Jasonlee Photography
4.4
香港九龍觀塘興業街14號永興工業大廈5樓C9A室
21562230
最新評論
整體滿意度
4.4
過濾評語:
poleechan
5
精選評論
服務 / 婚宴日期: 2015.01.17      
喺婚展行嗰陣,見到Jason嘅攤位佈置得好grand同古典,加上擺咗張喺大舞臺幫其他新人影嘅signature photo,咁啱我就係喺大舞臺擺酒,張相又影得好靚,所以就被Jason吸引,即時confirm。

Bigday前我哋有開會講返當日有咩環節,同埋講返我嘅要求,因為我真係好想佢哋幫我影返喺婚展見到嗰張大舞臺相!嗰日佢特登叫咗兄弟姊妹排好隊,再加埋水晶燈同花炮,好有心機幫我影,最尾張相嘅效果亦好靚,好鐘意!!

當日佢十分準時,而且大家真係溝通得好開心。我以前做姊妹見過有啲攝影師好cool同態度好差,但係Jason同佢班crew絕對就唔係咁。例如因為我有買咗好多佈置,佢哋個個一見到就湧埋去係咁影,好自動自覺而且當中仲一齊玩一齊笑,真係好開心。另外我先生就好鐘意Jason夠高,佢應該有成六呎,而因為我哋兩個都唔瘦,我老公就覺得一個夠高嘅攝影師應該可以影到人靚啲,所以firm咗Jason之後佢就好開心話搵到個夠晒高既攝影師!

本身講明工作時間係八點半到大概十點,我六點半就要開始影,早咗嘅兩個鐘一早講明咗加錢。但最尾擺酒擺到夜晚十一點幾,理論上影完group photo攝影師嘅工作應該到咗尾聲,但估唔到Jason佢哋竟然keep住幫我哋影相,即係我同老公因為顧住要招呼賓客而後期無留意到Jason,但原來佢一路都仲係到幫我哋影,影到真係好夜好夜而最後亦冇提到話要加錢,所以好滿意佢同班crew。

我有姊妹自己走去提Jason話我好鍾意keep相,總之就係乜嘢相都想keep住,咁佢真係好好,最後end up竟然有7000幾張相俾我!我真係擔心會影壞佢部相機。而且package淨係講明包當晚所有相同埋經剪輯嘅video,但我問佢拎未edit嘅片佢都肯俾我。睇返啲相好開心,我都whatsapp同佢講話一定會介紹朋友去幫襯!

我覺得攝影師最緊要喺敬業樂業,如果攝影師唔係抱住呢個態度去工作嘅話,就只會按單執藥完成份內事,而唔會好似今次Jason咁肯留耐啲幫我影多咁多咁靚嘅相,俾到客人最滿意嘅服務。
閱讀更多
BigDay當日攝錄
1210bride
4
精選評論
服務 / 婚宴日期: 2013.11.08      
係會展行果陣,見到Jason Lee啲相都幾合眼緣,於是就去了解下。佢個風格同價錢都幾適合我,第一日拎左資料,第二日就決定左。

本身定左某個日子影相嘅,但因為天氣預報話未必好天,所以改左一次期,改期過程都幾順利。我老公諗左路線,上佢公司meeting傾完之後都覺得ok,去左赤柱、山頂同中環等等。

化妝個女仔幾nice,又好細心,佢見到有咩甩漏都會即刻執返。

不過油畫同埋簽名布個質素可以再好啲,因為Jason個油畫一行近睇就見到好多一格格,而我幫襯嘅另一間prewedding質素就好啲,油畫面嘅紋路冇咁明願,而且行近睇都會好清楚同平滑。 閱讀更多
Prewedding婚紗攝影
聯絡資料
21562230
me@jasonlee.com.hk
最新優惠
聯絡商戶