一開始見到Monalisa嘅即影相簿好靚，攝影風格又偏向自然style，同事嘅態度都好熱情，多數面談嗰陣佢哋都會主動俾啲意見我哋，仲好有耐心咁解答咗我嘅疑問。同事都會根據我嘅身型推介一啲款式嘅衫俾我試，我覺得著上身嘅效果都好靚，顏色上又襯到我膚色，睇得出佢哋唔會hea我，亂咁推薦俾我。試衫房又夠大，款式選擇都算多。💯 我本身就join咗pre-wedding嘅plan，入邊就已經包埋室内同戶外嘅拍攝，戶外我哋就去咗攝影師推介嘅農莊，嗰度雖然空間唔大，不過環境好靚。佢哋仲安排咗一啲羊參與我哋嘅拍攝。嗰日，攝影師都已經好盡力，因為我帶咗兩隻狗仔一起去影，其中一隻就唔望鏡頭，攝影師一路講嘢吸引佢哋注意，又要一路用最快速度按影相button，真係辛苦曬🤣 ！

喺冇其他助手嘅情况下，攝影師都可以好快完成成個拍攝，途中又俾好多idea教我哋要點擺pose，表情可以有乜變化，令啲相都望落冇咁單一，全程都有guide住我哋💯！ 喺studio嘅拍攝，攝影師一樣會lead住我哋，引導我哋下一步要點做，studio嘅景又好大，起碼我都影咗7-8種背景，每輯相都一定可以呈現到唔同嘅feel📸。 我都好慶幸拍攝遇到Pre-wedding嘅化妝師，而攝影師都好啱傾，好有趣，大家都好幫得手，好照顧我。化妝師對於妝容及髮型方面都好經驗，會聆聽我嘅要求，再仔細分析一啲適合我嘅妝容，髮型俾我。我記得開頭有同化妝師講，我希望拍攝嘅妝容輕薄啲，但佢反而話我知，如果妝容太輕薄，鏡頭可能會食妝，不過佢會盡量幫我拿捏底妝嘅力度，最後出嚟嘅效果我都覺得ok。戶外拍攝嘅时候，化妝師都會keep住幫我補妝，而且嗰日成31度，佢仲特登幫我遮太陽，驚我太熱，妝容會花曬，真係有impress到我。🥰

揀相就會有位同事同我哋一齊揀，我記得佢好細心，俾咗我一個好好嘅建議，因為Monalisa嘅相框質地，尺寸等等都可以為新人個性定制。原先我就想用油畫，同事就提醒我香港嘅天氣比較潮濕，如果用油畫可能會有影響，不如揀滑面玻璃，呢款質地可以keep好耐。我都好驚喜，竟然考慮到咁細微嘅位置，連我自己都冇考慮過呢方面。🥹啲相嘅效果我同先生都好滿意，後期執得都好自然，唔會太過火，我成個過程嘅體驗都好好，好多謝每位同事嘅幫忙！

我喺其中一個朋友嘅婚宴睇過Monalisa啲相覺得幾靚，之後我哋去booth咁啱撞到Monalisa都喺度擺，仲要限時優惠價8888一個package包曬，價錢好平，而且啲相都影得啱我心水，直頭可以話平，靚，正，我哋好快就落訂join咗呢個優惠。同事Suki嘅態度都好好，好醒目🥳，好快就已經get到我要嘅嘢，又可以好快解答我嘅問題。我本身對於一啲拍攝風格，妝容都有要求，我就將所有要求都已經俾話曬佢哋知道，佢哋同事都明白我嘅要求。攝影師都好細心，景點方面我哋就有自己心水嘅地方，咁攝影師就搵啲之前影過嘅相俾我，睇吓效果成品大概會係點。成個溝通過程其實都好舒服，同事都好pro，知道作為新人多少都有啲顧慮，佢哋都有俾意見幫我哋解決問題，睇得出好重視我哋啲新人。

攝影師應變能力好快，因為係長輩幫手揸車，溝通上我同長輩就有啲摩擦，嗰陣嘅氣氛都好尷尬，攝影師都好快教我哋要點行啲路線，又唔會出聲介入我哋，非常多謝，幫咗我緩和當時嘅氣氛🥹。拍攝過程都好順利，攝影師又好快咁影到好多角度，又會教我哋擺一啲pose，到後期我自己都有擺返自己中意嘅pose，佢仲話好好啊，可以擺返我自己中意嘅pose或者我自己想擺嘅表情，好尊重我嘅意願，唔會強逼我要用佢教啲pose。至於化妝師都幾好，我嗰日遲咗到，不過佢都可以好仔細好快手幫我化好個妝。

我本身有三套婚紗，妝容都會幫我襯返唔同類型嘅衫，不過又可以凸顯到我嘅面部優點，仲有我自己想要嘅效果🤩。 化妝師好專業，我自己其中有一套婚紗想用藍色眼影，佢反而係用佢嘅經驗話我知，不如用藍色眼線會靚啲，比較match到件裙。另一套婚紗我就想要好利落嘅feel~但係我頭髮好攣又好厚，效果就唔靚，化妝師都好好，幫我拉直，紥實啲嗰辮，效果都係我想要嘅❣️。化妝師真係非常有技巧，好用心聆聽我嘅需求，盡量滿足我。 我最欣賞攝影師嘅原則同埋責任感，我仲好記得，我哋最後一站拍攝地點係中環，咁啱收工時間好多人，我就提議話我哋求其影幾張靚嘅，唔曬太多時間，因為都好多人，但係攝影師都好盡責，一直把握機會盡量幫我影好多靚相，攝影師真係好俾心機，堅持影到滿意為止，過曬鐘都冇同我哋計。💯 我覺得Monalisa都好願意為新人調整好多嘢，好似我本身有三件婚紗，但係我就想其中一件套件外套就ok，唔想咁麻煩再換衫，同事都覺得ok，可能會有唔同風格！