之前都有D朋友用過天澄閣，我地都覺得幾好，所以我地第一間就係上佢地度睇👀。

佢個場地好靚，首先樓底好高，而家喺香港已經係好罕見，同埋中間完全無柱位，而且係長方形，好適合擺酒。傾嘅時候亦都感覺到佢地嘅staff好專業，整個解釋都好詳細同清楚，而且唔會係咁push係咁sell，所以感覺都好好，就即刻決定咗揀佢地。我地最後擺咗廿七圍，空間都係好足夠👌🏻。

當日啲賓客都有話D食物好好食😋，好似係唯獨係個翅話有D淡，無咩味。另外，客人都話佢地service好好，有讚佢地，特別係跟我地嗰位Manager - Terry Lo，佢服務真係好好👍🏻👍🏻👍🏻！好多時候我地都係office hour以外搵佢，但係佢好多時都會即時覆，就算佢覆唔到，都會講低幾時會覆返我地，幾時會check到，都會講一聲俾我地聽，好有交帶，所以我地整體都係好滿意🤗！

我本身想搵樓底高，有空間感同埋無柱嘅地方，仲要交通方便，所以都有上網做下research比較吓。嗰時都搵咗幾間喺尖沙咀區嘅場地，而天澄閣係我地咁多間嘅首選。後來去唔同場地睇過之後，一係就覺得佢地樓底矮，一係就性價比低，所以最後都係揀返天澄閣。

一開頭嘅服務都係好資訊性嘅介紹，不過佢地都好專業，會主動講亦都答到我地嘅問題。我地特別欣賞嘅係無論幾時留言或者留message俾佢地，可能係一朝早或者唔係佢地working hour，佢地都覆得好快，而且佢地feedback得好詳盡咁解答我地問題。我地都有D special request，例如我地唔要show個「聯婚」出嚟，佢地mark低咗亦都一直跟到。每次我地俾相佢地，佢地都記低好哂，跟得好好，完全無甩過。初頭我地諗唔到photo booth 擺邊，跟我地張單嘅Apple都俾咗好多意見我地，教我地點樣安排會好啲。

場地環境寬闊，朋友之前去過飲都話D食物唔錯，當日賓客都好滿意，份量同味道都好好。而且D細節都做得好好，好體貼，當日我有D唔舒服，跟住我嘅員工都會係咁提我地要飲多D水。我覺得佢地真係咩都幫我地處理好好，等我地可好放心～專心著靚靚就可以！