其實一開始係奶奶介紹嘅, 佢去過天澄閣飲，覺得野食好食，地點又方便。😉另外，婚展自己都有睇過，睇完場覺得都靚，有落地大玻璃，樓底又高又冇柱。😄經理Terry好細心，解釋得好詳細，而且覆得好快，因為我哋年尾擺酒好多full，所以佢都忙，仲咁照顧我哋，有佢我都唔洗驚當晚會發生D咩事。❤️賓客都話野食好好食，侍應都好快手，卙酒卙果汁速度好快。😆我覺得天澄閣擺24圍以下係最好嘅，因為27圍以上既話就會放左入L位，果啲人客就會冇得直接望到個台，我自己擺30圍就有幾圍要坐入L位，呢個就係唯一嘅場地限制，除左呢樣，其他都真係好好。👍

我哋有一次去朋友嘅婚宴嘅時候，認識到天澄閣呢個場地。當時發現佢哋無論食物嘅質素，職員嘅服務，以至到場地嘅質素都好高👍🏼👍🏼，再加上原來都多朋友喺嗰度擺嘅，所以就即刻問佢哋攞多啲資料喇😆。由於我哋嘅親戚朋友都來自港九新界同埋國內嘅，咁天澄閣嘅地理位置對於我哋嚟講就非常合適喇！🤘🏼對港九新界嘅朋友來講，佢比較算係中間位。而我國內嘅親戚亦都有直通車可以直達嗰度，所以係非常方便嘅。👏🏼其實我哋都有喺婚展度同佢哋傾過計，我哋覺得佢哋最好嘅地方係喺婚展度嘅態度非常好，耐心講解之餘又唔會係好chur好hard sell咁，反而同我地講，佢哋唔會俾我哋即時落訂😂，要求我哋一定要先去睇場，諗清諗楚先決定，唔想我哋太衝動去決定，係呢個方面我覺得佢哋好好，好貼心🥰。我哋嘅朋友都有同我哋講，如果係其他場地擺，啲服務未必會有咁貼心。我好記得當日有一位叫阿Ling嘅同事跟足我一日，唔單止不斷追住我，提供暖水比我飲，仲會幫我做埋心理輔導，叫我唔使緊張，提我要笑，花球擺咩嘢位咁。我入去新娘房玩妝換衫嘅時候，佢又會攞住花球喺門口度等我出嚟，服務極之周到😍。連我啲姊妹都話天澄閣嘅服務真係好好，令到佢哋嗰晚都好輕鬆🤩。係成段準備嘅時間入面，負責我哋婚宴嘅Terry真係跟得好足。我哋每次WhatsApp佢，佢都會秒覆😱。仲要無論我哋問幾刁鑽嘅問題，佢都可以答到我，真係好impressive! 👍🏼👍🏼如果可以，我會俾夠200分佢哋😆！我會提議想喺嗰度搞婚宴嘅新人，無論決定咗揀佢哋未，都出席佢哋一年一度嘅open day，因為去過之後，信心會更加大！🤗