整體而言都okay，有咩要問查詢都好快回覆同詳細，唔會hea或者亂答我哋，整體我哋要求嘅嘢都有做足俾我。

同攝影crew都相處得唔錯，特別影相嘅時候，攝影師知道我同老公都超緊張，個人硬到根本我自己都覺得影唔到，當時攝影師都唔會繼續影，都會停shoot 俾D空間我地，講D嘢緩和吓氣氛俾我哋放鬆返個人睇得出佢哋好有耐性。

我認為相處過程可以令我哋輕鬆好重要，始終影相嘅時間都唔短，唔夾嘅話大家都真係會辛苦。特別要讚攝影師俾嘅指引好清晰，可以引導到我同先生擺pose，而且好快就捕捉到我同先生嘅神髓。所以出嚟相嘅效果係好好，簡直係快靚正！臨影嗰幾日太陽都好烈，我都驚到影嗰日攝影師會為咗唔要我哋黑面而要我哋不停暴曬住咁影，但係影嗰日佢哋又無要我哋曬喎，我嗰時都怕可能D相會黑面喇，點知睇返相又無黑面喎！呢點我真係滿意。

成個過程都係enjoy嘅，而其實一開始join嘅時候我哋都無話諗住加相所以都無問加相幾多錢，到睇相嘅時候又真係好靚先知道應該要預鬆啲Budget 預埋加相嘅錢。所以如果Monalisa 可以join時再清晰D講埋加相要收幾多錢會好D，因爲係budget有限嘅情況下，的確係有少少兩難嘅。撇除加相之外，其他方面都好好，會加相都係因為攝影師嘅相真係太靚了，所以都真係無辦法！😅

一直都有留意開蒙娜麗莎，又有朋友用過覺得好好～ 而且佢哋唔會好hard sell，感覺好舒服～🥰 本身打算去4個地方影相，但佢哋好好，出發前會message我哋，商量一下拍攝時間嘅問題，最後都係決定去3個地方影：石澳、獅子會、Studio，可以影得舒服啲唔使咁趕～😎 最後影相當日發現影3個地方都已經好趕，如果當初無聽佢哋意見，應該真係會好辛苦。

點解我哋會揀嗰3個地方？因為我同太太對於去邊度影相其實都無乜idea😅，第一次去蒙娜麗莎嘅時候，負責幫我哋嗰位Sales同事Kennis好熱心🥰，一開始諗去邊度影相嘅時候，Kennis就憑佢嘅專業同經驗俾咗好多建議俾我哋，俾好多sample相我哋睇，等我哋唔駛返去再做research咁煩～ 我哋第一次已經初步揀到攝影地點，而我哋之後睇返啲相，都覺得當初揀去呢啲地方影嘅相唔錯，效果相當滿意！🤩👍🏻

至於攝影方面，攝影師Wyman好快手，會影唔同嘅style俾我哋睇，仲教埋我哋應該擺啲乜嘢Pose，邊個場景著邊套衫最襯～👍 而且喺獅子會嗰度仲發生咗件趣事：因為嗰度有好多蟲，好似蚱蜢、飛蛾咁，啲蟲仲走晒入去婚紗入面，我太太好驚🥶，工作人員就全部都好落力咁幫手捉蟲～ 成件事真係好貼心！❤️

太太好鐘意化妝師Ady，話佢好細心，因為我太太皮膚比較敏感，化妝師事前會做足步驟細心呵護肌膚，又好樂意幫我哋，Pre-Wedding嗰日落大雨，佢會衝去搵兩把遮遮住我哋，感覺真係好細心，所以太太都忍唔住問佢Big Day會唔會都可以幫手化妝💕～ 同埋影相當日石澳嗰度其實好大風，我個頭俾啲風吹到亂晒，化妝師都好細心咁幫我去Set頭，真係好抵讚！🤩