其實會join Monalisa真係無預計過，應該係話，其實都無plan過要影婚紗相，純粹係有一日同女朋友去完朋友嘅婚禮之後就行咗去尖東，咁啱就有一個係關於婚禮嘅市集。我哋就行咗入去睇八卦下，就係咁就認識咗Monalisa嘅sales Olivia。

可能係比結婚朋友嘅vibe影響，亦都有可能係Olivia功力實在太深厚，佢好爽快好detail。😜我嘅enquiry都解答到，見佢哋嘅package都fit到我嘅要求。當下就即刻落咗訂，真係隨心到冇得再隨心。仲要係比咗訂之後佢即刻幫我check期話下星期有期。我當場呆咗，原來咁快就要影㗎咩。🤣我唔係怪佢，我都係屬於要比人推一推先會提高效率嘅人，但真係冇諗過咁快，不過我都鐘意佢呢種style嘅。由落訂到揀衫再到影相，其實都係兩個禮拜左右嘅事，超高效率。😆

簡單講下我嘅package啦，除左化妝師同攝影之外，會包3套女仔嘅衫，2套男仔嘅（1basic 1 upgrade)。女仔嘅款好多元化，就算唔需要upgrade款式都可以搵到心儀款式，但係男仔basic款式就少咗啲，有啲著出來都幾似酒樓部長。而男仔嘅upgrade款就多好多，完全係兩回事。Eventually我basic同upgrade款式都揀到，不過都建議佢哋可以improve下男禮嘅問題。😉

試衫當日都好多謝Carmen好有耐性幫我哋手揀衫同serve我哋😌 咁另外就係要好多謝Monalisa成個團隊幫手，事關我落訂嗰陣，其實係未求婚👻於是乎我就諗住係影pre wedding當日順便準備特備節目，一炮過求埋婚。😳除左有咁快得咁快買戒指之外，真係好多謝Monalisa嘅團隊咁配合我。攝影師家豪係pre wedding之前專登打比我同我商量個plan，呀徐、化妝師Ady都好著緊件事，好做得嘢。😎

如果按package嘅話，我哋係10點幾先開始化妝，但由於我想去我同女朋友相識嘅餐廳求婚（間餐廳11點開門），如果按原定時間化妝就會趕唔切。而佢哋就係為咗我個求婚plan，成個團隊係專登提早到7點開始化妝。😭好啦7點化妝，但係又有另一個難題——佢哋中央冷氣要8點先有。係咁侷促嘅環境下係化唔到妝，佢哋又提議搵把大風扇吹住，等我哋可以係舒適嘅環境化妝，總之有咩問題佢哋會即刻諗辦法幫我解決👍🏼

有佢哋嘅幫忙同配合，求婚都好難唔成功啦，順利到不得了～求完婚當然女朋友就喊曬啦。🤣Ady都有跟埋去餐廳standby，幫手補妝。果日朝早嘅時候落雨，下午又出太陽，啲熱氣蒸上來真係熱到傻，再加上我女朋友比較容易出汗，搞到啲頭髮容易癡埋。化妝師都會諗辦法處理，幫我哋保持係最佳狀態。🤩

咁求完婚仲有個小驚喜比女朋友嘅，因為我隻求婚戒指係Tiffany買（因為有朋友係入面做），咁都有去佢哋嘅vip room影咗啲相。再之後就係1881、文化中心、碼頭影，影完外景先折返去studio繼續影。依個位又係凸顯到Monalisa配合度高嘅地方，一般黎講都係先影studio再影外景，佢哋為咗幫我求婚都好肯更改。😙

同埋佢哋真係好快手，比期快手，諗橋快手就連比相都快手。我影相一個禮拜就可以上去睇相，真係快到離曬譜。😁雖然就咁聽落好似好chur咁，但佢哋一啲都唔pushy，只係幫手speed up咗個過程，全程都係好舒服地進行嘅，真係再一次多謝佢哋！

有啲失望! 知道佢係一間老品牌子而且多年歷史, 本應該都有一定信心, 但最後總結上都唔係想像中咁好, 唔明點解咁多好評價, 可能大家要求唔一樣. 有以下評價… 1/ 起初一開始去左尖咀百利買左佢$1xxxx pre wedding packages, 女仔可以揀三款/ 男仔揀二款, 而且滿心歡喜後期仲upgrade埋, 點之到約揀衫日, 佢哋嘅衫選擇真係少得可憐, 而且因為佢哋當日full schedule一對對新人接住落, 所以當日揀得好急, 幫你試衫果位員工態度又急又燥….俾款色更少,(感覺好趕客) 搞到最後揀3套都係求其揀左……唉… 2/ 影相當日, 外景去咗山頂公園、石澳同studio影相，除左化妝都幾滿意全日跟足我化妝、補妝之外, 去到石澳set頭keep唔到之外係ok, 但影相方面, 由於我哋冇經驗影相，請攝影師提我哋點樣擺pose，但pose真係好貧乏, 而且需要再三提點某啲位先補影幾張, (好笑既係, 當男友問會去邊度食午飯, 攝影師仲好笑叫男友: 你請?! 男友當然無所謂, 最終搞到請晒所有人食….但最後揀相唔見得影有幾好…….. 所以大家真係當日有心俾下利是就好夠, 唔需要做太多.) 3/ 揀相方面，預先同你執晒300張相, 先發現要我哋取捨或者加錢曬相，當時又叫你upgrade大相薄原來係好貴的, 但都有買到, 大約又俾多萬幾… 4/ 最後收相, 又發現有一張相架做得好差 (疑似一pat污跡), 搞到要即時check晒所有, 咁都係可以一換一, 但唔係幾滿意佢哋送貨包裝, 大相真係就咁用包裝紙箱送黎, 而其他就用環保袋入住就算, 售後送貨服務真係麻麻.