我去左現場睇個實景，覺得係比想像中大既，因為無柱，樓底都有20尺到，佢應該係新裝修過所以好光猛，不過個location係差Ｄ，始終唔係近地鐵站，就算有shuttle bus，都未必算係太方便！ 我total擺左25圍，Apple由我落單就跟到我big day，佢地又會arrange 一個姐姐叫Amy扶我上台，又會問我肚唔肚餓！Overall d食物都幾好，個海鮮卷好脆，炸子雞reheat都幾好食！ 嗰日放喺地下Ｄ音響無著到，可能因為我做technical，知道佢地裝Ｄ音響既位置出翻黎Ｄ聲未必太好，d音響可以改善就更加好。

我初初已經target左係酒店，但係酒店都係俾ballroom，又無窗，我覺得比較侷促，所以就唔太想！咁天澄閣個落地玻璃都好吸引，同埋可以間開打麻將既地方，個新娘房都夠大同埋同個擺酒位係同一層，方便我出入換衫！親戚都話Ｄ食物就好好食，我就淨係食左乳豬同翅，Ｄ翅都幾足料，又夠熱，乳豬皮都脆，仲有個芒果紫米卷，好特別，我係另外加錢叫！ Ｄ Staff 好helpful，會有個姐姐專門跟住我，扶我起身，換衫個Ｄ! 佢地個音響都清楚，係個mon set左喺近天花，坐係角落Ｄ位就睇唔清楚！另外就係事前負責我地個sales離左職，中間Ｄ嘢甩左，不過我raise翻問題，佢地個consultant就即刻follow up翻，所以都唔大影響！成個package黎講我覺得少少貴既，雖然佢地係酒店入面既中菜廳，但係佢地始終唔係酒店，所以個minimum charge都幾貴！