如果大家對天澄閣有興趣做過下research或者已經入咗group嘅話，可能都對Terry唔陌生。我成日都係group見到其他人讚佢服務好，又指名要佢in charge同follow up，當然我都係其中一個啦～😝

Terry由我睇場到big day一路都係跟得好足，不斷遷就客人需要，亦都會提出好多意見。甚至乎佢好似個wedding planner咁幫我諗埋rundown，計劃埋幾時迎賓、幾時換衫同進場，例如就係我晏晝同夜晚各擺一場，中間有段吉出來嘅時間，Terry就會叫我哋趁下場未開始就影外景。📷

結婚當日，Terry又係全程望到實一實，想確保婚禮係順利進行。除此之外更加充當埋攝影師嘅角色，如果攝影師忙緊而又有賓客想搵我影相，佢就會幫我影。🤳🏻佢都好知道我哋想同攝影師都影下相，就會臨尾叫攝影師入埋鏡，佢幫大家影合照。所以佢比咁多新人讚都真係合情合理㗎，佢處事方式令新人好舒服，我無論係私底下whatsapp佢定係踩上場問佢嘢，佢都會好有耐性咁解答我嘅疑問。😆

其實除咗Terry之外，我相信其他同事好似Apple同Ling都係好幫得手嘅，只係我同Terry真係特別夾～同事有咁高嘅服務質素，我相信公司本身政策都係功不可沒。🤓 一般酒店酒樓可能都想賺多啲錢，但佢哋反而係我哋諗緊整decoration嘅時候話咁樣都幾曬錢，然後自己幫我搵一個好划算嘅方法出來搞成件事。😳

另外我諗好多人會揀天澄閣都係因為佢個場地環境，佢樓底高，又選用落地大玻璃，長方形廳中間又冇柱所以好空曠。而且佢哋會把握疫情時間裝修，比客人一種煥然一新嘅感覺。🌟佢哋原本有一個180度定唔知幾多嘅大屏幕，如果依家冇疫情嘅話應該可以大派用場，同一般酒店嘅唔同。食物質素方面，我都係聽賓客讚，畢竟我當日忙到淨係食到乳豬。🤣佢哋話份量好足夠，特別讚嘅係甜品，好多人都話好好食。😋

經歷完咁長時間嘅籌備，明白各位新人係疫情期間嘅難處，不過我自己就真係睇化咗好多，畢竟政府政策嘅嘢唔係佢哋可以控制，佢哋係咁嘅情況下提供咁優質嘅服務已經係好好了～

我籌備婚禮嘅時候做完research就直接聯絡宴會部同事睇場，都真係一如comment所講係樓底高，景靚同舒服。☺️佢哋嘅同事大部分都好有禮貌同埋指引清晰，係一開始有一位女同事係電話聯絡嘅時候體驗就一般，佢好似唔多清楚咁，不過後來轉咗個男同事Terry就一切正常翻。Terry 係in charge曬我成個big day嘅大小事務，rundown啊、場地編排等等都係同佢夾同佢傾。😙有Terry幫手真係smooth好多，不過我都希望天澄閣可以考慮下比新人同決策人多啲交流，因為有好多時候某啲問題都唔係經理落到決定。決策人同新人之間有交流會方便好多，更加流暢～🤓除左Terry之外都有一個staff係全程跟住我，會幫我攞衫、影相嘅時候提我點攞杯、建議我係企邊邊好啲等等，都好細心。😂 至於聽賓客們講其他staff嘅服務都唔錯都nice嘅，同埋都有心嘅，但由於疫情關係，佢哋staff會幫手分好曬啲菜做一碟碟先上，確保衛生，保障客人安全。係依個情況下變左比較大食啲嘅賓客就會覺得唔係好夠飽，因為平時一碟上食幾多可以自己控制調節，咁都明白疫情下大家都係無可奈何。😌而食物我就唔得閒試啦，不過賓客話以中菜來講都幾好。

Decoration方面，佢哋政策係超過20圍就會包基本款，但係都係疫情原因擺唔到咁多，最後都有酌情處理，包咗相簿檯同reception檯，椅套就幾十蚊1圍左右。如果唔鍾意佢哋嘅design，額外比錢搵人都冇問題㗎，不過我自己就覺得滿意嘅。除左decoration之外mc都係超過某一個圍數就包。雖然我未夠圍數，但只要額外加錢就得，始終我都想有個人幫我處理事情，等我可以輕鬆啲。😗另外一個幾好嘅服務係佢哋會安排shuttle bus比賓客，咁都幾方便賓客。🙂