梁品製作
Leung's Creations on Event Decoration
4.6
香港尖沙咀漆咸道87-105號百利商業中心3字樓12號舖
35903129
關於梁品製作 Leung's Creations on Event Decoration

自零七年起,為過千對新人提供婚禮佈置服務的梁品製作,憑藉著獨立而創新的設計意念,以及對製作過程一絲不苟的專業精神,獲得客戶及業內人仕的一致認同。於2013年,梁品製作榮獲著名婚禮雜誌頒發新晉場地佈置大獎,成績有目共睹。 除此之外,我們亦提供展覽佈置、廣告設計、室內設計及花卉園境佈置等等服務。 我們在尖沙咀設有鋪面,方便顧客索取資料及進行洽談。另一方面,在葵涌區亦自設過萬呎廠房,引進先進設備專誠為你服務。除此之外,我們也十分重視員工質素,多達數十人的專業木工、美工及花卉團隊,每一位員工對臨場安裝時間有嚴格控制,合作無間,並且熟練每一個場地的特色。 如果你著重高質素的服務,進求創新及華麗的場地佈置,梁品製作是你最好的選擇。



套餐詳情
Fabric Package / Graphical Package / Deluxe Package / Ceremony Decoration
場地佈置
HK$ 6,880 / $12,880 / $16,880 / $3,880
Audio PA System / Candy Bar / Floral Arrangement / Wedding Planner
HK$ 6,388 / $8,880 / $2,288 / $15,800
最新評論
整體滿意度
4.6
過濾評語:
Jacky
4.5
精選評論
服務 / 婚宴日期: 2019.10.12      
我哋係喺灣仔同九龍灣嘅婚展認識到梁品製作嘅,之後攞咗好多間嘅 catalogue 返屋企比較過,初初我哋都唔係揀佢哋嘅,但之後覺得佢哋好細心好有耐性咁同我哋解釋返成個流程,去到邊一個位先至要俾錢,就算未收我哋錢嗰陣都好有心機咁解釋俾我哋聽,唔…

我哋係喺灣仔同九龍灣嘅婚展認識到梁品製作嘅,之後攞咗好多間嘅 catalogue 返屋企比較過,初初我哋都唔係揀佢哋嘅,但之後覺得佢哋好細心好有耐性咁同我哋解釋返成個流程,去到邊一個位先至要俾錢,就算未收我哋錢嗰陣都好有心機咁解釋俾我哋聽,唔會覺得我哋好煩咁,所以最後都係決定搵佢哋。

最大嘅感受就係佢哋收錢嗰part令到我好安心👍🏻。因為有好多公司係一開始就要收好多deposit或者收晒,但梁品就分開三次收。作為消費者,我覺得如果一早收晒可能就唔會用心幫我哋做。喺開會嘅過程中,佢哋都會因應客人嘅需要去更改,俾好多時間我哋去諗。又會跟住我哋嘅budget介紹俾我哋,同我哋講呢個價錢可以做到幾多,唔會好hard sell。

我哋用咗佢哋嘅場地佈置,包括backdrop、簽名檯、candy corner檯嗰啲。因為我哋想要Modern Chinese嘅風格,佢哋就拎咗好多作品俾我哋睇,搵埋sales同設計師同我哋傾,俾到啲好專業嘅意見我哋,令我哋好有信心。我哋都有搵到啲圖印出嚟俾佢哋參考。最初佢哋做嘅同我哋諗嘅都有啲出入,不過佢哋都願意聽我哋嘅意見去改。雖然佢哋喺contract有寫明最多大改同細改幾多次,但我諗我哋都應該超出咗。🙈 因為我哋好遲先俾屋企人睇,佢哋就覺得main backdrop嘅兩隻喜鵲唔係咁好,好似嘰嘰喳喳好嘈咁。原本應該係無得改嘅,但係同咗梁品嘅負責人講咗之後,佢哋都肯幫我哋改,好貼心。🥰 最後出嚟嘅效果我哋都好滿意,同埋好襯間酒店嘅裝飾,賓客都讚啲佈置好靚,問我哋用咗幾多錢,咁我哋都覺得值得嘅😊。但係主舞台有啲裝飾係用雙面膠紙黐落去嘅,可能黐得唔係好實,五點鐘黐嘅去到八點零就甩咗,我都係屋企人係婚禮完咗之後同我講番至知。啲裝飾唔係完全跌咗落地,而係卡住咗咁,所以啲賓客同影全體相嘅時候就會見到😣。但係我都仍然會介紹梁品製作俾其他新人朋友嘅,尤其係浪漫啲嘅新人會比較適合,因為佢哋嘅style都係浪漫同真切啲嘅。其實出面好多新人整deco可能都係一塊雲石面加兩個英文字同結婚日期,會比較平凡啲,我會建議有多啲budget嘅新人就可以考慮呢間公司喇。😉

場地佈置及花球
ltysammylam
4.5
精選評論
服務 / 婚宴日期: 2019.09.28      
我哋之前都有喺Facebook睇過兩間整佈置嘅公司,仲有一間係酒店介紹嘅,都有約出嚟見過睇咗啲相,但覺得啲款唔係好鍾意同埋價錢都比較貴啲。之後我朋友介紹咗梁品俾我哋,我哋睇咗都覺得幾好,之後約出嚟覺得價錢都合理,佢哋所有嘢都係可以tailor-made嘅,其他果兩間嘅款唔會有太大變動,最多係執下啲顏色同轉啲花,我哋就無…

我哋之前都有喺Facebook睇過兩間整佈置嘅公司,仲有一間係酒店介紹嘅,都有約出嚟見過睇咗啲相,但覺得啲款唔係好鍾意同埋價錢都比較貴啲。之後我朋友介紹咗梁品俾我哋,我哋睇咗都覺得幾好,之後約出嚟覺得價錢都合理,佢哋所有嘢都係可以tailor-made嘅,其他果兩間嘅款唔會有太大變動,最多係執下啲顏色同轉啲花,我哋就無咁鍾意,比較咗都覺得梁品係最好嘅😄,都會因為我哋要求特登去整屬於我哋嘅佈置,所以最後就成個場嘅佈置都交咗俾佢哋啦。由一開始開會到big day,搵親佢哋都覆得好快,even係凌晨一兩點都仲有人覆😁。佢哋都會關心我哋有咩未準備好,問我哋需唔需要幫手,我哋咁啱未搵到大妗姐同mc嗰啲,佢哋搞開婚禮識得啲人都會介紹俾我哋。佢哋無extra charge嘅,就純粹當朋友介紹邊個好俾我哋,最後佢哋refer收嘅價都唔會太貴,好似市價咁😆。期間我哋都起碼開咗三四次會,佢哋會send個draft嚟,跟住約多一次就同佢哋講返想改啲咩,我哋講嘅嘢佢都真係會抄低,之後佢哋又會再send second draft,我哋就喺whatsapp同佢講仲有咩要改,因為都比較少嘢改。最後我想睇下個稿唔同嘅效果,睇邊個會襯啲,佢哋都唔介意,三四個draft咁send俾我睇,同時出圖都好快。佢哋都唔會好快逼我俾final payment,無壓力嘅,我哋想改幾多就幾多,不過就最好唔好太炆水,因為都要製作,最後就喺big day前一個月全部confirm好。去到big day佢哋都有同酒店緊密聯繫,問咗酒店幾點可以俾個場佢哋,佢哋三四點已經到咗嗰度準備,差唔多六點整完,都好快手。個成品我哋都好滿意,賓客都有讚個logo好靚,我個initial S同我老公個initial P拼埋一齊可以變咗個心型咁,都好有心思❤️。不過希望佢哋唔好再凌晨覆客啦,唔想佢哋咁辛苦同大壓力,有啲客會好chur,但係如果有啲客唔介意嘅話佢哋遲啲覆都無所謂啦。同埋佢哋價錢嗰度有啲位可以寫得細微啲,有陣時佢哋show其他客整嘅佈置,有啲位係要另外加錢嘅,但因為未必知,之後先發現每個位係唔同價錢,列明清楚就最好啦,都保障佢哋自己,費事個客又會lur住佢哋咁。我覺得有自己諗法想點樣佈置個場地嘅新人就最適合搵佢哋啦,因為佢哋係要你俾個idea佢哋再開始砌,同返佢哋講你鍾意開顏色感覺咁,就唔會有template嘅感覺。👍

場地佈置及花球
聯絡資料
35903129
leung_creations@hotmail.com
最新優惠
聯絡商戶