我媽咪喺六褔買金器主要係買咗豬牌、一對龍鳳鐲同埋一對龍鳳耳環。嗰時見金價平就去咗行金舖，都行咗好多間。去到六褔試完嘅時候，有個經理就同我哋講可以計個手工平啲，又好有心同我哋傾，所以就決定喺嗰度買（重慶大廈附近嘅六褔嚟）。所以有時都唔係話特別揀邊一間，而係睇吓咁啱嗰時有無職員會有心機嚟同我哋傾吓或者俾啲折頭之類。

我同我先生睇咗幾間，多數都喺睇金行，咁啱喺旺角彌敦道匯豐總行對面嗰間六福望到呢對覺得ok，所以就揀咗。我想要帶少少玫瑰金色嘅款，仲要呢款唔喺間間六福都有，呢個時候先發現，原來就算喺六福，都唔會間間都一樣款。 點知到我拎戒指嗰日跟開我嘅女經理李菁（Grace Li）放咗假，另一間男經理負責我哋。個男經理拎咗對戒指出嚟之後，突然有個女職員走過嚟，拎起我哋對戒指戴上手…..呢吓我覺得都幾不愉快。我一直都同個女經理講，我想對戒指喺新嘅，所以佢確保對戒指喺全新打造，由工廠直接拎俾我，保證冇人戴過，點知佢放假嗰日就嚟單咁嘅嘢，我仲要完全唔知做乜事。個sales戴完講咗一句嘢就走咗。我都問個男經理發生咩事，佢即刻講唔好意思。 我原本都算嘅，但最後我都覺得始終一世人一次，返去諗咗陣覺得接受唔到。第二日，我同返個經理講返呢件事，我都未講哂，佢已經好爽快話重新造返對俾我，仲交帶其他職員「對戒指全程淨喺由我同呢位女士接觸」，唔俾其他同事掂，所以真喺好感激佢！！