I-Primo之前有個promotion，去佢鋪頭拎戒指影相同打卡，就會送sogo coupon，我哋當時去，見到有對水晶杯好鐘意。咁啱幾個月之後要買結婚戒指，又記得有水晶杯送，於是就去咗買。 店員Andy仲記得我地，不過埋單嗰陣發現水晶杯送哂，話得返證件套送，於是我即刻同老公講唔買同埋想走。個店員問返經理，話有批喺台灣運緊過嚟，應承之後俾返我，所以最後都喺到買，亦都真喺有俾返對杯俾我。 我覺得佢哋打卡呢個promotion幾成功，起碼呢間感覺冇六福嗰啲咁娘，而且亦真係吸引到新人去睇，我地就喺例子，最尾仲幫襯埋！

一開始上網搵到I Primo，之後經過銅鑼灣鋪頭，嗰排正正係婚展期間，於是我問佢哋個sales Phoenix係咪街鋪冇優惠，佢話都做到比我。過咗一段時間我同太太去尖沙咀嗰間分店，咁啱見返Phoenix。佢一眼就認得我，我就問佢仲有冇八五折，佢細細聲同我講都有，於是揀好咗就比錢買。雖然之前有去過大路、集團式嘅鋪頭睇，不過嗰啲就成日好多人，唔似呢間就可以靜靜地揀。 Phoenix一聽到我哋嘅要求，簡單款、冇石、款式對稱等等，佢就即刻好明白我地想要啲咩，特別係我太太嘅喜好，比咗好多啱我地嘅款式我哋揀，態度唔pushy由得我哋揀，包裝package亦都ok。