酒精、消毒劑同分隔板等等，分擔咗我哋好多煩惱！👍