個人認為Monalisa性價比係我睇過嘅公司入面最高嘅，睇sample嘅時候都覺得佢哋嘅相好靚、有花心思影。😉我同先生唔係影pre-wedding，反而係影post wedding，所以係big day之後先再影婚紗相。Monalisa嘅人同我講咗唔少結婚傳統上嘅細節，甚至係去現場幫我。好似過大禮同回門咁，都有幫手。🤩甚至係big day 當日, Olivia當日為咗借頂帽比我老公，專登提早20分鐘過來新娘房俾我，仲同我一齊落去睇住個場，仲提我要去同證婚律師夾下流程，以上嘅service都係佢哋好主動咁提供，而且冇額外收費嘅, 所以都真係覺得Olivia 好貼心, 至於同錄影嘅Ivan合作都好舒服愉快，雖然佢專門捕捉我哋喊位，但真係好感動嘅。我同老公收到片之後都睇咗至少十幾次。😭除此之外，其他人都好熱心好盡責。就好似serve我揀衫嘅同事們，我試完之後有改動，佢哋都好有耐性，繼續幫我搵，唔會有任何怨言，好為客人設想。👍🏼

我搵Monalisa影婚紗相主要唔係for結婚嘅，主要係想有一輯相可以紀念下。Monalisa嘅服務令我好滿意，好有賓至如歸嘅感覺。佢哋全間公司嘅staff都好有禮貌，幫我影相嘅攝影師、助手、化妝師更加係無微不至。🥰攝影師係影之前有問過我想影左邊定右邊面多啲，我同佢講係右邊之後，佢真係有按照我嘅要求調整比例。當然左邊嘅相都會有，但右邊面就多啲😆攝影師同助手好留意細節，無時無刻都會注意表情、頭髮、身體嘅pose，好希望我哋係最好嘅狀態之下影相。助手甚至幫我搵埋2個花球做配搭，其中1個嘅顏色仲要係我好鍾意嘅添❤️化妝師幫我set嘅3個造型都好滿意，我一開始都有話過覺得自己塊面有啲肥，再加上開始熟齡，唔係好想將啲頭髮梳起，化妝師都好遷就我，同時都會比啲好中肯嘅意見我😬化妝師係我影相嘅時候係隨時standby，同埋留意住我啲頭髮、妝容會唔會要補下、執下咁。影完相之後，調色、美化都令到原本已經好靚嘅相再升多個level😎Monalisa嘅配套、背景都好多元化，絕對啱心水！其實佢哋個package影外景本身係10個鐘，但係我都好早同佢哋講話7-8個鐘已經係我嘅極限，而且個人唔係咁鍾意夜晚影相。佢哋都係因應返我哋嘅需求調整，早少少開始影，唔會影到夜晚, 我覺得成個過程我都係好愉快、係真心享受過程，我哋唔同明星，只係普通人，但係佢哋嘅服務令到我感受到自己係被重視、被遷就😍而且溝通都好流暢，相片嘅效果更加係滿分。佢哋嘅服務質素絕對係一流！