我本身上網就咁睇梁品嘅嘢其實係無乜興趣，不過嗰時我嘅wedding planner Nelson就提議我不如去見下呢間，話佢哋幾好，所以我就去咗搵佢哋傾吓。當時我narrow down到三間公司，Simply Grand、KC photographer嘅partner同埋梁品。不過三間之中，我覺得梁品係最肯聽我嘅意見，而且有誠意，肯做個效果圖俾我睇，而且係做到我同佢傾嗰個效果。 去到Leung’s其實我都幾surprise，因為我自己唔係咁鐘意嗰啲定死咗嘅套餐ABCD，而係鐘意可以自己諗。當時Hayman佢俾我睇個portfolio，又肯聽我嘅意見，同我一齊brainstorm，感覺好好。我覺得Leung’s其中一樣好好嘅係佢哋唔會話怕蝕底唔send啲圖俾你睇，就算只係初步階段都好認真咁出圖俾我睇。當時我上去傾咗成個鐘，佢都願意聽，有take notes，又有俾意見我哋咁會唔會好啲。後來Hayman離開咗，由阿雪接手，佢都做得好好，成日改稿改到半夜都問我意見，好盡責！真係每一次上去傾嘢都好開心，好有驚喜。 佢哋又唔會介意用我自己啲嘢，有張圖係我朋友畫俾我，對我好有意義，佢哋都OK。

另外佢哋又好肯同我嘅wedding card公司合作，有2邊溝通去幫我哋夾，好努力咁幫我搵啲啱嘅font。我真係好開心佢哋肯同其他人夾，令到啲花、顏色同配搭都做得好好，有一致嘅感覺。 我有同佢講我自己做建築，所以對decoration都會比較有要求。好似好多婚禮都會有啲2D print frame俾人影相，但我就要手工木框有雕刻。我都問咗佢哋好多次係咪真係做到，佢哋都話無問題。然後有2個有花嘅拱門，我話我要睇真demo，佢哋真係整咗1:1俾我睇！我同我媽媽睇完話要garden rose，要改咩花同咩色，佢哋都跟得好足。我覺得佢哋真係用心去聽我要嘅嘢，又俾color sample我睇，叫我唔使擔心。我自己做建築，知道好多效果圖同現實會有出入，但Leung’s 真係surprise咗我！佢哋唔單止係啲圖render出嚟已經好靚，到實物做出嚟唔但止係一樣，仲要靚過預想！

好多細微嘅嘢佢哋都有整俾我睇，啲花係咪全香港最靚我唔敢講，但肯定係俾到個信心我！所以嗰日之後我對佢哋都好有信心，到big day當日我都無再問過佢哋啲咩。 big day當日整出嚟嘅鮮花decortion真係靚到不得了，時間又manage得好好。後尾我連車啲花都俾晒佢哋一手包辦～我覺得佢哋promise到嘅都全部做到，成個過程又好transparent，唔會斤斤計較，唔會話一舊一舊同我哋計錢。效果圖改到第三次，佢哋都真係辛苦，但係都唔會有怨言又唔會再收我錢。

好似我朋友同我細佬就快結婚，我都推介佢哋搵Leung’s。一來我對佢哋有信心，二來佢哋真係好肯聽意見，唔會話唔好～我覺得佢哋真係無rip off，service又勁，啲錢真係抵俾，我覺得已經去到90分！

Leung's係我之前有位喺香港結婚嘅加拿大朋友介紹俾我，佢嗰時結婚都係搵Leung's幫手。嗰時我上Facebook睇過佢地D相都覺得好啱，不過就無即刻決定，想睇多兩三間比較下先。最後我比較過budget各樣野之後，見Leung's真係幾合適又有朋友介紹，話佢哋係好nice，所以就決定搵Leung's Creations。

我哋開頭係完全無concept要啲咩主題，佢哋就好主動咁俾咗好多相我哋睇，俾啲概念我哋。後來我哋就大約定到係想要傳統啲，有啲喜慶感覺嘅設計，但係我哋又好驚一喜慶就會好"Leung"，又想要有啲西式加少少浪漫氣氛。佢哋都好好，好明白到我哋嘅意思，又按住我哋個budget design咗三款俾我哋揀。其實三款我哋都覺得好好同好靚，最後就要左影相區嘅backdrop同埋場地中間嘅大backdrop～影相區嘅頂頭有啲鮮花，有啲金色條做裝飾，而場中間嗰個backdrop就係粉紅加桃紅，但就唔係普通個啲花牆，係有柱同埋有立體感，啲相影出黎都好靚！

其實搵Leung's Creations個陣個我哋都趕住結婚，唔似其他人可能早成年咁搵，只係得返一兩個月，所以整個過程都好趕急。嗰時佢哋final draft遲咗少少先俾到我哋，所以我都好心急。而且big day 當日，因為場地之前有event，要5pm先俾到個場我哋，我哋都好驚會set唔切場！但係佢地真係好好，應承我哋一定無問題，可以搞得掂，到最後都真係無問題！佢哋好快就set好晒啲嘢，而且實物出黎嘅效果仲要俾我哋喺電腦嗰時更加靚！好多人都讚！～u3000後尾除咗設計，我哋連wedding planner同埋大妗姐都係搵左佢地，唔同part都同佢地合作得好好，當日都好順利，好滿意～