因為我媽喺六褔有貴賓咭，自己又覺得其他牌子啲設計喺六褔都搵到，就索性喺六褔度買結婚戒指。職員都好helpful，無特別sell。我老公揀咗一隻完全無設計嘅就咁銀色圓戒，我就揀咗一隻最簡單嘅線戒俾自己。我哋都揀咗刻埋字。 包裝方面一定唔夠其他牌子靚，因為佢哋係賣實惠，自己都唔會expect太多，不過或者佢哋諗吓啲婚戒gimmick嘅話或者都唔錯！

因為老公係六福買求婚戒指，所以買結婚戒指有八折，同埋佢唔想煩，覺得結婚戒指款式都差唔多，咁我都同意嘅，結婚戒指你唔會揀啲好fancy，超花嗰種架嘛，我哋襯衫好唔方便架嘛，咁既然有八折就去返六福買啦。我哋去尖沙嘴海防道間六福旗艦店，冇特別揀邊位同事，就咁行入去話買結婚戒指。服務態度okay架，好殷勤，又有斟茶。 我哋就咁話想揀啲簡單啲既款，唔想要太多石嘅，佢都有好多選擇。佢拎左套林峯系列出黎，佢話宜家好多後生揀林峰系列。最後，我地都揀左林峰系列。佢話如果你唔想要太plain既，太plain就真係一隻銀色嗰啲，佢有啲有石嘅我又覺得好老套，林峰系列就簡簡單單方形既，唔係全圓既，有少少pattern嘅。老公手指比較幼，好多男仔size佢戴唔到，但呢個系列okay。 六福價錢都okay嘅，合理囉。買完戒指都冇再說我買其他野，佢有話買金可以再翻黎睇下，介紹佢哋啲優惠，但都冇坐係度係咁sell你。