我喺周大福買求婚戒，但係佢哋對戒啲款反而唔夠六福靚。 我喺六福九龍區總店海防道嗰度買，佢哋嘅sales叫朱龍鳳主任。我同老婆對對戒都有要求，我哋喺婚展都睇咗好多，包括iPrimo，我哋唔想淨係要一個圈，要有鑽石，點樣設計亦都有要求，揀咗好耐。朱龍鳳主任態度都好好，俾咗好多款我哋揀，佢起碼陪我哋揀咗個零鐘。佢都有sell吓鑽石戒指，佢都對鑽石有啲認識，不過唔算好深入。出嚟對戒指好靚，不過佢哋包裝個盒有啲老套，可以整靚啲。

好多新娘子都分享話六福係比周生生好，其實我自己冇認真比較過，但我覺得六福價錢其實真係平少少。同埋當時咁啱做緊三折，變咗又抵啲。我哋去過幾間六福，可以建議吓新人去啲 “up dup”啲嘅六福，因為D sales態度會好D。我哋都去過旺角嘅六福，但係佢哋hard sell嘅程度係令我有啲難受，同埋真係有嘴臉，佢哋sell完之後我哋決定唔買，佢哋係真係有黑面。雖然佢哋啲言辭係好禮貌，但係佢都忍唔住一副黑咗面嘅樣，所以嗰次都唔係幾舒服。 後尾我就去咗荃灣綠楊新村，佢哋都唔會點落力sell，於是我哋真係可以好開心咁自己慢慢睇，睇啱有需要先叫佢埋嚟。我哋都好奇點解可以唔sell到呢個哋步，都覺得好開心。我哋有啲好騎呢嘅要求佢哋又會幫手做，譬如有男士嘅金鏈嘅，我哋諗緊咩長度好啲，我呀媽就叫個哥仔問佢可唔可以戴上頸試下嚟睇，佢又真係會戴，個領頂住咗叫佢解粒鈕佢又會做，購買過程係好輕鬆好好笑。佢哋都會推介啲款俾我哋睇。因為我哋之前都睇過六福啲款，心目中都有預算，所以揀得快啲。 其實大公司嚟講training都算好好，應該講嘅對白都講哂，不過希望我哋唔買佢哋唔好黑面（旺角店）。因為我哋作為顧客都有權唔買。至於荃灣店我覺得幾好，真係俾到我一個輕鬆嘅購物體驗。最後我買左兩隻金鈪同一條男士金鏈。