當初揀場地嘅時候，紅磡天澄閣一開始就俾咗我哋好好嘅印象。第一次同佢哋團隊接觸，已經感受到佢哋既專業又友善嘅態度，仲會主動提供唔同意見，令我哋呢啲新手都安心晒。

由籌備到婚禮當日，整個過程都好順利。特別想多謝幾位同事嘅用心幫忙！開頭係Apple負責接待我哋，佢解答咗我哋關於婚禮嘅好多問題，耐心又專業。去到後期就由Yuki接手跟進，幫我哋處理咗大量文件同埋各種細節，令成件事井井有條。

婚禮當日，我主要係同Ruby對接。Ruby真係好貼心，俾咗好多有用嘅建議同提點，幫我處理各種大小事務，完全唔使我擔心。而我太太就最想多謝阿Lu，佢全日跟足我太太身邊，悉心幫佢打點儀容，又不斷提點走位，引導整個婚禮流程。我太太話阿Lu十分細心，任何時候需要佢都會喺身旁，呢份責任感同專業態度真係令人好感動。

我太太對今次體驗都讚不絕口，覺得所有職員都十分細心而且相當有責任感。老實講，我哋對紅磡天澄閣十分滿意，暫時真係諗唔到有咩需要改善嘅地方。如果要俾分，一定係5分滿分！好推薦俾準備結婚嘅新人，有佢哋團隊幫手，真係可以放心享受人生大日子！

我係喺婚展經過天澄閣嘅 booth，就留意到佢哋。其實我都有睇過其他婚宴場地，不過最後揀天澄閣，主要係因為我好鍾意佢哋個場樓底夠高，望落去夠開揚，成個感覺大方好多。 另外，我唔太想揀尖沙咀嗰區做婚宴，所以天澄閣嘅位置都幾符合我哋嘅要求，綜合考慮之下我就決定揀佢哋🤪。最初喺婚展接觸到嘅同事主要係負責sell，之後再由場地嗰邊嘅同事做follow up。預約參觀初期，因為唔係由同一位同事負責，所以曾經有一次搞錯咗哋時間，不過正式由 Terry 跟進之後，整個流程就順利返好多，溝通都好順暢。Terry 嘅服務真係令我印象幾深刻，無論有咩問題都會耐心解答，而且好有責任感。由開始籌備到婚宴前，每次見面去都會同我哋主動更新進度，確認唔同細節，令我哋知道每個階段要準備啲乜，唔會有唔知下一步做咩嘅感覺。平時有問題亦都可以直接問佢， 基本上我哋想知嘅資料，Terry都會講解得好清楚，所以成個籌備過程都幾安心😆。婚宴當日整體都進行得好順利，所以反而冇乜特別嘅突發事情令我印象深刻。成個流程安排得好順利，團隊之間嘅配合亦都做得唔錯。無論場地、環境，定係當日工作人員嘅安排，我都覺得做得幾好，成晚都好順利完成。 如果佢哋個客服用返真人回覆就會好啲，俾新人嘅答案會更加可靠，唔洗我哋自己再估或者擔心資訊準唔準確🙌🏻。但天澄閣整體服務令我好滿意，同事都好 helpful，成個婚宴籌備過程同婚宴當日嘅安排都做得好好，亦都令我哋覺得好放心。如果有朋友搵 婚宴場地，我都會推薦天澄閣！