天澄閣一開始最吸引我哋嘅係個樓底好高，成個感覺都好開揚又好舒服，而且講解得好清楚👍，就返我哋budget同情況，都傾得好舒服😁。我哋之前都去四季同嘉里嗰邊睇過場，但可能因為我哋預算15至18圍左右，去其他場地就比較尷尬🙈，都得啲比較細／無窗／完全無佈置嘅地方，同天澄閣個對比就好大😆。我哋睇完場之後同屋企人講開覺得幾好😉，嗰時先知原來媽媽朋友識個喺天澄閣做咗好多年嘅員工，就更加覺得唔使再諗🥰，就揀咗天澄閣。

其實我哋原本係7月17號搞婚禮，點知我同太太竟然7月16號確診咗！我即刻打俾佢哋同事Terry，佢一聽電話嗰時仲話「周生聽日見啦😉！」，我就同佢講「聽日見唔到啊！我哋確診咗啊🥲！」，打去嗰吓其實都覺得好尷尬，因為我自己都覺得如果我哋早一個星期要改都話人之常情，但係早一日可能佢哋已經預備晒啲食材，將心比己我自己開婚宴場地嘅話我都會覺得好大鑊。我直頭都唔敢問會唔會唔使收錢，最多都諗係加幾多可以處理到，但係佢哋竟然肯幫我哋改時間仲＄１都無收過我哋🤩！對我嚟講真係好震撼，好誇張，我講比啲friend聽佢哋都唔信🤣！ 後來我哋改時間，得返30/10 或24/12，我哋又唔想阻住其他人過聖誕，就揀咗30/10，不過因為教會嗰邊30/10唔得，結果我哋就29/10教會早上婚禮，30/10 住hyatt＋bridal shower，30/10先再出門，然後去天澄閣度斟茶同攞婚宴😏。

講返婚宴，覺得佢哋嘅員工都好好，我哋以為唔見咗對手鐲，現場佢哋都好上心咁幫手搵🥰。結果原來係套咗喺另一隻手鐲下面，可能係戴嗰時太緊張就冇留意😆，都好感謝佢哋好認真咁幫手🙏🏻。流程方面，MC阿Roy都係天澄閣嗰邊幫我哋安排，佢都同我哋傾得好仔細💯，當日都好順利👍。特別想讚跟新娘嗰個員工阿lu好細心❤️！例如會成日同我太太講「新娘子你坐吓休息多啲，飲多啲暖水啦」，蛋糕都有幫我哋keep住留俾我哋食😍。敬酒嗰時又一直跟住攞住條裙，每一張相都幫會拉返好條裙，令我太太好放心🥰。除咗擺好條裙，敬酒時又會炒熱啲氣氛💪🏻，叫大家一齊敬酒。最尾我哋唔想浪費食物，就請佢哋幫我哋包走啲食物，不過結果包得俾我哋想像中少。整體嚟講成個婚宴氣氛都好好👍，食物同環境朋友都一致好評💯！

我去都會海逸睇戶外場嘅時候，嗰度嘅經理知道我想搵間中菜午宴，就同我哋講附近天澄閣嘅食物質素同服務態度都幾好，所以我哋就預約去睇吓😏。我哋夾夾埋都睇咗成六七個場，而天澄閣喺咁多個場之中樓底最高，加上有落地玻璃，做到少少戶外婚禮嘅感覺🏞。而令我哋最滿意❤️嘅地方就係佢哋嘅食物質素同埋員工服務態度真係非常好💯！

我仲記得我哋去睇場嗰時係二三月疫情好嚴重嘅時候，仲諗緊擺唔擺酒好...因為我哋擇咗日子打算9月9日結婚，但係又唔知落唔落訂好，驚個Booking會full，又驚到時擺唔到。幫我哋嘅staff Apple佢好好😉，佢講解得好詳細👍，又肯幫我哋寫定個名先，免費幫我hold期，就話如果之後有人都問同一個日子先再聯絡我哋，真係將心比己😍！後來我哋到差唔多五六月左右先去落訂，佢亦都開一個WhatsApp group同我哋聯絡，可以隨時再問佢嘢😄，佢又會同我哋講菜式同埋一啲注意事項，好幫到手。❤️

到big day之前，我哋又問吓可唔可以早啲上去放低少少嘢，佢就話我哋聽其實之前嗰晚冇人用，可以早一晚放定啲嘢喺新娘房，真係好好💯！因為我哋喺第二間酒店出門，可以早一晚放定啲嘢喺嗰邊就唔使到時攞咁多嘢，易安排好多😏。

Big day當日我哋預計10:30左右敬茶，佈置公司都想早啲去預備，佢哋都好好可以arrange到早啲比佢哋入去佈置💪🏻，所以我哋敬茶嗰陣時都已經有佈置好嘅背景可以影啲靚嘅相😍，真係一切嘅嘢只要肯同佢哋講聲，佢哋就會盡量安排👍！敬茶嘅時候都一早幫我哋喺台上面擺好晒凳同埋沖好茶。我哋當日要上台或行出行入，都比較多老人家，佢哋嘅員工都喺旁邊扶到實一實，令我覺得好安心🥰，四大長老都覺得啲員工服務好好👍。

我哋有用埋佢哋嘅司儀服務，阿Roy佢喺big day幾個星期前就約我哋出嚟，親自同我哋傾，了解返我哋點樣認識對方😉，同埋屋企人嘅background，等佢知道到時可以點稱呼佢哋😄。因為我哋預嘅時間都比較趕，親戚都多，佢就提我地影大合照嗰時可以點安排得好啲。最令我印象深刻嘅係好細微嘅位佢都注意到😍，例如佢問我哋有冇預備background Music，提返我哋如果唔係到時成個環境會好靜，我哋都真係完全忘記咗要預備呢樣嘢，諗住係播片嗰時先有音樂💪🏻！

食物方面，賓客都話食物quality好好，可惜當日我只係食到一舊魚🥲！不過好在我哋去睇場嗰陣已經有試菜，嗰時我都覺得啲食物好好味💯。講返big day當日，賓客話啲魚蒸到啱啱好，花膠炆鵝掌嗰一味菜都煮得好好👍，炆得好淋同入味，老人家都食到。主家席嘅乳豬有跟一塊蒸薄餅，好特別🥰。炸子雞唔會「鞋」，味道唔會太鹹啱啱好，連甜品芒果紫米卷都好多人讚💯！賓客們都話成個環境嘅感覺都舒服，食物質素又好，都好滿意❤️～好開心😄～