婚禮最緊要都係三樣嘢，就係行程（即係rundown)、場地同埋菜式。除咗要自己處理嘅行程，剩低嗰2樣嘢我覺得天澄閣係性價比高。另一方面我覺得擺酒最緊要喺樓底高，所以天澄閣喺幾好嘅選擇。而地點方面因為我喺紅磡嘉里酒店出門，去天澄閣擺酒都方便，不過係差在對賓客嚟講唔近地鐵站，要靠佢啲專車接送。 我嗰時喺婚展度搵佢哋，我覺得佢地銷售都唔chur，感覺幾好。一直幫我哋嘅Apple真係好幫到手，令我哋基本上都唔使擔心酒樓嘅嘢。佢喺適當時間就提我，又幫我打點晒啲嘢，喺佢可行嘅權力裡面佢都會盡力俾到你想要嘅嘢。例如我有問佢可唔可以早一日去放低啲嘢， 同埋早2日放低啲酒，佢都幫我安排到。所以基本上我覺得覺得天澄閣幾好，都ＯＫ。食物我方面自己覺得好食，我平時有時都會去飲茶，不過當晚賓客feedback就覺得太油。 另外，天澄閣同樓上service apartment有deal，可以俾你擺酒嗰晚喺樓上住一晚，但兩間嘢係唔同集團。樓上嘅service apartment我覺得就一般啦，好似普通屋企，就唔係一間酒店嚟。配套上就唔係咁啱一個after wedding嘅人，例如hotel可以叫service嚟幫你攞行李上去，呢度就要自己一力搞掂。不過一開始book嘅時候天澄閣都同我哋講明，所以我哋都知嘅，只係喺度提醒返都想用天澄閣嘅新人要首先諗返自己係咪接受到同埋可以自己搞掂啲嘢先揀。其實間嘢都OK，只係無咗一啲可能新人需要嘅service。

我去左現場睇個實景，覺得係比想像中大既，因為無柱，樓底都有20尺到，佢應該係新裝修過所以好光猛，不過個location係差Ｄ，始終唔係近地鐵站，就算有shuttle bus，都未必算係太方便！ 我total擺左25圍，Apple由我落單就跟到我big day，佢地又會arrange 一個姐姐叫Amy扶我上台，又會問我肚唔肚餓！Overall d食物都幾好，個海鮮卷好脆，炸子雞reheat都幾好食！ 嗰日放喺地下Ｄ音響無著到，可能因為我做technical，知道佢地裝Ｄ音響既位置出翻黎Ｄ聲未必太好，d音響可以改善就更加好。