座落於尖沙咀,九龍區的中心地帶的唯港薈(Hotel ICON),附近名店食肆林立,四通八達,充分展現繁華鬧巿中的活力個性,成為一眾準新人舉辦婚宴的熱門之選。專業團隊由策劃統籌至所有婚宴每個細節,唯港薈都力臻完美,保證讓您留下獨特的醉人回憶。 擁有時尚高樓頂的Silverbox宴會廳,配置了全套先進的視聽影音及燈光設備配套,並採用極富現代時尚感的水晶玻璃燈,演繹出與別不同的經典神韻。不論是憧憬醉人美景餐廳、無柱式瑰麗宴會廳、還是充滿活力氛圍的自助餐﹔唯港薈(Hotel ICON),多個風格各異的婚宴場地,都完美切合各準新人的個性及預算﹔保證為您打造夢寐以求的特別日子,令賓客永誌難忘!
立即按以下圖片,進入VR全景世界,讓您感受如同置身其中的體驗。
AWARDS
我有舊同事喺Hotel Icon擺過酒,印象係唔錯,所以揀酒席時我再去婚展到深入了解下 🤓佢哋向我介紹嘅package都幾足夠,包咗花車、酒水、套房、小禮物、兩個backdrop等等,比一個錢就有齊呢一堆嘢,唔使煩咁多嘢。最吸引我係佢地嘅32呎LED backdrop,我哋加咗萬幾蚊,但慳咗幾萬蚊嘅decoration fee,仲可以換唔同圖做背景,我當晚唔同時間換咗三張唔同嘅背景👍🏽 婚禮前接新娘有啲遊戲要玩,佢哋都有配合到我哋拎工具。我哋非常滿意員工嘅服務!結婚當日新娘子發燒,負責跟新娘嘅同事非常貼心,Keep住遞水、比櫈佢坐,最後仲叫廚房煲一碗粥比佢👏🏻客人同我哋講返食物質素好好😋😋Hotel Icon同其他酒店唔同嘅係侍應會喺會場出面有張大枱分菜,而唔係喺每一位枱上分菜,所以唔會影響到賓客之間嘅傾計,我都幾欣賞呢一點,係好細心嘅安排👍🏽我同我太太都比較忙,負責跟我哋個位manager Emmy Wong一路都有主動聯絡我哋,叫我哋約個時間去catch up同傾下婚禮當日安排、會場設計等。我哋都係最後一個月先搞掂曬所有嘢,而佢哋又配合到,我幾欣賞呢一位sales manager,同其他員工好識執生。會場兩邊都有projector,酒店方面叫我哋早啲比相佢哋可以播,但我哋婚禮開始前兩個鐘先比到,雖然我哋都知有啲過份,但係佢哋都fulfil到💪🏽另外值得一讚係我哋有搵到live band,比咗佢哋嘅contact酒店,酒店方面就幫我哋安排好曬。婚禮場地好靚,成個場地咁高樓底、無柱係好難搵,個foyer都好靚,而家好少有酒店個foyer係咁開揚咁靚😍 ball room外面範圍好大,reception同second backdrop可以直接放出面,好抵讚!
我地睇場係見到性價比高先會揀,同埋Hotel Icon個場地好新淨,好靚。本身我地係諗住擺15-20圍,最後擺左23圍🤣我揀場地係想搵D方便客人去嘅location,同埋想個場樓底高,無柱位無彎位。當日跟我嗰個女仔叫Abbie,我覺得佢好貼心,好知道我下一步想做D咩,跟進得好好非常好,令我好impressed 💗大部分D賓客都講返佢地 service、野食都係好好,員工亦都好充足,我地都無聽返D咩要挑剔嘅地方。我地無去試菜,因為無包到,要另外俾錢,不過聽番黎既 feedback,D賓客都話D野食好好味,好食過之前去參加集團、酒店嘅野食 😝另外,音響、燈光效果都係非常好,可以配合到,而且真係做到個舞台既效果。我地之前都夾定左個音響燈光效果,當日都完全可以做得返👍🏽同埋個場去到當日都完全係我地預期咁好,幾闊落同埋好有空間感,唔會好迫。個sales都係好盡責架,因為本身我地都未必meet 到佢個minimum圍數,但係好多野佢都肯幫我地hold住,亦都好主動咁樣幫我地去解決問題😚😚有D個人嘅小問題發生左,佢都會好主動咁諗辦法幫我地解決,同埋佢覆野都覆得比較快,所以可能新娘子比較心急,佢都會覆得好快,跟得好足💪🏽