因為我本身想做一個大型啲嘅3D城堡，見到Leung’s Creation都有做開，而且婚展上得佢呢間可以俾到信心我佢地係有呢個經驗同佢地會做到個效果。即場佢都有D圖俾我睇到，present到出黎俾我睇係類似我想要個形式，所以我地都就即刻落左訂。加上其實佢地係無sales，嗰日見到你就會一直跟，跟到尾，咁我就覺得呢樣野幾好，at least 佢講嘅野唔係淨係吹，而係真係做過，真係知道點樣做 😎 佢地個表現一直都好好，一直都好有耐性。我地其實十二月先係wedding，但係佢地四月已經俾到第一個draft我地，之間我都改左三次，佢一路都好有patience，好肯去聽，同埋會俾意見。而且每次都會俾兩個圖我去揀，好專業同埋好細心 😃 第一次同第二次嘅稿比較，其實第二次係改左好多！開頭講完佢地再做俾我地睇，但係做完出黎同我地想像都仲係有D出入，所以都再改左幾多。去到第三次嘅時候，我亦都想有D大D嘅變化，咁佢地都配合到。譬如話改到第三轉，其實應該剩D 好minor嘅野，但係我突然又有D諗法，想佢地改一改，佢地都做到，會好配合我，唔會話厭、麻煩，或者俾說話我聽，佢地彈性都係好好👍🏻

我地訂左兩個backdrop, 一個 foyer，仲有一個main stage，佢就再送埋reception 同埋相簿個decoration。出到黎個效果都好靚，我地覺得好滿意，都覺得好值得！😍好多人都話好靚，好好！ 其實當日因為太忙，我都無見到佢地，但係我覺得so far ok呀佢地，會係我需要個時間內起好。因為佢地做慣大型嘅event，大型嘅deco, 好多人手，三、四個，可以係短時間內起好一個城堡，起好一個backdrop, 等你可以多D時間去影相，我覺得呢個係好重要，亦係我地搵佢嘅其中一個原因😉同埋佢地唔需要我擔心，我一出去就係影相，影完走得佢地就黎拆。 佢地好多野都會盡量配合，我都有問佢地會唔會有D裝飾係適合我個reception table，佢地都幫我做到。但係佢地係相冊枱呀，reception枱個D裝飾可能相對無咁重視，所以選擇相對地比較少。 我都有推介Leung's Creation 俾朋友，話如果需要D大型decoration，就可以搵佢地，因為佢地做立體3D個D真係做得好靚💗

我老公嘅大學同學結婚用過Leung's Creation，整出黎既成果都係我地想要嘅感覺，係比較grand d 、莊重d既decoration，所以refer左我地去問下梁品製作既意見。之後覺得佢地D意見都岩，有傾過下我地想要嘅細緻位，大家都合作得好好，就決定用呢間。x08我地都有係婚展同網上睇過其他公司，比較下個價錢，係覺得梁品相宜D，同埋性價比高D😌 整體上佢地都係幾好，同埋好專業。一開始我地都唔係好知我地想要D咩方向，淨係有個idea想要有書既主題，無D好清楚嘅concept，所以佢地會俾好多相我地去參考下佢地以前嘅作品，而且分析得幾好，好清楚俾我地知道可以點創作或者設計👍🏻

佢地中間都好快手，應該一個禮拜之內就會俾到第二個draft我地，而且都係切合番我地想修改嘅地方。我地睇draft嗰陣，本身個idea係成個backdrop好似係本情書咁，一開頭個design都已經有哂我地想要嘅元素，例如話想要月亮，想要本情書上面有D詩句，或者自己獨有嘅文字去表達我地呢對新人咁樣。其實望第一個draft已經有心動嘅感覺架喇，已經覺得好靚！當初梁品俾左兩個draft我地，我地睇完就問可唔可以combine兩個人嘅draft,佢都好快手！👏🏼 佢頭腦好靈活，知道我地想要咩，去到second draft，我地就已經好滿意，已經好係我地想要感覺 💖到嗰日真係超出我地預期個效果！！！我地開頭都預左D顏色會同相會有D出入，我地都無所謂，但係出黎個效果，真係比我地預期中好好多！👍🏻加埋D燈光效果已經係超出我地預期，好grand咁樣😚

佢地當日黎set場都係好好態度好親切，會同我地打招呼，D員工密密做都無停手，早過我地到，又遲過我地走。我地係擺酒樓嘅，但係都有一個長輩特登同我老爺奶奶講話個裝置帶出黎嘅氣氛做到同酒店好似，好grand好高級咁，酒店都未必做到呢個效果😆 我地喺梁品度訂左backdrop, second backdrop, reception，切蛋糕枱，reception 燈箱，同埋前面有金句嘅座地鏡、地毯呢D decoration。佢地都好flexible，因為我地本身個package唔係包呢幾樣野，係有個證婚台，但因為我地喺教堂度行禮，咁佢就幫我地switch左做蛋糕枱。另外因為我地有兩幅油畫，霸左個stand，但係佢地都會好醒目咁prep多個架。 整體黎講我地都覺得好好，真係好滿意！！😁