我覺得天澄閣既同事follow up做得好足，通常我有啲咩疑問，佢地都可以好快解答到我。big day當晚我地都唔係好熟rundown ，但係Terry同Ling成晚都幫左我地好多、俾左好多意見我地，好細心。佢地成晚都係我地隔離，啲野跟得好貼，令全日既rundown好順。屋企人同朋友都話啲野好好食、同事態度好，但係就同我投訴，話當晚既酒水吧太早收，10:00就停止供應酒水🙄

除左呢樣，其他都好好既。天澄閣本身會幫我地裝飾個場地，我地都滿意佢地既佈置，尤其係枱花同candy bar都好靚。啲staffs整體都好專業😛

天澄閣嘅場地冇柱，性價比幾高，同埋呢間係做開擺酒，佢哋嘅員工非常專業，對rundown等所有嘢都好熟悉，我無需要擔心任何嘢，已安排好晒！Whatsapp問佢哋員工問題，都會即時覆我。佢哋有專門負責technical嘅員工，幫我播片、播音樂。但佢哋地理位置麻麻，雖然附近有地鐵站，但係唔容易搵到位置，唔係乜乜酒店，聽個名未必知喺邊。我有試過菜，婚禮完咗賓客都有同我講幾好食！因為婚禮當日我冇乜點食嘢，佢哋員工會pack返啲食物畀我。本身個package有包住宿，但我冇要到，佢哋會減返錢畀我哋，同埋惠顧滿指定酒席會送多啲嘢。