因為我係Facebook 見到Monalisa有promotion，覺得幾抵，所以就吸引咗我同男朋友去婚展搵佢地。去到見到Monalisa呢間公司都算大間，又有代言人係度，加埋佢地既package係包pre wedding攝影之外仲有埋big day服裝，一條龍感覺幾方便😌。傾緊既時候感覺都正面，職員幾有耐性。試衫既時候sales都俾到有用既意見我，例如邊套襯外景，邊套襯室內景同夜景。只係某啲室內景有少少殘舊，如果可以新淨啲就更好啦。佢地亦都會幫我揀到適合我同埋我想要既款式🥰。影既過程好順利，攝影師好風趣，我同男朋友影得比較生硬既時候佢都會講啲笑話引我地自然咁笑😬。我地本身唔識擺pose,攝影師都會好有耐性咁指導我地，教我地隻眼應該望邊。佢地都非常專業同追求完美，有時我覺得已經滿意收貨，但係佢地覺得可以更加好，一啲都唔hea😄。化妝師都好細心幫我化，但係可能濃咗少少，我自己就鍾意清新啲既妝容，不過化妝師都有同我解釋返化的濃啲影相先會突出。至於big day既衫，我係有俾錢upgrade,因為sales話upgrade咗啲款會靚啲。咁最後我都揀到自己鍾意既婚紗同晚裝。雖然揀相既時間唔係幾夠😅，得一個鐘，我地揀咗個半鐘都未揀好，不過睇返初步既相都覺得幾滿意。

我聽人講婚展期間會有好多discount，所以就去左行。跟住就見到Monalisa 呢間公司，雖然無人介紹我揀Monalisa影pre wedding,但係個日我見到佢地既作品幾啱我心水，又有得去韓國影，所以就搏下，就揀左佢地。同埋佢地係大公司，感覺比較有質素保證。傾傾下佢地就同我介紹埋佢地既big day plan,包曬化妝，租9套衫(裙褂，婚紗，禮服，西裝都包曬)同攝影。我鍾意佢地一條龍服務，可以慳返啲時間，好方便👍🏼。仲有佢地既同事態度，服務非常好同周到！😚首先係影韓國pre wedding之前同我地開會既Angel, 佢好nice, 除左同我地講解流程之外，仲同我地share左好多旅遊資訊，直程借埋佢自己個本旅遊書俾我地，好貼心😌。我覺得佢地公司既職員都對自己既工作好有歸屬感，我完全feel到佢地既熱誠，唔係個種為打工而服務你既感覺，真係好用心🥰。我返到黎香港揀相既時候，其實揀唔落好多，但係Monalisa 都唔會好hard sell咁逼我買相。幫我試衫既女仔阿Ling都好好人，好有心機咁幫我。例如我無咩idea既時候，佢會俾意見我，同埋態度好好，好細心，唔會黑面🤪。另外我非常滿意化妝師Irene，我好care big day個妝容,而Irene就完全滿足到我既要求，就算我成日改黎改去佢都唔介意，會儘量滿足我，唔會嫌我煩。我結婚前兩個禮拜突然想搵返個頭飾，佢就即刻幫我搵，最後仲借左佢自己既私夥頭飾俾我，個刻我真係好感動，佢只係打工但係都咁落力幫我😭😭❤️❤️。我完全感覺到佢既專業同用心。我覺得Monalisa 最難得既係佢地既團隊精神同態度，呢啲service 真係用錢都買唔到🤭。同埋Mathew 同Alex既攝影團隊都好好，佢地會事前幫我地開個Whatsapp group，加哂成個攝影團隊既人入去，隨時了解我同老公既需要，同埋我地request既野都做到哂👍我真係覺得自己好好彩，已經向身邊既朋友推介左呢間公司。唯一對呢間公司唔滿意既係佢地安排俾我地既韓國翻譯，個翻譯既態度真係好差，又黑面又調返轉頭order我做嘢，真係好奇怪，搞到我受左成日氣😠，但係我又唔識韓文，只可以靠佢，如果我eq低啲都影唔到輯相😕。返黎香港我已經即刻同Monalisa 認真投訴左，希望佢地可以安排個好啲既翻譯🧐。但係除左呢點之外，對於Monalisa既其他服務我都係超級滿意🤩。