我朋友之前去過天澄閣做影相Model，同我講個場地非常靚，吸引到我親身上去睇下個場。去到都真係比佢哋個場吸引到，戒指燈同埋花帳幕俾人一種好華麗嘅感覺，場地係冇任何柱遮擋，望落去好開陽。就硬件而言，性價比真係算高。😁

至於佢哋服務方面更加係冇得彈， Terry佢嘅儀容談吐同埋服務都係超過100分。本身我哋嘅婚期定左喺2020年，疫情嘅關係其實都真係非常不安，都係靠Terry去比好多意見同埋安慰我哋，先令到我哋安心啲。😍佢係熱心到知道我哋有好多疑惑有好多問題，佢會叫我哋隨時打電話俾佢都OK。而我覺得佢哋另外一樣好人性化嘅policy就係如果你唔用佢哋安排嘅deco，可以減返錢，對於新人來講都真係幾唔錯嘅選擇。👍

人手方面big day當日好充足，我奶奶話所有員工都好友善，基本上賓客一開聲就即刻有人過嚟幫手。而我自己都有兩個職員貼身去幫助，當見到我條裙可能會走光都會提我，影相嘅時候甚至乎會提我應該點攞個花球添。😌

至於食物質素而言大部分賓客都話係好新鮮㗎。不過大家都知因為疫情嘅緣故，防疫措施一般而言都會比較嚴謹。我覺得天澄閣喺依方面都跟條例跟得好足嘅，以籌辦婚禮嘅角度而言未必係最完美，但係我都明白係為咗保護返客人。老實講天澄閣嘅價錢唔係我當初搵嘅最平嘅一間，但係我覺得佢無論係場地同埋服務都真係物超所值。💯

唔少搞婚禮嘅朋友都讚天澄閣嘅食物質素好好，咁我見朋友都大力推介自然就安心啲。當我真係了解佢哋嘅package就發現佢哋係我睇嘅場地當中價錢比較實惠嘅，同時可以提供到酒店嘅高級感同空間感，總括而言就係性價比高。👍🏻

我同同事Terry相處得非常愉快， Terry會好詳細咁同我哋傾吓Rundown可以改善嘅地方，俾咗好多中肯嘅意見我哋。例如某啲次序幾時先幾時候，點樣令到過程更加流暢，都好依賴Terry嘅幫忙。Terry係一個好細心嘅人，佢會考慮雙方家長嘅顧慮，提出意見之後俾返選擇權我哋。😉

除咗Terry係一個好有人情味嘅職員之外，天澄閣本身都係好人性化嘅公司。佢會包一啲基本嘅裝飾，但係如果我哋唔需要嘅話，佢會喺價錢方面略略扣減，唔會迫新人一定要用佢哋服務。而婚宴當日人手非常充足，大概一台都會有一個員工去招待。佢哋所有嘅工作人員都係非常熟悉流程，應該佢哋一早已經做晒briefing。甚至乎佢哋嘅工作人員都好主動咁去提點我，幾時要做啲乜嘢。因為我成日同賓客朋友吹水，所以好多嘢都真係要靠個女仔提醒我，佢神通廣大到連化妝師位置喺邊度知道。佢又會幫我不斷撥裙擺撥好多次，基本上隨時Stand by幫我手。😆

而食物質素的確好似我朋友所講咁好，夠熱而且用新鮮嘅材料。天澄閣係一間好遵守疫情措施嘅公司，雖然佢嘅圍板有啲密實，可能喺氣氛上面冇疫情前咁好。但係都明白如果佢哋唔跟足指示嘅話，受影響嘅就係之後嘅客人，都係佢哋對客人嘅一種保障。😌