其實天澄閣嘅食物同職員嘅質素都唔錯，環境都幾好👍。當初係網上知道天澄閣，同景逸軒對比下最終都係選擇咗天澄閣，因為我同老公覺得嗰度樓底高舒服啲😁。咁一開始係Candy follow我哋，但後尾轉咗係Terry 帶我哋睇場，Terry都好Nice同盡責㗎😉。有一次我哋半夜whatsapp佢，佢都會好快打電話返嚟同我哋講，了解我哋有啲咩疑問😍。

到咗婚禮嗰日，由於我哋都有20圍，本身rundown都有啲delay，影大合照嘅時候，仲有啲擔心會唔夠時間。但天澄閣嘅職員有幫手排凳，令我哋大合照嘅時間充裕返😍。天澄閣仲安排一個跟出跟入嘅Staff，佢會幫手整裙、跟我條裙，因為我成日俾裙絆倒🙈。 但有啲可惜嘅位係當日大合照嘅時候，有一班朋友冇一齊影到，因為聽唔到MC話最尾可以出嚟影相，可能係音響問題，或者MC表達得唔夠簡短同清晰，又或者係佢哋坐喺後面聽唔到啦，所以我都係會覺得少許遺憾，如果MC可以簡短啲表達叫賓客出嚟影大合照就更加好了 😉。不過，其實天澄閣嘅package包MC，而呢位MC又有早半個鐘嚟，佢都有喺婚禮中途幫我追好多時間嘅😍！ 

至於天澄閣嘅食物味道都OK㗎，我之後有問返大家，大家都話好食😋！有少部份賓客覺得如果翅可以稍為調味，少啲鹽就更加好啦😂。有朋友同我反映佢哋兩個喺度傾偈嘅時候，有個侍應忽然將一張凳擺喺佢哋兩個中間，同侍應好心想提醒我嘅朋友唔好坐喺主人家嗰枱，但係佢嘅表達方式令我嘅朋友有少少尷尬，如果佢嘅表達方式再好啲就更加好啦。 咁成個婚禮整體來講都順利㗎😁，只係有少少遺憾係大合照嘅時候唔可以同所有人都影晒相。不過天澄閣安排嘅人手同埋嘢食嘅味道都幾好💯。

我搵晚宴場地嗰時都睇過唔同地方，比較過之後覺得天澄閣個場夠大，又冇乜柱位遮住👍。另一方面好多酒樓個場都要成約六七十萬，而天澄閣就約廿五萬左右，價錢比較啱心水😏，加上都聽過佢口碑好👍，最後就用咗佢晚晏場地個服務😏。

天澄閣service好好，講解package都好清晰👍。佢哋嘅職員Terry好幫得我手，例如婚宴前幾個月我有啲事情發生咗要延期，佢都安排到。同埋Terry會好主動好積極咁比建議我，唔會見到問題就推😄。我哋事前有傾過個run down咩時間做咩程序，Terry會按住個run down比更加好嘅意見我，幫我安排得好好，唔洗我操心😆。有時我有啲特別要求，佢哋都可以滿足到我，例如有時去人哋啲婚宴會見到啲職員分菜時會跌到成枱都係，我講咗唔想有咁嘅情況，佢哋真係做到比我💪🏻。

天澄閣個場地本身都好靚😍，Terry介紹咗一間佢哋平時都合作開嘅場哋佈置公司比我，令到成件事都好smooth😁。而佢介紹嗰間佈置公司亦都好好服務，本身話當日五點鐘交場比我，點知四點鐘我都未去到就已經幫我整好曬個場🤩。我太太亦都盛讚個場好靚，做到我哋心目中想要嘅嘢❤️。

我之前都去咗幾次試菜，覺得佢哋啲嘢食好得💯。我最有印象嘅菜式係佢哋個連理球，就算晚宴個晚我冇時間食都忍唔住打包咗返屋企食🤣。佢哋好細心，知道我哋新人冇時間食嘢，預先一道道菜包好哂比我哋攞走！

新娘房位置方便，亦啱我太太心水❤️。當日有一位職員跟住我太太幫手，我太太嗰晚返到嚟都同我講好滿意佢嘅服務。有個小插曲係我太太中途有個位真係好攰好眼瞓，叫佢試下搵唔搵到red bull比我太太飲，佢真係搵到幾罐返黎，我太太飲完就精神咗好多，好貼心😍！我真係覺得佢哋個服務好好，就算平時飲茶都覺得佢哋服務係好同職員做嘢好主動，如果有6分真係想比6分佢哋🥰！