我老公對MaBelle有啲情意結，覺得係細細個就已經聽過嘅牌子，應該係信得過。我自己就鐘意i-primo同forever couple，但我老公就因為未聽過所以都係想揀MaBelle，所以我哋到都無去睇其他。 我覺得佢哋都算好多款揀，啲姐姐都幾好人，唔介意攞出嚟俾你試同睇。有現貨就可以即刻買走，要刻名嘅就遲啲再攞。我覺得佢哋嘅款都係簡單嘅款式，係比較樸實，但啲石都真係靚嘅。我個人嚟講就鐘意啲款式比較特別，例如有皇冠或者坑紋，不過我老公鐘意，唔緊要啦！

其實我行過好多間，周生生周大福有一兩個款都OK，曾經有一刻衝動想俾錢，但因為我唔鐘意個sales嘅態度，令我幾反感，同佢講要諗下就走咗。 其實Mabelle啲sales態度都幾chur，例如喺咁講要幫我分期，當我諗緊買唔買嘅時候就喺咁講「點解唔買埋佢啊?」、「買啦買啦!」，我好憎呢啲態度。但因為個款我比之前見到其他嘅更加鍾意，加上當時時間都有啲倉促，驚趕唔切，所以就買咗。如果唔喺因為時間趕，我一定唔會買然後走人。