我地揀逸東主要係因為間酒店係佐敦，而我地啲賓客主要喺九龍同埋新界，地點方便，所以呢個位置會方便到佢地。 另外一個原因係佢地岩岩裝修左，所以個場地都比較新，比較fashionable 啲，個場地我都覺得幾好，幾滿意👍🏻 圍數都係好緊要，我地諗住擺十圍左右，佢地個圍數都meet到我地要求。我地搵過其他場地，都好大，變左minimum charge 比較高，但係又有啲又好細，咁所以呢間個大小就岩岩好。 我覺得佢地個素食menu都好吸引，所以揀左佢地！我比較特別，係擺全素宴嘅，因為我地有啲長者係食素，同埋我自己本身都係食素，所以想擺素宴。其實素宴就唔係話咁多間會offer到嘅，逸東佢地就係做開素嘅，咁我地睇過個menu都覺得幾吸引😌佢啲野食比較有特色，唔係普通素雞嗰啲，主要係個餐單吸引我地，所以先會開始睇呢間。 中間係Hailey跟進我地，有D咩問題佢都會好有心機答我地。同埋我地需要嘅野，佢都會提我地，跟進得好好嘅😚！ 另外仲有當日個bridal server 都係好好～當日場面有啲突發嘅事或者臨時嘅時，佢都即刻跟到，而且佢都好照顧我😁佢見到我覺得好凍咁，就已經即刻攞杯熱水俾我，我無出聲，佢都會主動幫我，好多細心嘅地方😌 啲音響同個projector都係新嘅，燈光都係好好，所以所有野都好滿意呀😊 我地出面有啲親戚幫手reception，佢地都講返話啲職員都幫到手，同埋佢地都講場地出面個位置都好寬敞，reception位好闊，你set reception枱， Photo corner 放相簿，或者好似我地咁有個位係回禮，都會有好多空間，好足夠。

我地揀Eaton，最主要都係因為佢個地方近，可以就返男家同女家，亦都係我地兩家嘅中間點。我地都無特別想搵D咩，所以去左Eaton就好快決定左係呢度。個場可以擺18圍，我地都擺足18圍。佢地服務好好，同埋當日幾位同事都跟得好好，D燈光呀音響都配合到我地。當日有一位好好既同事跟住我，佢無時無刻都知道我幾時有需要，一有需要嘅時候就會彈出黎。 我地事前都無話特別request d 咩，但係Sales Hayley係個過程隨傳隨到，我想要咩，佢都會俾到我，同埋會好快俾到D好清晰嘅答案我。Overall 黎講係OK，我覺得佢地個性價比係OK嘅。