我地見天澄閣係網上都有幾多好評，所以去咗睇場，覺得個場真係幾靚，最後就揀咗佢地。

跟我地嘅嗰個經理Terry無論係睇場定big day當日都跟得好足，我地有咩問題佢都會解答到，服務好好同反應好快，我feel到佢係真心咁服務我地。有時半夜都會覆我地whatsapp,好盡責😄。同埋我地揀呢個場係因為樓底夠高，我地又好鍾意佢地嘅燈飾。雖然我地無試菜，但係我地去過飲茶，加上我先生去過呢個場地參加飲宴，所以知道天澄閣嘅食物質素都唔錯。

當晚嘅嘢食真係幾好，而且親戚朋友都話侍應反應好快，可以即時解決賓客嘅問題，服務好好。👍🏻 Terry全晚都有睇住個rundown，幫手控制時間，所以當晚成個流程都好順。整體我地好滿意😆! 如果有新娘子揀擺酒場地嘅話，我都一定會推薦天澄閣俾佢地🤩。雖然天澄閣嘅價錢會比其他酒樓貴，但我都覺得係值得嘅。有啲可惜嘅係佢地無存菜呢個服務，所以如果賓客數量比預期人數少嘅話，都無得之後食返多咗嘅嘢食。如果可以有埋存菜呢個服務就perfect喇🤓！

其實好耐之前我諗都成10年前曾經去飲過嘅，嗰陣已經覺得佢哋啲嘢食OK，早幾年見到佢哋翻新，又再去飲左兩三次，都覺得佢哋嘢食嘅水準都唔錯，相對於外面嘅酒樓其實都好食嘅，所以我就揀咗天澄閣。未諗住結婚之前已經有睇定諗住第時結婚就一定要去呢度擺酒，一早就鎖定左佢哋，都知佢哋比較full, 本身2017年開始搵地方，諗住2018年擺酒，但係嗰陣已經好full啦，最後我哋2017年book嘅，但係嗰陣已經book緊2019年嘅下半年喇，要用成一年零九個月就係為咗喺天澄閣度擺酒。為咗喺天澄閣嗰度擺酒延遲左一年結婚，而其他嘢都可以配合天澄閣😁。佢哋嘅員工嘅服務係好好㗎，因為我哋每一次去飲佢哋都會派一份意見書，去幫佢哋果一日嘅服務表現評分，而且每一圍都最少有一位嘅staff去Serve，可以盡量滿足到每一位賓客嘅要求😆。落訂嘅時候，經理Terry都講解得好清晰，令到我哋好清楚咁了解到佢哋嘅場地特色同埋promotion內容。其實個新人來講有好多場地嘅問題要問或者好擔心嘅地方，Terry都會隨時解答我哋，甚至乎係半夜嘅時候佢都會覆我哋，令到我好安心之餘，有好多野都好快迎刃而解😍，而且當日Terry無時無刻都會係身邊陪住我哋，例如March in嘅時候會叫下我哋唔好緊張啊，成晚都會keep住問呢樣果樣O唔OK啊，我哋有咩要求同佢講，佢都會好盡量咁滿足我哋，呢一點係好好👍，好盡責，好多細節都跟得好好。貼身跟住我嗰個bride assistant 姐姐都好好，成晚都會keep住問我肚唔肚餓啊，會定時拎啲嘢俾我食，但係嗰晚真係忙到冇時間食嘢，佢哋都會打包咗啲嘢食送上我哋酒店房俾我哋夜晚醫肚❤️。搵攝影Deco呢啲可能係對新人嘅困擾，如果天澄閣有多啲同呢啲vendor嘅partnership建議俾新人，或者一啲Special Offer，咁樣就可以減少到新人嘅壓力令到新人舒服啲。我都知道而家有一個新嘅decoration公司同佢地有合作嘅，都整得好靚，不過就要用refund既形式，其實我建議佢哋可以直接免費使用服務而唔洗refund咁樣，就更可以減少新人嘅煩惱喇😄。