蒙娜麗莎
Monalisa Bridal Salon
4.2
關於Monalisa Bridal Salon

90後開始進入適婚年齡階段,要求的不只是構圖靚,還要玩味十足!讓人不單感受到準新人的幸福浪漫,更能感受到婚攝中的歡樂。Monalisa Bridal Salon一直致力發掘更多具創意及高質素的拍攝手法 ,透過Monalisa Bridal Salon的專業知識及豐富經驗,從拍攝技巧,照片結構以至意念執行等層面不段研發,務求令準新人感受與別不同的拍攝新層面、新感覺、新風格。再配合Monalisa Bridal Salon獨有的風格影樓,獨特設計的婚紗禮服,有潮流品味的婚攝盡顯妳你眼前!



award



攝影地點:
本地
海外
攝影地點:
本地
海外
禮服類型:
婚紗晚裝
男仕禮服
攝影地點:
本地
海外
攝影地點:
本地
海外
禮服類型:
婚紗晚裝
男仕禮服
最新評論
整體滿意度
4.2
過濾評語:
ch_9
4
精選評論
我當初做research嘅時候好多廣告彈出來,但係可惜全部都一式一樣,缺少新意,我就唔想同其他人一樣啦,亦都係因為對新鮮感嘅要求,Monalisa就係咁多間公司入面脫穎而出。Monalisa其中一個package係可以去西貢一個私人農莊影相,有羊又有風車,好有外國嘅感覺。除咗農莊之外,仲可以去遊艇影相,成件事係咪好玩好…

我當初做research嘅時候好多廣告彈出來,但係可惜全部都一式一樣,缺少新意,我就唔想同其他人一樣啦,亦都係因為對新鮮感嘅要求,Monalisa就係咁多間公司入面脫穎而出。Monalisa其中一個package係可以去西貢一個私人農莊影相,有羊又有風車,好有外國嘅感覺。除咗農莊之外,仲可以去遊艇影相,成件事係咪好玩好多呢!😝 我自己就當去一次旅行咁,好relax好放鬆。咁所以當時就選擇咗佢哋,而佢哋服務方面都真係冇得頂。我落訂第二日已經收到佢哋同事電話,話有咩事可以搵佢哋幫手,打咗支強心針比我。👍🏼

揀婚紗嘅時候,同事們都會好樂意去幫有選擇困難症嘅我揀啲適合嘅婚紗,等我唔洗花多眼亂。係成個揀衫過程佢哋仲講咗唔少關於婚紗嘅專業知識比我知,真係長知識。😚男裝方面都好大彈性,我另一半踢開波,對腳就比較粗壯,平時已經好難買褲,出面訂造又好貴喎。好彩Monalisa嘅衫褲都好多尺寸,唔怕揀唔到。😆佢哋仲冇限試幾多,試到啱試到攰為止。我哋都好放心將當日嘅行程交曬比同事處理,佢哋都會幫我book埋車。🚗其實佢哋嘅服務已經好細心,不過我覺得可以提供埋道具比新人,例如係啲波波燈、透明傘之類,方便好多,互動性都強啲。

去到影相當日真係好熱,我見住攝影師阿朱爬高爬低流曬汗,我唔識擺pose都係比佢教。佢真係好有熱誠~😳化妝師Irene知道我身子比較差,所以除咗take care我嘅妝容之外都好take care我嘅身體,會時不時關心我又不斷幫我抹汗。而佢手妝容造型都轉得好快,而且就算大風吹都冇問題,依然keep到,可見技巧之高。另外攝助好積極,會幫我攞住啲好重嘅衫,好盡責好有禮貌。

咁講埋相嘅質素,比我預期中好好多。我本身以為天氣熱到咁一定面容扭曲,但係又幾好喎,出到來擺pose嘅效果唔會好做作。同埋佢哋最好一樣野就係幫我執走男朋友嘅雙下巴哈哈🤫,連爸爸媽媽都話好靚好順眼。佢哋成個團隊咁好,我都冇理由唔比返封利是佢哋啦係咪?😉

攝影
蒙娜麗莎
2021.09.13

近年來我們都發現新人開始比較喜歡獨特風格或與別不同的婚攝,所以我們都會去不斷創新希望緊貼潮流,😌滿足新人不同的需要。見到你們咁滿意,我們都很開心!謝謝你們的評價!🤩

ipkaikwong
5
精選評論
其實會join Monalisa真係無預計過,應該係話,其實都無plan過要影婚紗相,純粹係有一日同女朋友去完朋友嘅婚禮之後就行咗去尖東,咁啱就有一個係關於婚禮嘅市集。我哋就行咗入去睇八卦下,就係咁就認識咗Monalisa嘅sales Olivia。

可能係比結婚朋友嘅vibe影響,亦都有可能係Olivia功力實在太…

其實會join Monalisa真係無預計過,應該係話,其實都無plan過要影婚紗相,純粹係有一日同女朋友去完朋友嘅婚禮之後就行咗去尖東,咁啱就有一個係關於婚禮嘅市集。我哋就行咗入去睇八卦下,就係咁就認識咗Monalisa嘅sales Olivia。

可能係比結婚朋友嘅vibe影響,亦都有可能係Olivia功力實在太深厚,佢好爽快好detail。😜我嘅enquiry都解答到,見佢哋嘅package都fit到我嘅要求。當下就即刻落咗訂,真係隨心到冇得再隨心。仲要係比咗訂之後佢即刻幫我check期話下星期有期。我當場呆咗,原來咁快就要影㗎咩。🤣我唔係怪佢,我都係屬於要比人推一推先會提高效率嘅人,但真係冇諗過咁快,不過我都鐘意佢呢種style嘅。由落訂到揀衫再到影相,其實都係兩個禮拜左右嘅事,超高效率。😆

簡單講下我嘅package啦,除左化妝師同攝影之外,會包3套女仔嘅衫,2套男仔嘅(1basic 1 upgrade)。女仔嘅款好多元化,就算唔需要upgrade款式都可以搵到心儀款式,但係男仔basic款式就少咗啲,有啲著出來都幾似酒樓部長。而男仔嘅upgrade款就多好多,完全係兩回事。Eventually我basic同upgrade款式都揀到,不過都建議佢哋可以improve下男禮嘅問題。😉

試衫當日都好多謝Carmen好有耐性幫我哋手揀衫同serve我哋😌 咁另外就係要好多謝Monalisa成個團隊幫手,事關我落訂嗰陣,其實係未求婚👻於是乎我就諗住係影pre wedding當日順便準備特備節目,一炮過求埋婚。😳除左有咁快得咁快買戒指之外,真係好多謝Monalisa嘅團隊咁配合我。攝影師家豪係pre wedding之前專登打比我同我商量個plan,呀徐、化妝師Ady都好著緊件事,好做得嘢。😎

如果按package嘅話,我哋係10點幾先開始化妝,但由於我想去我同女朋友相識嘅餐廳求婚(間餐廳11點開門),如果按原定時間化妝就會趕唔切。而佢哋就係為咗我個求婚plan,成個團隊係專登提早到7點開始化妝。😭好啦7點化妝,但係又有另一個難題——佢哋中央冷氣要8點先有。係咁侷促嘅環境下係化唔到妝,佢哋又提議搵把大風扇吹住,等我哋可以係舒適嘅環境化妝,總之有咩問題佢哋會即刻諗辦法幫我解決👍🏼

有佢哋嘅幫忙同配合,求婚都好難唔成功啦,順利到不得了~求完婚當然女朋友就喊曬啦。🤣Ady都有跟埋去餐廳standby,幫手補妝。果日朝早嘅時候落雨,下午又出太陽,啲熱氣蒸上來真係熱到傻,再加上我女朋友比較容易出汗,搞到啲頭髮容易癡埋。化妝師都會諗辦法處理,幫我哋保持係最佳狀態。🤩

咁求完婚仲有個小驚喜比女朋友嘅,因為我隻求婚戒指係Tiffany買(因為有朋友係入面做),咁都有去佢哋嘅vip room影咗啲相。再之後就係1881、文化中心、碼頭影,影完外景先折返去studio繼續影。依個位又係凸顯到Monalisa配合度高嘅地方,一般黎講都係先影studio再影外景,佢哋為咗幫我求婚都好肯更改。😙

同埋佢哋真係好快手,比期快手,諗橋快手就連比相都快手。我影相一個禮拜就可以上去睇相,真係快到離曬譜。😁雖然就咁聽落好似好chur咁,但佢哋一啲都唔pushy,只係幫手speed up咗個過程,全程都係好舒服地進行嘅,真係再一次多謝佢哋!

攝影
蒙娜麗莎
2021.08.18

再次恭喜你求婚成功!🥰好多謝你仲一一記得我們同事的名字,你的讚賞對我們來講真係好大鼓勵,可以幫到你求婚我們都覺得好開心!😉祝你們繼續甜甜蜜蜜呀!💓

聯絡資料
23390915
info@monalisabridal.com.hk
最新優惠
聯絡商戶