唯港薈
Hotel ICON
4.8
香港尖沙咀科學館道17號
3400 1613
關於 Hotel ICON

座落於尖沙咀,九龍區的中心地帶的唯港薈(Hotel ICON),附近名店食肆林立,充分展現繁華鬧巿中的活力個性,成為一眾準新人舉辦婚宴的熱門之選。自開業至今,七年來約一千五百對新人在此舉辦婚宴。專業團隊由策劃統籌開始至所有婚宴細節,亦會悉心為您打點,保證讓您的婚禮畢生難忘。 擁有時尚高樓頂的Silverbox宴會廳,配置了全套先進的視聽影音及燈光設備配套,並採用極富現代感的水晶玻璃燈。不論是設計美觀或實際應用均可滿足您的完美要求,演繹出另一種經典神韻。 不論憧憬醉人美景餐廳、無柱式瑰麗宴會廳、 輕鬆愜意的環境,還是充滿活力氛圍的自助餐,唯港薈Hotel ICON多個風格各異的婚宴場地,切合準新人的個性及預算。



立即按以下圖片,進入VR全景世界,讓您感受如同置身其中的體驗



Silverbox Ballroom
Ballroom



Skybridge
sky bridge



C80 Studio Suite
bridal suite



中式婚宴
西式婚宴
證婚典禮
中式婚宴
西式婚宴
證婚典禮
套餐詳情
中式午宴
HK$ 10,988
中式晚宴
HK$ 17,538
推廣優惠中式晚宴
HK$ 13,288
西式午宴
HK$ 738位
西式晚宴
HK$ 1,208位
最新評論
整體滿意度
4.8
過濾評語:
Nicole
4
精選評論
開頭我哋嘅人數唔係好多,所以都偏向想揀啲細少少嘅場地。但係後尾屋企人嗰邊話人數會比較多,同埋去酒樓擺lunch又好似好古怪咁,所以就決定試下酒店喇😆。見到啲酒店嘅minimum charge會比較高少少,但係我哋嘅人數又未至於有好多。上網search睇咗幾間之後就發現Hotel ICON場地嘅banquet room同…

開頭我哋嘅人數唔係好多,所以都偏向想揀啲細少少嘅場地。但係後尾屋企人嗰邊話人數會比較多,同埋去酒樓擺lunch又好似好古怪咁,所以就決定試下酒店喇😆。見到啲酒店嘅minimum charge會比較高少少,但係我哋嘅人數又未至於有好多。上網search睇咗幾間之後就發現Hotel ICON場地嘅banquet room同minimum charge都會比較適合我哋。有啲其他ball room會好大,但係我哋嘅人數坐唔晒就會顯得好空曠。有啲個場太細又會迫狹,反而Hotel ICON嘅彈性就會大啲,場地size都好適中,所以最後就揀咗佢哋喇😊。

睇場嘅時候佢哋咁啱有banquet喺度擺緊,啲員工喺度set緊場,咁我哋就可以好清晰咁睇到如果我哋喺嗰度擺嘅setting會係點樣。佢哋啲同事無hard sell我哋,因為我哋喺上網已經做晒research,又睇咗menu,已經係半決定嘅狀態🤓。佢哋有送埋間出門房俾我哋,我係無出門環節嘅,咁就純粹朝頭早喺嗰度影下相咁。

去到big day嗰日,我哋一去到ball room就有兩個女職員一前一後咁跟住我哋,會幫我揸花球,開頭嘅briefing都提咗我哋好多細微嘅嘢。👍🏻我哋一坐低,佢哋又即刻去斟兩杯暖水俾我哋,我嗰杯仲有飲管添! 🥰 見我一行開,佢又會即刻跟住,問有無嘢可以幫到我。中間係轉咗第二個女仔嘅,佢都係一路跟住我。就算婚宴完咗,我要上房執嘢嘅時候,都一路有架行李車喺我房門口等,直至到我真係清晒啲嘢落去check out,佢先完成佢嘅任務。我真係覺得呢兩位同事都好貼心好細心😍。

食物方面朋友普遍都話好食,但係因為我哋始終係擺lunch,時間就會緊迫咗少少。同埋因為有老人家,所以個菜單偏向係中菜。我哋有睇過其他酒店,如果擺lunch,本身10道菜就會可能變咗8道菜,Hotel ICON就唔會咁。但係要喺指定時間入面上晒10道菜,有啲朋友就反映上菜會變得比較趕,可能佢哋未食完呢道菜就要上下一道咁。所以我覺得佢哋喺上菜方面如果可以改善下就更好喇,始終有朋友同我講食得好趕,我都會有啲尷尬🙈。酒店都有建議過我哋轉做buffet,但我覺得始終有老人家,唔係好方便行出行入。如果佢哋可以減兩道菜,處理得彈性少少,咁對我哋嚟講又可以平返啲,時間都會無咁趕,咁大家就可以食得舒服啲啦。😆 不過我幾欣賞佢哋會幫手分埋菜先上,而唔係擺喺中間再分,咁一嚟會慳咗時間,二嚟又免卻咗嗰檯有唔識嘅人要夾餸嘅嗰種尷尬喇👍🏻。

佢哋嘅價錢係合理嘅,亦都within我哋嘅budget,不過佢哋唔包酒,所以要另外加錢。之但係擺lunch,我哋都冇預好多賓客會飲酒,如果酒水方面可以平返少少嘅就更加好喇! 😝 我覺得可能後生少少嘅新人會比較適合用Hotel ICON,因為佢哋嘅婚宴場地唔係好舊式嗰種,檯上面嘅顏色佈置都唔係嗰啲老土嘅款式。😉

婚禮及婚宴場地
Jody
4
精選評論
最初留意到Hotel ICON係因為佢嘅裝潢夠modern,場地都四四方方、無柱嘅。加上我自己喺poly讀過書,都有少少情意結。我有比較過其他酒店,但係因為我想搵無柱嘅場地,選擇都唔多,我又唔鍾意水晶吊燈,所以最後都篩淨好少間可以揀。同埋我對食物嘅要求都好高,之前去過Hotel ICON食過自助餐都覺得佢哋啲嘢食好食。…

最初留意到Hotel ICON係因為佢嘅裝潢夠modern,場地都四四方方、無柱嘅。加上我自己喺poly讀過書,都有少少情意結。我有比較過其他酒店,但係因為我想搵無柱嘅場地,選擇都唔多,我又唔鍾意水晶吊燈,所以最後都篩淨好少間可以揀。同埋我對食物嘅要求都好高,之前去過Hotel ICON食過自助餐都覺得佢哋啲嘢食好食。然後我亦有上網睇下人哋嘅comment,睇下人哋點講佢哋啲helper同salesperson嘅服務態度,綜合晒以上, 最後就揀咗喺佢哋嗰度擺酒喇😊。

我本身係想擺夜晚嘅,但係佢哋嗰度夜晚比較貴,唔係話佢特別貴,其實同其他酒店都差唔多價錢。開頭我都想勉強擺夜晚,但係後尾負責我嘅salesperson Emmy見我都有少少concern個收費,就建議我哋擺lunch,收費會平啲。所以最後我就擺咗中菜嘅lunch喇。喺溝通嘅成個過程入面,Emmy WhatsApp應機都應得好快,無論我幾夜搵佢佢都會應,我覺得呢一點都幾重要,因為新人,尤其係新娘子有好多嘢都會好緊張。我都有朋友係因為搵唔到個salesperson搞到好麻煩嘅,所以佢覆得咁快都好impressive,令到我哋好安心🥰。如果我有問題嘅時候,佢都會答到我,同埋會答得好具體。

Big day前一晚我都有double check我啲酒到咗未,因為我好早訂咗之後叫佢big day前一日送去嘅。跟住酒店嗰邊就話未到,最後花咗一輪功夫先發現原來我訂酒嘅嗰間公司漏咗單。喺呢個過程入面Emmy都好登我緊張,嗰晚仲特登等埋啲酒送到佢先走,雖然佢話佢本身都係喺office做緊嘢,所以無咩所謂,但係我覺得佢真係好好、好負責任👍🏻。當日都有啲啲嘢我覺得係可以改善嘅。親戚朋友同我講返嗰晚有個waiter黑面,嗌佢唔係幾應咁,又對啲小朋友唔係好耐煩,我當晚都有同Emmy講返。同埋當日嘅音樂有啲細聲,不過因為我唔得閒,就無即時同到Emmy講喇。由於我揀音樂都用咗一段時間,又係特登cut出嚟咁嘅,音樂太細聲就唔係好多人注意到我揀咗啲咩歌喇😖。最後就係個photo slideshow。我俾咗一堆相酒店幫我play,播放過程係無問題嘅,不過佢哋打錯咗我個名, 有啲尷尬😅。我都係呢幾日同返啲親戚朋友食飯,佢哋先講返俾我聽。我都有同Emmy反映返呢啲情況㗎喇,希望佢哋以後都可以有改善啦🤓。

婚禮及婚宴場地
最新優惠
聯絡商戶