我哋有一次去朋友嘅婚宴嘅時候，認識到天澄閣呢個場地。當時發現佢哋無論食物嘅質素，職員嘅服務，以至到場地嘅質素都好高👍🏼👍🏼，再加上原來都多朋友喺嗰度擺嘅，所以就即刻問佢哋攞多啲資料喇😆。由於我哋嘅親戚朋友都來自港九新界同埋國內嘅，咁天澄閣嘅地理位置對於我哋嚟講就非常合適喇！🤘🏼對港九新界嘅朋友來講，佢比較算係中間位。而我國內嘅親戚亦都有直通車可以直達嗰度，所以係非常方便嘅。👏🏼其實我哋都有喺婚展度同佢哋傾過計，我哋覺得佢哋最好嘅地方係喺婚展度嘅態度非常好，耐心講解之餘又唔會係好chur好hard sell咁，反而同我地講，佢哋唔會俾我哋即時落訂😂，要求我哋一定要先去睇場，諗清諗楚先決定，唔想我哋太衝動去決定，係呢個方面我覺得佢哋好好，好貼心🥰。我哋嘅朋友都有同我哋講，如果係其他場地擺，啲服務未必會有咁貼心。我好記得當日有一位叫阿Ling嘅同事跟足我一日，唔單止不斷追住我，提供暖水比我飲，仲會幫我做埋心理輔導，叫我唔使緊張，提我要笑，花球擺咩嘢位咁。我入去新娘房玩妝換衫嘅時候，佢又會攞住花球喺門口度等我出嚟，服務極之周到😍。連我啲姊妹都話天澄閣嘅服務真係好好，令到佢哋嗰晚都好輕鬆🤩。係成段準備嘅時間入面，負責我哋婚宴嘅Terry真係跟得好足。我哋每次WhatsApp佢，佢都會秒覆😱。仲要無論我哋問幾刁鑽嘅問題，佢都可以答到我，真係好impressive! 👍🏼👍🏼如果可以，我會俾夠200分佢哋😆！我會提議想喺嗰度搞婚宴嘅新人，無論決定咗揀佢哋未，都出席佢哋一年一度嘅open day，因為去過之後，信心會更加大！🤗

我覺得天澄閣既同事follow up做得好足，通常我有啲咩疑問，佢地都可以好快解答到我。big day當晚我地都唔係好熟rundown ，但係Terry同Ling成晚都幫左我地好多、俾左好多意見我地，好細心。佢地成晚都係我地隔離，啲野跟得好貼，令全日既rundown好順。屋企人同朋友都話啲野好好食、同事態度好，但係就同我投訴，話當晚既酒水吧太早收，10:00就停止供應酒水🙄

除左呢樣，其他都好好既。天澄閣本身會幫我地裝飾個場地，我地都滿意佢地既佈置，尤其係枱花同candy bar都好靚。啲staffs整體都好專業😛