我一開始無睇過婚宴場地嘅，不過我嘅同事去過天澄閣所以介紹比我，我之後再去睇場，覺得嗰度嘅樓底高、場地無柱、整體乾淨，圍數方面又ok，所以無比較過其他就揀咗喺佢哋度擺晚宴啦😆。

經理Terry好幫到手，平時係我同佢whatsapp溝通，big day嗰日因為我成日要去轉妝換衫，所以佢就全程跟住我先生，有啲咩就可以搵佢，幫手處理咗好多嘢。仲有個assistant會全程跟住我，又會幫手扶埋媽咪同奶奶上台，好take care著長裙嘅人。佢哋對於疫情好快已經準備咗酒精消毒機，又即刻訂咗體溫機，入場前要量一量體溫，幫我哋處理好，大家都唔洗咁擔心🥰。

有少少美中不足嘅就是佢哋餐飲會包橙汁同紅酒，但係紅酒就要開席先可以飲，有啲人嚟到已經想飲嘅時候就要等🙈。不過嘢食方面，賓客都讚好食啊，雖然我哋無食到，但係Terry都幫我哋打包好兩份俾我哋完場食返，好貼心啊。有朋友結婚我都會介紹天澄閣俾佢哋，佢哋環境舒服唔會壓迫，嘢食好食，價錢又合理，鍾意高樓底同感覺寬敞啲嘅新人就好適合佢哋啦🥳。

因為之前我有幾個朋友都係天澄閣擺酒，覺得佢地既場地幾靚，設施齊全，工作人員既服務又好，所以對呢間既印象好深刻😍。到我地自己揀場地擺酒既時候，覺得佢地都好符合我要求，例如我擺既圍數同佢地場地既match，個場既樓底夠高同無柱，食物又好味，覺得性價比高所以就揀咗係天澄閣。最初跟我地個個經理中途走咗，我地本來因為咁有啲唔開心。但係之後serve我地既經理好好，所以我覺得都唔錯。佢同另一位同事中途接手我地既婚宴，我地有好多問題佢地都幫到我地，同埋佢地可以好清晰咁指示我地個流程，所以我地好滿意👍🏻。我聽返朋友既feedback都係唔錯既，例如天澄閣雖然地點比較隔涉但係有提供shuttle bus,所以都算方便。食物方面都好滿意。另外最好既係因為我地擺既圍數較多，所以天澄閣個邊包咗一個免費mc俾我地，親戚朋友話mc做得好好，guide流程同搞氣氛都做得好🤩，佢幫我地掌握得個時間好好，令成個流程好順利，無overrun👏🏼。有少少不足既係我地唔知我地擺酒既前一日係有其他人用，所以用唔到佢地既物資房，最後我要將啲物資車返去酒店。另外有啲賓客覺得音響有少少問題，唔係幾聽得清楚台上面既人講嘢，除此之外都好滿意。同埋我地覺得天澄閣既價錢好合理，我地個餐包咗鮑魚同所有酒水，但係都唔算好貴，性價比真係好高😋。