其實之前係天澄閣有飲過兩次,所以都有D印象😁。我本身都唔係好鍾意做research既人黎, 一開始我淨係搵左兩個場地, 其中一間就係天澄閣。因為天澄閣夠大，可以放到哂我28圍, 但係就有4圍會放入左L位, 不過實質只有最入果兩圍睇唔到個台,所以我覺得冇咩所謂😄。而且野食係OK, 擺設同服務又好好, 負責既經理Terry每次都係秒覆我既Message咁濟,連凌晨一點幾兩點佢都會照覆我,真係好有效率,我有咩要求佢都會盡量配合我。同埋,全晚跟住我果個主任阿Lu都好貼心,知道新人成晚都冇咩點食野，佢都會提下我記得飲水,又會教我要點做先岩❤️。Big Day果日撞正一D社會運動,所以出面既情況好混亂,交通都有少少影響,本身架包車因為封路而黎唔到,Terry都好落力咁幫我call相熟既旅運巴公司,佢地都會keep住update我出面既情況,令我安心D😆。我有聽返D上左年紀既賓客會話地點難搵少少，佢地好多都係自己搵路行過黎，我建議shuttle bus既上落客地點多返d會更好,例如係其他地區,或者近地鐵站D就會方便D,不過D賓客黎到都讚個場好靚,樓底好高。👍

其實一開始係奶奶介紹嘅, 佢去過天澄閣飲，覺得野食好食，地點又方便。😉另外，婚展自己都有睇過，睇完場覺得都靚，有落地大玻璃，樓底又高又冇柱。😄經理Terry好細心，解釋得好詳細，而且覆得好快，因為我哋年尾擺酒好多full，所以佢都忙，仲咁照顧我哋，有佢我都唔洗驚當晚會發生D咩事。❤️賓客都話野食好好食，侍應都好快手，卙酒卙果汁速度好快。😆我覺得天澄閣擺24圍以下係最好嘅，因為27圍以上既話就會放左入L位，果啲人客就會冇得直接望到個台，我自己擺30圍就有幾圍要坐入L位，呢個就係唯一嘅場地限制，除左呢樣，其他都真係好好。👍