當初我自己比較過幾間攝影公司嘅服務，當時同我哋介紹Pacakge嘅同事係Elaine，佢介紹得都唔錯，非常之全面，而我自己覺得Mona Lisa嘅Package同啲相嘅質素唔錯，所以就㨂咗Mona Lisa嘅Prewedding服務。😎

我嘅Package就包咗妝髮、拍攝同衫，我自己嘅Package就係去清新地同Studio影相，攝影師阿隨佢係過程入面主導得幾好，佢會幫我哋諗好曬唔同嘅位需要做啲乜，啲相嘅效果都唔錯，都係我哋想要嘅Feel。😍

對於化妝方面其實我無乜特別諗法，但係化妝師Solar都好好，佢會幫我諗好曬妝髮，而每一次轉妝都好快💅，而裙方面Package就包咗晚裝、婚紗兩條同便服，而先生就兩套西裝、一套便服，因為普通款就唔係太多選擇，所以我哋係㨂裙嘅時候就係晚裝同婚紗係加咗錢，先生西裝兩套都加咗錢嘅，試衫嘅過程感覺都幾好，佢哋會俾好多套我去試，同事都有俾咗好多Advise我哋。❤

我覺得成個影Prewedding嘅過程都幾好，我哋中間因為疫情關係同天氣關係要改期，但整個流程安排係幾好。🥰

香港好多結婚場地都要求較多嘅賓客人數，或者價錢頗為昂貴。但係對於只係想搞小型party嘅我來講並唔適合，我唔需要用到咁大個場。而Monalisa可以提供小型場地而且仲有一條龍服務，加加埋埋性價比高過好多公司。😆

我一開始係同Olivia WhatsApp溝通，之後上Office同佢哋傾package嘅細節。喺商討嘅過程當中Olivia都表現到佢嘅專業，提供咗好多資訊，亦都唔需要擔心會有hard sell嘅情況出現。佢比好多建議我哋，新人始終冇咩經驗，佢就會講場地會包啲乜嘢，又有啲咩要自己準備或者有啲咩需要特別注意。🤓

佢哋會包埋新人嘅服裝，我自己就租咗條係拖地嘅傘裙、袖口位有lace，相對而言我覺得裙嘅款式係比男士嘅多嘅。喺試衫嘅過程當中佢哋職員都會比中肯同埋實用嘅意見，佢哋會好仔細咁幫你去度身，又會考慮究竟呢條裙適唔適合你。不過我覺得如果佢哋試衫可以選擇嘅時間多返少少就好啦。🤭

化妝師Carol佢化嘅妝都好自然同時可以突出到個人嘅優點，睇上嚟好舒服嘅妝容，令人容光煥發。由於我對化妝嘅認識唔深所以大部份都係交俾佢發板，佢會預先問咗我意見先嘅，一切都係有商有量嘅狀態。😉而攝影師都非常專業，佢會教我哋擺Pose，所有重要嘅Moments都影晒。不過少少美中不足嘅地方係佢冇咩影到我嘅狗仔，都可能係之前我同佢冇溝通好。亦都會同朋友家人傾吓計、搞下氣氛。整體而言攝影師係盡責嘅，除左影相之外，亦都會同朋友家人傾吓計，令個場地氣氛熱鬧啲。😬