Eaton佢地新裝修，所以好型格，可能好多人唔知道佢地成個group都裝修咗。裝修之後佢地就行一個比較古典嘅路線，我同我太太都好鍾意！雖然係咁，但佢地擺中式嘅酒宴都好夾到，陳設型格得嚟都帶少少傳統，用好多木造嘅裝飾，而且佢地樓底高，有家嘅感覺和場地整體感覺都唔錯。

呢個場大約可以擺到18圍，對我同太太嚟講個數都啱，不過擺18圍只係啱啱fit，所以建議大家可以預鬆少少。

Menu 都算係合理價錢💰，加上佢地有米芝蓮大廚，所以食物有水準👍🏻🏅。

佢地個Sale，Hailey一路都跟得好足，幫我地諗晒所有流程。會抽時間同我地開會，好多細節位都跟得好足，同埋佢地都好Flexible！

Big day當日佢地部長同經理都係好Helpful，即使我地遲咗少少到，佢地都幫我地手跟進啲嘢，而且佢地當日會有一個貼身跟住新娘嘅助手，幫我地減輕咗唔少工作量～

我同老公商量過應該大概要擺12-13圍左右，而Eaton Hotel個場上限係14圍，所以無問題。加上場地完全無柱位同樓底高又有新裝修，成個環境感覺都好開揚～ 雖然我哋搵場地個陣其實只係得呢間有期，不過我哋見個場同價錢都ok，就揀咗佢哋。

佢哋婚宴前嘅服務態度好好，有時我有問題send email比佢地，佢哋都好快回覆返我哋，仲不時會問我仲有啲咩需要或者有無啲咩未整，佢地可以幫手。就算流程上有啲咩出現問題，佢哋都會好快咁幫我哋解決～

至於當日佢哋嘅服務都係好好，其實最主要係我老公同佢哋接觸，佢都話無乜大問題～嗰陣我哋floor plan上自己完全無留意到原來男女主家應該係有分左右邊，Eaton嘅staff就留意到我哋擺錯咗位呢個問題，佢地都好快就幫我調整好～！不過我覺得最好都係可以喺我未send floor plan前提一提大概基本做法係點，因為我諗始終新人都未必知應該係點做。 另外仲有一件事佢地幫咗我，就係原來通常女仔會企返係Backdrop嗰度自己個名下面，我本身都唔知道哈哈！都係靠佢哋都提返我～佢哋好貼心～

嘢食方面，問返啲親戚佢地都話好食，而且食物上個陣仲係熱既。啲親戚話好耐無試過酒店出嚟既餸係熱㗎喇～！ 而且通常婚宴食到最後就唔好食，唔想食個啲炒飯，不過今次佢地都話啲炒飯都好靚喎～