行婚展嘅時候我哋其實都逛唔夠10分鐘就喺france bridal 嗰邊confirm晒婚紗攝影，就諗住再喺場地行下有無其他需要。我哋見france bridal confirm咗之後送咗張i-primo嘅coupon俾我哋，就過咗i-primo嗰邊睇睇。嗰時可能都係臨收工嘅時間，所以大約等咗5-10分鐘左右就入到去個booth度。佢哋態度都幾好，唔怕我哋要試幾多隻都俾我哋試。我哋見啲款都幾啱，同埋我鐘意佢哋嘅包裝款式簡單得黎又夠隆重，就訂咗對結婚戒指，寫低個名俾佢哋返過日本嗰邊刻名。 等咗個幾月之後終於收到對戒指，估唔到竟然刻錯咗個名！我先生個名Anthony無咗個h變咗Antony！我哋即刻對返張單睇吓係咪我哋寫錯，結果真係唔係我哋寫錯，係佢哋嗰邊刻錯，就快啲聯絡方佢哋，因為我哋好驚趕唔切攞去布拉格影婚紗相嗰時用。最後等多個幾月，就有返隻啱嘅戒指，不過佢哋回覆嘅態度只可以話係正常，而唔係帶有歉意，呢方面就令我感覺唔係咁好。